Колоссынхидтэ 3:12 - Библи

¹² Таанад гэгээн хүнүүд гээшэт. Бурхан таанадта дуратай, таанадые Өөртөө шэлэжэ абаа. Тиимэһээ таанад бэе бэеэ хайрлажа, бэе бэедээ һайнаар хандажа байгты, номгон, даруу зантай, тэсэбэритэй байгты.

Шэнэ Хэлсээн

¹² Таанад гэгээн хүнүүд гээшэт. Бурхан таанадта дуратай, таанадые өөртөө шэлэжэ абаа юм. Тиимэһээ таанад бэе бэеэ хайрлажа, бэе бэедээ һайнаар хандажа байгты, номгон, даруу зантай, тэсэбэритэй байгты.

Колоссынхидтэ 3:12 Referencias Cruzadas

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 45:4

Минии богоол Яковай, Минии шэлэмэл Израилиин аша туһа хаража, Би шамайе нэрээршни дуудааб. Намайе шинии танихагүйшье һаа, Би шамда хүндэтэ нэрэ үгөөб.

Исай 63:15

Эзэн Бурхамнай, нангин, алдар солото Өөрын гэрһээ – тэнгэриһээ харыт! Маанад тушаа һанаа зобохотнай хаанаб? Хүсэ шадалтнай хаанаб? Маанадые энхэрнэгүйт, энэрэл хайраяа үзүүлнэгүйт.

Исай 65:22

Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.

Исай 65:9

Яковта үри үршөөхэб. Иудын уг удамынь хадалиг Минии орон нютагые үеһөө үедэ эзэлэн байха. Намда мүргэдэг зон тэндэ ажаһууха.

Ерэмияа 31:20

Эпрааим Минии хайрата хүбүүн бэшэ юм гү? Эгээл дуратай үхибүүмни бэшэ юм гү? Тэрээн тухай ама гараха бүхэндөө тэрэниие угаа энхэрэн һанадагби. Минии зүрхэ сэдьхэл тэрээн руу тэгүүлдэг, Эпрааимда үршөөл хайраяа үзүүлхэб!

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Матвей 24:22

Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Матвей 24:31

Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Марк 13:20

Хэрбээ Эзэн тэдэ аймшагтай үдэрнүүдэй тоое үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Эзэн тэдэ үдэрнүүдэй тоо үсөөрүүлхэ юм.

Марк 13:22

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Марк 13:27

Тиигээд Тэрэ Бурханай шэлэжэ абаһан зониие суглуулхын тула газар дэлхэйн заха хизаарһаа огторгойн заха хизаар хүрэтэр Эльгээмэлнүүдээ ябуулха.

Лука 1:78

Бурхамнай гүн ехэ хайраараа огторгойһоо шараһан Гэгээн Наран мэтээр

Лука 18:7

Тэрэнэй тиигэжэ байхадань, Бурхан шэлэжэ абаһан зонойгоо үдэр һүнигүй туһаламжа гуйхадань, бүришье һайнаар харгалзаха хамгаалха бэшэ гү? Тэдэндээ анхаралаа табиха бэшэ гү?

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Римэйхиндэ 9:11

Үшөө тэдэ хоёрой түрөөгүй, һайн гү, али муу юумэ хээгүй байхадань, «Ахань дүүгэйнгээ зараса болохо», – гээд Эзэн Рэбээккаада хэлээ. Тиигэжэ хэлэхэдээ, Эзэн хүнүүдэй хэрэгүүдээр бэшэ, харин Өөрынгөө эрхэ хүсэлөөр шэлэжэ байһанаа харуулаа.

Коринфынхидтэ 1-дэхи 13:4

Хайра дуратай хүн тэсэбэритэй, энэрхы сэдьхэлтэй, атаархадаггүй, һайрхадаггүй, бүдүүрхэдэггүй, дээрэлхэдэггүй юм.

Коринфынхидтэ 2-дохи 6:6

Бидэ арюун сэбэр, мэдэлгэтэй, тэсэбэритэй, үршөөл буянтай байдагбди. Арюун Һүлдэ маанадтай оршодог, тиин хайра дуран үнэн зүрхэнһөөмнай гарадаг.

Галадуудта 5:6

Иисүүс Христоосой ашаар абарагдаха һанаатай байбал, бэлгээ отолуулаа гүбди, али отолуулаагүй гүбди – ямаршье илгаагүй юм, гансал хайра дура үгэдэг этигэл шухала юм.

Эфесэйхиндэ 1:4

Бурханай урда арюун ба зэмдэггүй байхымнай тула Тэрэ бидэниие Христоостой нэгэдхэн Өөрын болгожо, газар дэлхэйн бүтээгдэхэһээ урда шэлэжэ абаа. Бурхан бидэндэ дуратай байжа,

Эфесэйхиндэ 4:2

Ходо даруу, номгон, тэсэбэритэй байгты. Бэе бэедээ тэсэбэритэйгээр хандажа, өөһэдынгөө хайра дурые харуулжа байгты.

Эфесэйхиндэ 4:24

Бурханай дүрые һажааһан үнэн сэдьхэлтэй, арюун гэгээн амидаралтай шэнэ хүн боложо хубилагты.

Эфесэйхиндэ 4:32

Харин бэе бэеэ энхэрэн, хайрлажа ябагты, Бурханай Христоосоор дамжан таанадые хүлисэһэндэл адляар бэе бэеэ хүлисэжэ байгты.

Филиппынхидтэ 1:8

Иисүүс Христоосой таанадта хайра дуратай байдагтал тон адляар миниишье та бүхэндэ хайра дуратай байһые Бурхан мэдэнэ.

Колоссынхидтэ 3:10

Таанад шэнэ хүнүүд болобот. Таанадта Өөрыгөө бүрин мэдүүлхын тула Бурхан, Бүтээгшэ тиимэ хүнүүдые бүрил Өөртөө адли болгон шэнэдхэдэг.

Фессалоникиинхидтэ 1-дэхи 5:15

Таанадта муу юумэ хэхэдэнь, харюудань муу юумэ бү хэгты, харин бэе бэедээ, хүн бүхэндэ ходо һайн юумэ хэхые оролдогты.

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин Өөрынгөө һайн хүсэлөөр ба үршөөл хайраар бидэниие абаржа, нангин арад болгохоёо дуудаа. Бурхан сагай урадхалай эхи абахаһаа урда бидэндэ Иисүүс Христоосой ашаар Өөрынгөө үршөөлые хайрлаа.

Тимофейдэ 2-дохи 2:10

Бурханай шэлэжэ абаһан хүнүүдэй Иисүүс Христоосой ашаар абарагдан, мүнхын алдарта хүртэхын тула би эдэ зоболонгуудые дабажа байнаб.

Тидтэ 1:1

Этигэл һүзэгөөрөө намтай нэгэдэһэн үнэн сэхэ Тит хүбүүмни, шамда Бурханай зараса, Иисүүс Христоосой элшэн Павел бэшэнэ. Бурхан Эсэгэ болон манай Абарагша Иисүүс Христоос шамда үршөөл хайра ба амгалан тайбаниие үршөөг лэ. Бурхан намайе шэлэжэ абаад, һунгаһан хүнүүдэйнгээ һүзэгые дэмжүүлхээр, шажанаймнай һургадаг үнэн зүйлдэ тэдэниие хүтэлүүлхээр намайе эльгээгээ. Энэ үнэн зүйл мүнхын амидаралда найдаха гол түшэг болоно. Худал юумэ хэлэдэггүй Бурхан мүнхын тэрэ амидаралые анханһаа нааша бидэндэ найдуулжа, тогтооһон сагтаа тэрэнээ Өөрынгөө һургаалда нээгээ. Тэрэ һургаалынь намда үгтэжэ, манай Абарагша Бурханай захиралтаар би тэрэнииень номноноб.

Пётрой 1-дэхи хандалга 1:2

Иисүүс Христоосой үгэ дуулажа, шуһаарнь сэбэрлүүлхын тула таанад Эсэгэ Бурханай эрхэ мэдэлээр шэлэгдэжэ абтаһан байгаат, Тэрэнэй Арюун Һүлдын ашаар арюудхагдаат. Бурханай үршөөл хайра, амгалан тайбан та бүхэнтэй элбэг дэлбэг байхань болтогой.

Пётрой 2-дохи хандалга 1:10

Тиимэһээл, аха дүүнэр, Бурханда дуудуулһанаа, шэлэгдэжэ абтаһанаа баталхые һайса оролдогты. Тиигэбэл таанад зүб замһаа хадуурхагүйт.

Иоаннай 1-дэхи хандалга 4:19

Бидэ Бурханда дуратайбди, юундэб гэбэл, бидэндэ түрүүшээр Бурхан дурлаа.

Иоаннай 2-дохи хандалга 1:13

Бурханай шэлэжэ олоһон эгэшыншни үхибүүд шамда мэндые хүргэнэ.

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».