Хуули дабталга 8:16 - Библи

¹⁶ Таанадые даран номгоруулхын, туршахын тула, һүүлдэнь һайе хэхэеэ Тэрэ таанадта бэрхэшээлнүүдые ушаруулһан байна. Таанадай мүн үбгэ эсэгэнэрэйтнайшье хараа-үзөөгүй сагаан будагаар элһэн сүл губида таанадые Тэрэ холлуулаа.

Хуули дабталга 8:16 Referencias Cruzadas

Эхин 22:1

Энэ болоһон ушарай удаа Бурхан Абраһаамые туршахаяа шиидэжэ дуудахадань, Абраһаам: – Би энэ байнаб! – гэбэ.

2 Угай бэшэг 32:31

Гансал Вавилооной хаашуулай элшэнэрэй тэрээндэ ерэжэ, газар дээрэ болохо хэрэгүүд тушаа ямар дүлгэ тэмдэгүүд бии гээшэб гэжэ асуун байхада, Бурхан Хэзэкияада туһалбагүй, юуб гэхэдэ, ухаан бодолдонь юун байна хаб гэжэ шалгахаяа һанаа бшуу.

Иоов 42:12

Эзэн Иоовой шэнэ байдалые урда урдынхиһаа жэшээгүй һайн болгожо үгэбэ. Иигэжэ Иоов арбан дүрбэн хонитой, зургаан мянган тэмээтэй, мянган паар сар үхэртэй, мянган элжэгэтэй болобо.

Египедһээ гаралга 15:25

Моисей Эзэндэ зальбарба, Эзэн модо тэрээндэ харуулба. Моисейн модонһоо мүшэр хухалжа уһа руу хаяхадань, уһаниинь уухаар амтатай болобо. Тэрэ газарта Бурхан хуули тогтоол тэдээндэ үгөө агша бэлэй, тэрэл газарта туршаха туршалгаар шалгаа агша бэлэй.

Египедһээ гаралга 16:15

Израилиин хүбүүд ойлгожо ядан, бэе бэеһээ энэ юун гээшэб гэжэ асуужа байба. Моисей хэлэбэ: – Таанадай эдихэ будаа Эзэн үршөөбэ гээшэ.

Египедһээ гаралга 16:31

Эзэнэй үгэһэн сагаан будаань халуун үбһэнэй үрэһэн шэнги аад, бал тоһотой боорсогой амтатай байгаа һэн. Тэрэниие израильшууд манна гэжэ нэрлээ.

Египедһээ гаралга 16:4

Эзэн Моисейдэ айладаба: – Би таанадта бороогой ороһон шэнгеэр огторгойһоо талха оруулхаб. Үдэр бүри зон гаража, үдэрэйнгөө эдихэ хоол суглуулдаг байха. Минии тогтооһон эрилтэ байха, тэрэниие сахина гү гэжэ Би Өөрөө хинахаб.

Египедһээ гаралга 20:20

– Бү айгты, – гэжэ Моисей харюусаба. – Таанадай Бурханһаа айжа, нүгэл хэхэеэ болихын тулада, таанадые туршаха гэжэ Бурхан ерээл.

Һургаал 17:3

Галай дүлөөр мүнгэ алта хайлуулан сэбэрлэдэг. Эзэн хүнүүдэй сэдьхэл туршадаг.

Даниил 11:35

Сэсэн мэргэшүүлэй заримань зоболон амасаха, иимэ аргаар тэдэ арюудхагдаха, сагааруулагдаха, Бурханай тогтооһон саг болотор энэ үргэлжэлхэ.

Римэйхиндэ 8:28

Бурханда дуратай, Тэрэнэй эрхэ хүсэлөөр дуудуулагдаһан хүнүүдэй бүхы юумэнүүдтэнь Бурхан урагшатай байдаг.

Коринфынхидтэ 2-дохи 4:17

Тиимэ ойро зуурын бэрхэшээл зоболонгууд маанадта угаа ехэ мүнхын алдар асардаг.

Хуули дабталга 13:3

Тэрэ лүндэншые гү, али зүүдэндээ юумэ харадаг хүниие бү шагнагты; юуб гэхэдэ, Эзэн Бурхантнай Намда бүхы зүрхэ сэдьхэлһээ дуратай гээшэ гүт гэжэ мэдэхын тула таанадые туршажа байна гээшэл.

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Хуули дабталга 8:3

Хүн ганса хилээмээр амидардаггүй, харин Эзэнэй үгын ашаар амиды ябадаг гэжэ ойлгохынтнай тула Тэрэ таанадые даран номгоруулаа, гэдэһыетнай үлдэхүүлээ, удаань таанадай хараагүй, үбгэ эсэгэнэрэйтнайшье үзөөгүй сагаан будаагаар холлуулаа.

Яковай хандалга 1:12

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.