Хуули дабталга 4:9 - Библи

^9-10 Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».

Хуули дабталга 4:9 Referencias Cruzadas

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

Псалманууд 71:18

Израилиин Эзэн Бурхан үршөөл магтаалтай. Гансал Тэрэ гайхамшигта хэрэгүүдые хэдэг.

Египедһээ гаралга 10:2

Египедые ямар хэһээлтээр Минии хэһээһэн тухай, гайхамшаг үзэгдэлнүүдые хайшан гэжэ Минии үзүүлһэн тухай хүбүүдтээ ба аша гушанартаа хөөрөөрэйгты! Эзэн хэн гээшэб гэжэ мэдэхынтнай тула эсэргүүсүүлээб!

Египедһээ гаралга 23:13

Айладаһан бүгэдыем сахиха ёһотойт. Ондоо бурхадай нэрэ бү дурдагты, хэлэ амандатнайш тэдэ бү орог.

Һургаал 1:8

Хүбүүмни, эсэгынгээ һургаал шагнажа бай, эхынгээ заабари тоонгүй бү бай.

Һургаал 23:26

Хүбүүмни, зүрхэ сэдьхэлээ намда үгэ. Нюдэеэ минии зам тээшэ шэглүүлэ.

Һургаал 3:21

Харааһааш эдэ бү хоргодог, оюун ухаан, холын бодол бүрин гамнаарай.

Һургаал 7:1

Хүбүүн, үгыемни сахи. Захяануудыем дотороо хадагалжа яба.

Исай 38:19

Намдал адли амиды зон Таниие магтан байха, эсэгэнэр хүүгэдтээ Танай найдамтай үнэн зүбые тунхаглахал.

Исай 42:20

Минии арад түмэн, таанад олон юумэ үзэһэншье һаа, юумэ һайн ойлгоогүйт. Шэхэтэйшье һаа, юумэ дуулаагүйт.

Ерэмияа 17:21

Ами наһаяа аршалха гээ һаа, амаралтын үдэр ямар нэгэн ашаа үргэхэһөө, Иерусалимай бартаануудаар ямар нэгэн зүйл үргэн гаргахаһаа болгоомжологты гэжэ тэдээндэ дуулга.

Лука 8:18

Таанар анхаралтайгаар шагнагты! Ушарынь юуб гэбэл, юумэтэй байһан хүндэ нэмэгдэжэ үгтэхэ. Юумэгүй байһан хүнһөө өөртэнь бии гэжэ һанаһан һүүлшын юумэнииньшье абтаха.

Эфесэйхиндэ 6:4

Аба эжынэрынь, үхибүүдээ уурлуулан урмыень бү хухалагты, зүгөөр Эзэн тухай заажа, заабаришалжа, тэдэнээ хүмүүжүүлжэ байгты.

Хуули дабталга 11:19

Тэдээн тухай хэлэжэ, үхи хүүгэдээ һургагты – гэртээшье һуухадаа, харгыдашье ябахадаа, амаржа байхадаашье, ажал хэхэдээшье.

Хуули дабталга 12:1

Элинсэг хулинсагайтнай Эзэн Бурханай эзэлхыетнай үгэжэ байһан тэрэ газарта заатагүй танай сахин дүүргэхэ хуули, ёһо гуримууд гэбэл, иимэ:

Хуули дабталга 16:3

Эһээһэн талхаар бариһан хилээмэ Паасхын үргэлтэй хамта бү эдигты. Долоон үдэр эһээбэригүй талхаар болгоһон хилээмэ Паасхын үргэлтэй хамта эдеэрэйгты, Египедэй газар дайдаһаа яаралтайгаар гаран ошоходоо иимэ хилээмэ эдеэ бэлэйлта. Эдигты энэ гай зоболонгой хилээмэ, Египедһээ гараһан тэрэ үдэрые амиды мэндэ байһан сагтаа һанан байгаарайт.

Хуули дабталга 17:19

Тэрэ номые өөртөө баряад байг, бүхы наһан соогоо тэрэниие уншаг. Юуб гэхэдэ, хаан гээшэ Эзэн Бурханаа хүндэлжэ һураха, энэ һургаалые болон хуулинуудые гүйсэд дүүргэхые оролдохо ёһотой.

Хуули дабталга 29:29

Гансал Эзэн Бурханаймнай мэдэхэ нюуса зүйлнүүд байдаг. Харин Тэрэ бидэндэ Өөрынгөө һургаал эли болгоо, бидэ болон үхи хүүгэднай тэрэнииень хододоо сахин дүүргэн ябаха ёһотойбди.

Хуули дабталга 31:19

Зай, иигээд өөһэдтөө энэ дуу бэшэгты. Израилиин улад зониие гэмнэхэдэмни, энэ дуун Минии гэршэ болохо, зониие тэрээндэ һургагты.

Хуули дабталга 32:46

үшөө иигэжэ нэмэбэ: – Мүнөөдэр минии һэргылжэ хэлэһэн үгэнүүдые зүрхэ сэдьхэлдээ хадуужа абагты, энэ һургаал заабариин бүхы үгэнүүдые сахин дүүргэхыень үхи хүүгэдтээ захигты.

Хуули дабталга 4:15

Хорээб хада дээрэһээ, гал дүлэн сооһоо Эзэнэй танда хандаһан тэрэ үдэр та бүгэдэ Өөрыень хараагүйт. Бурхан ямаршье дүрсэгүй. Энээн тушаа хододоо һанажа ябагты.

Хуули дабталга 4:23

Теэд болгоомжологты! Эзэн Бурхантаяа баталһан хэлсээгээ бү мартагты! Эзэн Бурханайтнай захирһанай ёһоор, ямаршье юумэ һажааһан хүрэг, дүрсэ бү дархалагты.

Хуули дабталга 6:12

тиихэдээл одоо болгоомжологты! Египедэй газар дайдаһаа, богоол байдалһаа таанадые гаргаһан Эзэниие бү мартагты!

Хуули дабталга 6:2

Таанад, үри һадаһадтнай Эзэн Бурханаа бүхы наһаараа хүндэлжэ ябагты. Минии дамжуулжа байһан Тэрэнэй бүхы хуули ёһо, захяа заабаринуудые сахин ябагты. Тиигэбэл, удаан саг соо ажаһуухат.

Хуули дабталга 6:20

Хожом шинии хүбүүнэй «Эзэн Бурханаймнай таанадта захиһан эрхэ нүхэсэлнүүд, хуули, ёһо гуримуудай удхань ямар гээшэб?» гэжэ асуубал,

Хуули дабталга 6:7

Үхи хүүгэдтээ энээн тушаа хододоо һануулжа, хэлэжэ байгты. Өөрынгөө гэртэшье һуухадаа, аян замдашье ябахадаа, амаржа байхадаашье, ажал хэжэшье байхадаа энээн тухай хэлэжэ байгты.

Хуули дабталга 8:11

Болгоомжотой байгты! Эзэн Бурханаа бү мартагты! Мүнөөдэр би таанадта захяа заабарииень, ёһо гуримыень, хуулинуудыень дамжуулнаб, тэдэниие сахигты.

Хуули дабталга 8:14

дээрэлхүү зан үзүүлхэеэ тэбшэгты, Египедэй газар оронһоо, богоол байдалһаатнай гаргаһан Эзэн Бурханаа бү мартагты.

Еврейнүүдтэ 2:1

Тиимэһээ урасхалда абтахагүйн тула бидэ дуулажа абаһан юумэеэ хатуугаар сахижа байха ёһотойбди.

Еврейнүүдтэ 2:3

Тиимэ агууехэ абаралгые тоонгүй, бидэ хэһээлтэһээ яажа зугадаха гээшэбибди? Эзэн энэ абаралга тухай анхан Өөрөө айладхаа. Тэрэниие дуулаһан хүнүүд абаралга болбол үнэн гэжэ бидэндэ баталан хэлээ.

Яковай хандалга 2:22

Харагты даа, тэрэнэй этигэл һүзэгынь хэрэгүүдтэнь хамһалсажа, тиигээд хэрэгэйнь ашаар этигэл һүзэгынь эрхим түгэс болоо.

Нүүнэй Иисүүс 1:18

Шинии зарлигта эсэргүүсэһэн хүн, шинии үгэ дуулаагүй хүн үхэл амасаха. Гансал хатуу ба зоригтой байгаарай.

Нүүнэй Иисүүс 23:11

Тиимэһээ Эзэндэ, танай Бурханда али болохоор дуратай байхые оролдогты.

Нүүнэй Иисүүс 4:21

Тиигээд Израилиин хүбүүдтэ иигэжэ хэлээ: – Хойшонхи сагта танай хүбүүдэй «Эдэ шулуунууд ямар удхатайб?» гэжэ эсэгэнэрһээ һурахада,

Гэршэлгэ 3:3

Таанад юу абаа, юу дуулаа һэмта, тэрэнээ сахин хадагалжа байгты, нүгэл хэхэеэ болигты! Хэрбээ һэргэлэн байгаагүй һаатнай, Би таанадта хулгайшан шэнгеэр гэнтэ ерэхэб, хэдыдэ ерэһыемни мэдэхэгүйт.

Ударидагшад 3:7

Эзэн израильшуудые муу юумэ хэнэ гэжэ хараба. Тэдэнэр Эзэнээ, Өөрынгөө Бурханиие мартаад, Баалда болон Ашэраада шүтэн мүргэбэд.

Ударидагшад 8:34

Израильшууд Израилиин газар дайдыень хүреэлһэн бүхы дайсадай гарһаа тэдэниие гаргажа абарһан Эзэниие, өөрынгөө Бурханиие һанажа ябабагүй.