Хуули дабталга 9:7 - Библи

⁷ Элһэн сүл губида Эзэн Бурханаа сухалдуулһанаа оройдоошье бү мартагты. Египедэй газар дайдаһаа гараһан үдэрһөө хойшо энэ газарта ерэтэрээ Эзэндэ таанад эсэргүүсээт.

Хуули дабталга 9:7 Referencias Cruzadas

Египедһээ гаралга 14:10

Фараон дүтэлжэ ябаба. Нэхэжэ ерэһэн Египедэй сэрэг хараад, Израиль угсаатан һүрдэхын ехээр һүрдэжэ, Эзэнһээ абарал эрибэ.

Египедһээ гаралга 14:11

– Египедтэ яһымнай хаяха газар олдохогүй һэн гү?! – гэжэ тэдэ Моисейдэ хашхаралдаба. – Ши маниие хосороохо гэжэ сүл губида асарба гүш? Яаха гэжэ Египедһээ ябуулаабши?

Египедһээ гаралга 16:2

Губида байхадаа, Израилиин хүбүүд Моисей Аһароон хоёрто гэмэрэлдэжэ эхилбэ.

Египедһээ гаралга 17:2

улад зон үнөөхил Моисейе гэмнэжэ эхилээ һааб даа. – Уһа оложо үгыш манда, ундамнай хүрэхэдэнь яаха зонбибди? – гэжэ гэмэр гутар гэлдэбэ. – Уһанай үгыдэ би яахабиб? – гэбэ Моисей. – Эзэнээл туршана гээшэт.

Египедһээ гаралга 23:21

Тэрээнһээ айжа ябагты, үгыень дуулагты, тэрээндэ харша юумэ бү хэгты. Тэрэ танай эсэргүүе тэбшэхэгүй, юуб гэхэдэ, тэрээн соо Минии нэрэ алдар оршоно.

Исай 48:8

Таанадта этигэхын аргагүй гэжэ Би мэдэжэ байгааб. Урбахаар зон гээд таанад тушаа хэлсэдэг һэн. Тиимэһээл энээн тушаа таанадта Би дуулуулаагүйб, шэхэндэтнай энээн тушаа ямаршье үгэ дуулдаагүй һэн.

Ерэмияа 11:10

Минии үгэ дуулахаһаа татагалзаһан уг унгиингаа нүгэл шэбэлдэ тэдэ эрьен бусажа, ондоо бурхадта мүргэжэ эхилбэ. Израилиин болон Иудын үри һадаһад үбгэ эсэгэнэртэйнь Минии байгуулһан хэлсээе эбдэбэ.

Ерэмияа 32:30

Эхинһээ эхилжэ Израилиин болон Иудын хан түрын улад зон Минии сухал хүргэдэг бэлэй.

Ерэмияа 44:9

Иудын хан түрын хотонуудта, Иерусалимай үйлсэнүүдтэ өөһэдынгөө элинсэг хулинсагай, хаашуулайнгаа, һамгадайнгаа, өөһэдын хэһэн муу муухай юумэнүүдые таанад мартаа гээшэ гүт?

Эзэкээл 20:13

Харин Израилиин улад зон элһэн сүл губида Намда һөөргэдэбэ. Хуули ёһонуудыем, зарлигуудыем тэдэ сахибагүй. Субботын үдэрыем ехээр бузарлаба. Тиихэдэнь Би байһан газартань, элһэн губида, тэрэ дары Израилиин арад түмэниие үгы хэхэеэ һанабаб.

Эзэкээл 20:43

Тиихэдэм өөрынгөө үйлэдэһэн хэрэгүүдые, өөһэдыгөө бузарлажа байһанаа һанажа, иимэ муу муухай юумэ хэһэндээ өөһэдһөө жэрхэжэ эхилхэт.

Эзэкээл 20:8

Теэд тэдэ намда һөөргэдэжэ, үгыем дуулахаяа арсаба. Жэгшүүрилтэ муухай онгонуудта, Египедэй олон бурхадта тэдэ мүргэһөөр зандаа бэлэй. Уур сухал дундаа Би тэдэниие үшөө Египедтэ байхадань хэһээлтэ амасуулхаяа һанабаб.

Эзэкээл 36:31

Хэһэн муу муухай хэрэгүүдээ һанажа, өөһэдһөө жэрхэжэ эхилхэт.

Тоололго 11:4

Тэдэнэй дунда ябаһан хари зон эдеэ хоолой дуталдаһые элирүүлбэ. Тэдэниие һажаалдан, израильшуудшье суг хамта һуугаад, бархиралдан байжа, шангаар иигэжэ гэмэрэлдэшэбэд: – Бидэнэр мяха эдихэеэ һанашообди!

Тоололго 14:22

Минии алдар солые, дүлгэ тэмдэгүүдые Египедтэ ба элһэн сүл губида хараашье һаа, Минии айладаһан захяа үгэнүүдые дуулаагүй, арба дахин Минии тэсэбэриие шалгаһан тэдэ бултадаа

Тоололго 17:10

Эзэн Моисейдэ иигэжэ айладаба: – Аһарооной тулгуур Хэлсээнэй ханзын урда таби. Намда эсэргүү ябадал хэнгүй, Намда үнэн сэхээр алба хэһэн хүнүүдые амиды үлөөхэб гэһэн энэ зарлигыем Аһарооной һүлдэ тулгуур гэршэлжэ, арад зондош хэтын хэтэдэ һануулжа байг!

Тоололго 21:5

Эзэндэ болон Моисейдэ дураа гутан иигэжэ гэмэрэлдэбэд: – Таанад бидэниие юундэ Египедһээ гаргаабта? Бидэнэр энэ сүл губида үхэхэмнайл! Эндэ хилээмэншье, уһаншье үгыл! Энэ муухай эдеэ хоолһоо ойгоо гутажа эхилээбди!

Тоололго 25:2

Моһааб басагад өөһэдынгөө бурхадта үргэл үргэхэдөө, Израилиин эрэшүүлые уриба. Израильшууд үргэлэй мяха эдижэ, тэдэнэй бурхадта мүргэбэ.

Коринфынхидтэ 1-дэхи 15:9

Элшэнэрэй эгээн «багань» гээшэб, элшэн гэжэ нэрлэгдэхэшье эрхэгүй байгааб, юундэб гэхэдэ, би һүзэглэгшэдэй бүлгэмые хашан мүрдэдэг һэмби.

Эфесэйхиндэ 2:11

Таанад түрэхын еврей-бэшэнүүд байгаат, өөһэдыгөө отолуулһан (бэеын эрхэтэниие гараараа отолхо гэһэн удхатай) гэжэ нэрлэдэг еврейнүүд таанадые «отолуулаагүй» гэжэ нэрлэдэг байгаа, урдань хэд байһанаа бү мартагты,

Хуули дабталга 31:27

Зоной үсэдые, өөрынхиеэ табихаяа һанадаггүйе мэдэнэб. Минии бүхы наһанай үргэлжэлдэ тэдэ Эзэндэ үсэрхэжэ байна. Гээгдэһэнэйм удаа бүри үсэд болохо юм бэшэ гү?

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Хуули дабталга 9:24

Таанадые мэдэхэ болоһон сагһаам хойшо Эзэндэ һөөргэдэн байнат.

Хуули дабталга 9:4

Эзэн Бурханайтнай тэдэниие үлдэн гаргахада, «Бидэнэй сэбэр сэхэ ябадалтай байһанда Эзэн энэ газар эзэмдэхыемнай асарба» гээд досоогоо сэдьхэжэ бү байгты. Тэдэ арадуудай буруу ябадалтай байхадань Эзэн үлдэнэ бшуу.