Хуули дабталга 7:12 - Библи

¹² Эдэ ёһо гуримуудые анхаржа, сахижа, бэелүүлжэ ябаа гээшэ һаатнай, Эзэн Бурхантнай үбгэ эсэгэнэртэтнай найдуулһанайнгаа ёһоор, таанадтай хэлсээгээ сахижа, үршөөл хайраяа бэлэглэжэ байхал.

Хуули дабталга 7:12 Referencias Cruzadas

3 Хаан түрэнүүд 8:23

иигээд зальбарба: – Израилиин Эзэн Бурхан! Дээгүүр огторгойгоор, доогуур газар түбеэр Тандал адли Бурхан байхагүй! Һургаал заабарииетнай үнэнхэ зүрхэнһөө сахигша зондоо Та энэрэл хайраяа үзүүлнэт, зарасанартайгаа баталһан хэлсээгээ мартанагүйт.

Нэхэмьяа 1:5

хэлэбэб: – Агууехэ, һүрөөтэ Огторгойн Эзэн Бурхан! Танай захяануудые бэелүүлэгшэдтэй, Танда үнэн зүрхэнһөө дурлагшадтай, үнэн сэхэ Танай хэлсээе наринаар бэелүүлэгшэдтэй баталһан Хэлсээгээ сахин дүүргэнэт.

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Псалманууд 103:18

Үндэр хада ууланууд – янгирай байра, хабсагайнууд – доргоной хорохо газар.

Псалманууд 149:9

бэшэгдэһэн шүүхын шиидхэбэриие тэдэнэй талаар гүйсэдхэхын тула. Энэ хадаа Тэрээндэ үнэн сэхэ зондо хүндэтхэл мүн. Эзэниие магтагты!

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Ерэмияа 11:5

Тиигэбэлнь, һүн далайн, зүгын балай урдажа байһан, мүнөө тэдэнэй эзэлжэ байгаа газар нютагые үгэхэб гэжэ элинсэг хулинсагтань тангариглаһан тангаригаа бэелүүлхэ байгааб. Би харюудань: – Мүн даа, Эзэмни! – гэбэб.

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Лука 1:55

манай үдэрнүүд хүрэтэр мартангүй Абраһаамда болон тэрэнэй үри һадаһадтань үеын үедэ үршөөл хайраа хайрлажа байгаал!

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 11:13

Хэрбээ минии мүнөөдэр хэлэһэн захяа заабаринуудые шагнан сахижа, Эзэн Бурхандаа дуратай байжа, бүхы зүрхэ сэдьхэлээрээ Тэрээндэ һүгэдөө гээшэ һаатнай,

Хуули дабталга 5:10

Намда дуратай, захяа заабариием сахижа ябагша зондо мянганшье үе хүрэтэрынь үршөөл хайра үзүүлдэгби.

Хуули дабталга 7:11

Тиимэһээ сахижа ябахыетнай мүнөөдэр минии хэлэһэн захяа заабаринуудые, хуулинуудые, ёһо гуримуудые дүүргэжэ ябагты.

Хуули дабталга 7:9

Зай, мэдэжэ байгты: Эзэн Бурхантнай үнэхөөрөө Бурхан, найдамтай Бурхан юм. Өөртэнь дуратай, мүн захяа заабаринуудыень жэншэдгүй сахигшадта үршөөл хайраяа Тэрэ мянган үе хүрэтэр бэлэглэдэг, баталһан хэлсээгээ сахижа байдаг.