Колоссынхидтэ 1:24 - Библи

²⁴ Мүнөө би таанадай түлөө зоболон эдлэжэ байхадаа жаргалтай байнаб, ушарынь ямар бэ гэхэдэ, Христоосой бэень болохо һүзэглэгшэдэй бүлгэмэй түлөө би Христоостол адляар зобоноб, тиихэдээ дутуу зоболонгуудые хүсэлдүүлжэ байнаб.

Шэнэ Хэлсээн

²⁴ Мүнөө би таанадай түлөө зоболон эдлэжэ байхадаа жаргалтай байнаб, ушарынь ямар бэ гэхэдэ, Христосой бэень болохо һүзэглэгшэдэй бүлгэмэй түлөө би Христостол адляар зобоноб, тиихэдээ дутуу зоболонгуудые хүсэлдүүлжэ байнаб.

Колоссынхидтэ 1:24 Referencias Cruzadas

Марк 10:39

– Шадахабди, – гэжэ Яков Иоанн хоёр харюусаба. – Үнэхөөрөө таанад Минии зоболонгой аягаһаа амсахат, Минии хүртэхэ уһан арюудхалгада хүртэлсэхэт.

Хэрэгүүд 5:41

Иисүүсэй нэрэ алдарай түлөө иигэжэ доромжолуулан зобохонь зохистой гэжэ тоолоһон элшэнэр баяртайгаар Зүблэлэй суглаанһаа гаража ошобод.

Римэйхиндэ 5:3

Бидэ зобожо байһандаа баһа баяр жаргалтай байнабди, юундэб гэхэдэ, зоболон бэрхэшээлнүүд тэсэбэри тэнхээтэй болгодог,

Римэйхиндэ 8:17

Бидэ Тэрэнэй үхибүүдынь хадаа Өөрын хүнүүдтэ хадагалажа байһан буян хэшэгэйнь залгамжалагшад гээшэбди, баһа Христоосто бэлдээтэй юумые Христоостой хамта залгамжалхабди. Христоосой зоболонгуудые хубаалсаа юм хадаа, Тэрэнэй алдарташье хүртэлсэхэбди.

Коринфынхидтэ 1-дэхи 12:27

Таанад булта Христоосой бэе гээшэт, харин ганса гансаараа Тэрэнэй эрхэтэд гээшэт.

Коринфынхидтэ 2-дохи 12:15

Би өөрыгөө, намда байһан юумээ дууһан баяртайгаар таанадай түлөө үрихэ байнаб. Минии таанадта аргагүй ехээр дуратай байхада таанад намда багаар дуратай байха аалта?

Коринфынхидтэ 2-дохи 6:10

Зобожо байһаншье һаа, бидэ ходо баяртай байдагбди; үгытэй ядуушье һаа, олон хүнүүдые баян болгодогбди; ямаршье юумэгүй байһан шэнги аад, үнэндөө бидэ бүхы юумэнэй эзэдынь гээшэбди.

Коринфынхидтэ 2-дохи 7:4

Би таанадта аргагүй ехээр найданаб, таанадаар аргагүй ехээр омогорхожо байнаб. Бүхы бэрхэшээл зоболонгуудтаа би ехэл урма зоригтой, аргагүй баяр жаргалтай байнаб.

Эфесэйхиндэ 1:23

Һүзэглэгшэдэй бүлгэм Христоосой бэень гээшэ, бүтээгдэһэн бүхы юумые Өөрөөрөө дүүргэдэг Тэрэниие һүзэглэгшэдэй бүлгэм бүрин түгэс болгоно.

Эфесэйхиндэ 3:1

Тиимэл шалтагаанаар би, Павел, еврей бэшэ таанадай түлөө Иисүүс Христоосһоо боложо хаалтада һуунаб.

Эфесэйхиндэ 3:13

Тиимэһээ минии тулижа, зобожо байһанда урмаа бү хухарагты гэжэ би таанадые гуйнаб. Минии зоболон танай аша туһада юм.

Филиппынхидтэ 3:10

Христоосые, Тэрэниие амидыруулһан хүсые мэдэрхэ гэжэ хүсэнэб. Тэрээндэл адляар зобохо, Тэрээндэл адляар үхэхэ дуратай байнаб,

Колоссынхидтэ 1:18

Тэрэ һүзэглэгшэдэй бүлгэмэй толгойнь юм, һүзэглэгшэдэй бүлгэм Тэрэнэй бэень юм. Тэрэ тус бэеын амидаралай эхин болоно. Бүхы юумэнүүдэй дээгүүр байхын тула Тэрэ ууган Хүбүүн үхөөд, хамагай түрүүндэ амидыруулагдаа. Тэрэ хамаг юумэнэй түрүүндэ юм.

Тимофейдэ 2-дохи 1:8

Тиимэһээ манай Эзэн Иисүүс Христоос тухай гэршэлхэеэ бү айгаарай, Христоосой түлөө түрмэдэ һуужа байһан намһаа бү эшэжэ, улайжа байгаарай. Харин Бурханай үгэһэн хүсэ шадалаар Һайн Мэдээсэлэй түлөө зоболонгуудые дабажа гараарай.

Яковай хандалга 1:2

Аха дүүнэрни, элдэб олон бэрхэшээл зоболонгуудые үзэхэдөө, өөһэдыгөө жаргалтайбди гэжэ тоологты.