Хуули дабталга 7:13 - Библи

¹³ Тэрэ таанадта дуратай байха, үреэхэдэнь, улад зонтнай олошорхо, олон үхибүүдтэй болохот; газар таряалангыетнай үршөөхэдэнь, талха таряатай, үзэмэй дараһан архитай, олива тоһотой байхат; бодо болон жэжэ малайтнай түл олошорхо. Үбгэ эсэгэнэртэтнай тангариглан, үгэхэб гэжэ найдуулһан тэрэ газарта бүхы үршөөл хайрануудынь таанадта хүрэхэл.

Хуули дабталга 7:13 Referencias Cruzadas

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Иоов 1:10

Та тэрэниие, орон гэр, зөөри хамагыень хэрэм мэтээр хорёолон хамгаалаа бэшэ аалта? Та тэрэнэй ажал үйлэ үреэн арьбажуулаат, зөөри баялигынь, мал һүрэгынь ехэ боложол байна.

Иоов 42:12

Эзэн Иоовой шэнэ байдалые урда урдынхиһаа жэшээгүй һайн болгожо үгэбэ. Иигэжэ Иоов арбан дүрбэн хонитой, зургаан мянган тэмээтэй, мянган паар сар үхэртэй, мянган элжэгэтэй болобо.

Псалманууд 1:3

Урасхал уһанай дэргэдэ тариһан модондол тэрэ адли. Тус модон асарха сагтаа алим жэмэсээ эдеэшүүлэн асардаг, набшань хатадаггүй. Тиимэ хүнэй хэһэн хэрэг бүхэниинь үлзытэй.

Псалманууд 11:7

Шабар зуухада хайлуулжа, долоо дахин сэбэрлүүлэгдэһэн мүнгэн мэтэ Эзэнэй үгэ сэбэр юм.

Псалманууд 127:3

Һамганшни гэртэшни үрэ жэмэстэй уһан үзэмэй модон мэтэ, хүбүүдшни шэрээешни тойроһон чидун модондол адли.

Псалманууд 146:8

Тэрэ тэнгэриие үүлээр бүрхөөдэг, газар хүрьһэндэ бороо эльгэдэг, хада уула дээрэ зүлгэ ногоо ургуулдаг.

Египедһээ гаралга 23:25

Эзэн Бурхандаа шүтэгты. Тиихэдэтнай, би эдихэ хоол, ууха уһыетнай үреэжэ, таанадые үбшэн тахалһаа зайлуулхаб.

Һургаал 10:22

Эзэнэй үреэл баян болгодог, тэрээнтэй гашуудал мэдэхэгүйш.

Һургаал 15:9

Нүгэлтын зам Эзэнэй зэбүүсэл түрүүлдэг. Үнэн шударга замаар ябагшадые Тэрэ хайрладаг.

Левит 26:9

Таанадые анхаржа байхаб. Тиихэдэм, үнэр баян ажаһуухат, олошорхот, таанадтай Хэлсээгээ сахин дүүргэхэб.

Матвей 6:33

Түрүүшээр Бурханай хаан түрые, Бурханай үнэн зүбые бэдэрэгты, тиигээ һаатнай, бусад бүгэдэ юумэнүүд танда үгтэхэ.

Иоанн 14:21

Минии захиһан захяа заабариие хэн дүүргэнэб, тэрэ Намда дуратай гээшэ. Хэн Намда дуратайб, тэрээндэ Минии Эсэгэшье дуратай байха. Баһа Бишье тэрэ хүндэ дуратай байхаб, Би Өөрыгөө тэрээндэ үзүүлхэб.

Иоанн 15:10

Минии захяа заабариие сахин дүүргэжэ байбал, хайра дуран соомни оршожо байхат. Тон тиигэжэл Бишье Эсэгынгээ захяа заабариие сахин дүүргэжэ, хайра дуран соонь оршожо байдагби.

Иоанн 16:27

Эсэгэмни Өөрөө таанарта дуратай, юундэб гэбэл, таанар Намда дуратайт, Намайе Бурханһаа ерээ гэжэ этигэнэт.

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 13:17

Тэрэ усадхагдаха юумэнһээ юундэньшье гар бү хүрэгты. Тиигэбэлтнай, Эзэнэй уур хилэн намдажа, Тэрэ таанадта үршөөл үгэхэ, хайрлаха, үбгэ эсэгэнэртэтнай тангариглаһанайнгаа ёһоор, таанадые үнэр арад болгохо.

Хуули дабталга 28:1

Эзэн Бурханайнгаа үгэ соонь ябажа, минии мүнөөдэр таанадта хэлэһэн Тэрэнэй захяа заабарииень сахин дүүргэжэ байгаа гээшэ һаатнай, Тэрэ таанадые дэлхэйн арадуудһаа дээгүүр үргэхэ.

Хуули дабталга 28:11

Шамда «үгэхэб» гэжэ найдуулһан, үбгэ эсэгэнэртэтнай тангариглаһан газар дайдада Эзэн үхи хүүгэдые таанадта олоор үршөөхэ, хони малыетнай олоор түлжүүлхэ, һайн ургаса бэлэглэхэ.

Хуули дабталга 30:5

Элинсэг хулинсагайтнай газарта Эзэн таанадые асарха, тэрэ газар дахин танай болохо. Эзэн таанадта үршөөл хайраяа бэлэглэжэ, үбгэ эсэгэнэрһээтнай үшөө үнэр баян, амжалта түгэс таанадые болгохо байна.

Хуули дабталга 7:7

Юундэ Эзэн гансал таанадые шэлэхэ болооб? Бусад арадуудһаа олон байһанайтнай түлөө бэшэ, юуб гэхэдэ, таанад бусад арадуудһаа үсөөн ха юмта.