Хуули дабталга 7:8 - Библи

⁸ Юундэб гэхэдэ, Эзэн таанадта дуратай; танай үбгэ эсэгэнэртэ үгэһэн шахаа тангаригаа бэелүүлхын тула Тэрэ бар хүсөөрөө таанадые Египедһээ гаргаа, фараоной засаг зонхилолтоһоо мултаруулаа, богоол байдалһаатнай сүлөөлөө.

Хуули дабталга 7:8 Referencias Cruzadas

Эхин 19:16

Зүгөөр Лоот яаха гээшэб гэжэ бодолгото болон удаарба, хүдэлбэгүй. Эзэнэй Лоодые хайрлаһан ушарһаа тэдэ хоёр Эльгээмэлнүүд Лоодые, тэрэнэй һамга болон хоёр басагадыень гарһаань хүтэлэн, хотоһоо гаргаба.

Эхин 19:29

Энэ тала дайдын хото һууринуудые үгы хэхэдээ, Бурхан Абраһаамые һанаандаа оруулжа, Лоодые абараа.

2 Хаан түрэнүүд 22:20

Тэрэ намайе уужам газарта абаашаа, намда эльгэтэй ушарһаа намайе абараа.

3 Хаан түрэнүүд 10:9

Энэрэл хайраа үзүүлэн, хаан шэрээдэ таниие заларуулагша Эзэн Бурхантнай үреэл магтаалда хүртэг лэ! Израильда хэтэ мүнхэдөө дуратай байһандаа таниие үнэн шударга байхынтнай тула, үнэн зүбые үйлэдэхынтнай тула Эзэн таниие хаанаар томилоол!

1 Угай бэшэг 16:16

Энэ хадаа Абраһаамтай баталһан хэлсээниинь, Исаагта үгэһэн тангаригынь юм.

2 Угай бэшэг 9:8

Энэрэл хайраа үзүүлэн, хаан шэрээдэ таниие заларуулагша Эзэн Бурхантнай үреэл магтаалда хүртэг лэ! Танай Бурхан Израильда дуратай байһандаа, мүн хэтэ мүнхэдөө тэрэниие баталха һаналтайгаар таниие үнэн шударга байхынтнай тула, үнэн зүбые үйлэдэхынтнай тула Тэрэ таниие хаанаар томилоол.

Псалманууд 105:42

Дайсадынь тэдэниие дарлан-даран байгаа, тэдээндэ тэдэ захирагдадаг һэн.

Псалманууд 44:3

Зоной дундаһаа ши эгээл гоё һайханши, нигүүлэсхы үгэнүүдые хэлэдэгши. Тиимэһээ Бурхан хэтэ мүнхэдөө шамайе үреэгөө.

Псалманууд 44:4

Хүсэтэ хаан, һэлмэеэ ташаандаа зүүгыш, алдар солотойш, һүр жабхалантайш.

Египедһээ гаралга 13:14

Хожом хэзээ нэгэтэ хүбүүншни «Энэ юун гэһэн удхатайб?» гэжэ асууба гэлэй, тэрээндэ иигэжэ харюусахаш: «Эзэн хүсэтэ гараараа Египедэй дарлалтаһаа маанадые гаргаһан юм.

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Египедһээ гаралга 32:13

Өөрын богоолнууд Абраһаам, Исаак ба Израильда юун тухай тангариг үгэһэнөө һаныт – тэдэнэй уг удамые тэнгэриин одо мүшэд шэнги олон болгохоб, тэдээндэ гэжэ найдуулһан газараа уг удамдань хэтын хэтэдэ эзэмшэн һуухыень үршөөхэб гэжэ Өөрыгөө гэршэ болгон тангариглаа бэлэйт!

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Исай 43:4

Ши Намда ехэ үнэтэй-сэнтэйш, угаа хайратайш, тиимэһээ шамайе абархын тула Би ондоо үндэһэ яһатаниие хамаагүй шинии түлөө үгэхэб, тэдэнээр һэлгэхэб.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Эзэкээл 36:22

Израилиин улад зондо иигэжэ дуулга: таанадай түлөө бэшэ, ошоһон арад бүхэнэйнгөө урда танай бузарлагша Өөрынгөө нэрэ хүндын түлөө Би нэгэ хэрэг үйлэдэхэм.

Михей 6:4

Египедэй газар дайдаһаа, богоол байдалһаа шамайе абаран гаргаа һэм. Шамайе дахуулан ябахыень Моисей, Аһароон болон Мириамые эльгээгээ һэм.

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Малаахи 1:2

«Хайра дурамни таанад тээшэ эрьенхэй» гэжэ Эзэн айладхана. Гэбэшье таанар «Танай дура үршөөл ямар юумэнһээ эли болохо жэшээтэйб?» гэжэ асуудаг байнат. Эзэн энээндэ харюусана: – Эсаав Яков хоёр аха дүү болоно. Гэбэшье Минии сэдьхэл Яков тээшэ эрьенхэй.

Матвей 11:26

Зүб даа, Эсэгэмни! Та иимэл юумэнэй болохые хүсэжэ байгаа ха юмта.

Лука 1:55

манай үдэрнүүд хүрэтэр мартангүй Абраһаамда болон тэрэнэй үри һадаһадтань үеын үедэ үршөөл хайраа хайрлажа байгаал!

Римэйхиндэ 11:28

Бусад арадууд таанадай аша туһада Һайн Мэдээсэлые буруушааһан еврейнүүд Бурханай дайсадынь болоо. Харин Бурханай шэлэжэ абаһанай, үбгэ эсэгэнэртэнь үгэһэн найдуулгын ашаар тэдэнэр Бурханай нүхэдынь юм.

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 10:15

Теэд гансал танай үбгэ эсэгэнэртэ Эзэн дурлажа, тэдэнэй уг удам болохо таанадые бусад арадуудһаа шэлэн абаа. Мүнөөшье болотор таанад Тэрэнэй шэлэн абаһан арад зандаат.

Хуули дабталга 23:6

Амиды мэндэ байгаа сагтаа аммоон болон моһааб арадуудта ажана амгалан байдал бү хүсэгты, тэдээндэ бү туһалагты.

Хуули дабталга 33:3

Нээрээшье, Тэрэ Өөрынгөө арадта дуратай! Гэгээн зониинь Тэрэнэй гарта! Тэдэнь һургаал абахаяа хүлдэнь һүгэдэн байна.

Хуули дабталга 4:20

Таанадые Эзэн түмэр зууха сооһоо абажа гаргаһандал, Египедһээ абаран гаргаа. Өөрын арад түмэн болгохын тула. Энэнь бэелээ.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Хуули дабталга 4:37

Үбгэ эсэгэнэртэтнай дурлаһандаа Тэрэ таанадые шэлээ, Өөрөө асари ехэ хүсөөрөө таанадые Египедһээ гаргаа.

Хуули дабталга 5:6

«Би шамайе Египедэй дарлалтаһаа гаргаһан Эзэн Бурханшни гээшэб.

Иоаннай 1-дэхи хандалга 4:19

Бидэ Бурханда дуратайбди, юундэб гэбэл, бидэндэ түрүүшээр Бурхан дурлаа.

1 Хаан түрэнүүд 12:22

Юуб гэхэдэ, Эзэн агууехэ нэрынгээ түлөө Өөрын арад түмэниие орхихогүй. Ушарынь гэбэл, Эзэн таанарые Өөрынгөө арад зон болгон шэлээл!