Хуули дабталга 7:10 - Библи

¹⁰ Өөрыень үзэн ядагшадые Тэрэ хэһээдэг, үгы хэдэг. Хэһээлтэеэ удааруулжа байхагүй.

Хуули дабталга 7:10 Referencias Cruzadas

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 34:7

Үршөөл хайрань мянганшье үедэ хубилдаггүй: зэмэ, нүгэл, гэмтэ ябадал Тэрэ тэсэн даадаг. Теэд гэмтэниие гэмгүй гэхэгүй: эсэгын нүгэлэй түлөө үри хүүгэдыень, аша гушанарыень хэһээдэг!

Һургаал 11:31

Үнэн шударга хүн хүртэхэ ёһотойгоо энэ дэлхэй дээрэ хүртэдэг һаань, хара һанаатан ба нүгэлтэн хэды дахин үлүү харюуда хүртэхэ ушартай.

Исай 59:18

Тэрэ дайсадаа хэһэн хэмээрнь хэһээхэ, аяар холын орон нютагуудаар ажаһуугшадыешье мартангүй хэһээхэл.

Ерэмияа 32:18

Мянгаад зондо үршөөл хайраяа бэлэглэнэт. Та агууехэ, Түмэн Сэрэгтэ Бурхан мүн!

Наум 1:2

Эзэн хадаа жүтөөрхэгшэ, үһөөгөө абадаг Бурхан юм. Эзэн хадаа үһөөрхэгшэ, уур хилэнгэй Эзэн мүн. Эзэн дайсадһаа үһөөгөө абадаг, тэдэнэйл урдаһаа хилгэнэдэг юм.

Тоололго 10:35

Тогтон байрлаһан газарһаа арад зонойнгоо аян замда гарахаяа түхеэржэ, ханза үргэхэдэнь, Моисей ходол иигэжэ хэлэдэг байгаа: – Бодыт, Эзэн! Дайсадтнай тараха болтогой! Таниие үзэн ядагшад Танһаа тэрьедэн арилха болтогой!

Тоололго 14:18

«Тэсэбэритэй, үршөөл хайраяа заяадаг Би, Эзэн, хуули эбдэгшэдые, гэм хэгшэдые хүлисэдэгби. Гэбэшье хэһэн зэмэтэ ябадалайнь түлөө хүүгэдынь, ашанарынь, гушанарыньшье хэһээгдэхэ».

Римэйхиндэ 12:19

Аха дүүнэр, үһөөгөө абахые бү һэдэгты, харин Бурханай уур сухалда тэрэнээ даалгагты. «Би үһөөгөө абахаб, Би харюулхаб гэжэ Эзэн хэлэнэ», – гээд Нангин Бэшэг соо бэшээтэй байдаг.

Хуули дабталга 32:25

Газаа – тэдэнэр һэлмээр хороогдохо, гэртээ – айһанһаа зүрхэеэ хахаран гээгдэхэ: эдир хүбүүншье, залуу хүүхэншье, хүхөөр үхибүүншье, сагаан үһэтэй үбгэншье.

Хуули дабталга 32:35

Бүдэрхэдэнь, үһөөгөө абахаб, зэмыень амасуулхаб. Хосорхо сагынь дүтэлөө, удахагүй тэдэнэр хэһээгдэхэ».

Хуули дабталга 32:41

Өөрынгөө сахилгаан һэлмэ хурсадажа, шүүбэрилжэ эхилхэдээ, дайсадһаа үһөөгөө абахаб, Намайе үзэн ядагшадта зэмыень амасуулхаб;

Хуули дабталга 5:9

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, хуулияа ханалгатай сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Хуули дабталга 7:11

Тиимэһээ сахижа ябахыетнай мүнөөдэр минии хэлэһэн захяа заабаринуудые, хуулинуудые, ёһо гуримуудые дүүргэжэ ябагты.

Хуули дабталга 7:9

Зай, мэдэжэ байгты: Эзэн Бурхантнай үнэхөөрөө Бурхан, найдамтай Бурхан юм. Өөртэнь дуратай, мүн захяа заабаринуудыень жэншэдгүй сахигшадта үршөөл хайраяа Тэрэ мянган үе хүрэтэр бэлэглэдэг, баталһан хэлсээгээ сахижа байдаг.