Хуули дабталга 4:1 - Библи

¹ Моисей Израилиин улад зондо иигэжэ хэлэбэ: – Минии заабарилжа байһан хуули, ёһо гуримуудые сахигты. Тиигэбэл, таанад амар мэндэ байхат, Эзэнэй, үбгэ эсэгэнэрэйтнай Бурханай, үршөөһэн газарта ошожо эзэлэн ажаһуухат.

Хуули дабталга 4:1 Referencias Cruzadas

Псалманууд 105:45

тэдээнтэй хэһэн хэлсээгээ һанажа, энэрэл хайраар баян Тэрэ хайрлажа эхилдэг бэлэй.

Псалманууд 119:4

Шатажа байгаа нүүрһэтэй сэрэгшэ хүнэй хурса годли!

Египедһээ гаралга 18:20

хуули һургаалыень зондо тайлбарилха, яаха хээхыень, ямар замаар ябахыень заабарилха шинии үүргэ.

Ерэмияа 11:6

Тиихэдэм Эзэн намда: – Эдэ бүхы үгэнүүдые Иудын хотонуудаар болон Иерусалимай үйлсэнүүдээр соносхо. Хэлсээнэй үгэнүүдые анхаржа, сахин бэелүүлхыень зондо хэлээрэй.

Эзэкээл 11:20

Тиигээд тэдэ Минии хуулинуудые сахижа, Минии ёһо гуримуудые дүүргэжэ ябаха. Тэдэ Минии арад түмэн, Би тэдэнэй Бурхан болохоб.

Эзэкээл 20:11

Хуули ёһонуудаа, зарлигуудаа тэдээндэ дамжуулхадам, тэдэ яагаад ажаһуубал зүб гээшэб гэжэ мэдэдэг болобо.

Эзэкээл 20:21

Теэд үхи хүүгэдынь мүн лэ Минии урдаһаа һөөргэдэбэ. Минии хуули ёһо, захиралтануудыем дүүргэхэеэ татагалзаба, субботын үдэрые сахингүй байба. Эдэ бүгэдые хэжэ байгаа гээшэ һаа, тэдэ амиды мэндэ байха һааб даа. Зай, тиигээд Би уурлан сухалдажа, тэдэниие элһэн сүл губида хюдаха гэжэ һанаа һэм.

Эзэкээл 36:27

Өөрын һүнэһэ таанад руу оруулжа, таанадые Өөрын хуули, зарлигуудые сахигшад болгохоб.

Эзэкээл 37:24

Минии албатан Давидай үри һадаһан хододоо тэдэнэй хаан байха, хонид тушаа хонишоной һанаагаа зободогтол Тэрэ зоноо харууһалан байха. Израилиин арад түмэн Минии хуули ёһонуудые сахин дүүргэхэ. Яков албатандаа Минии үгэгшэ орон нютагта элинсэг хулинсагтал адляар тэдэ ажаһууха. Үри һадаһадыньшье хэтэ мүнхэдөө тэндэ амидырха.

Левит 18:5

Минии тогтоол болон хуулинуудаар ябагты. Тэдэниие сахижа ябаһан хүн амиды ябаха. Би Эзэнби.

Левит 19:19

Минии тогтооһон ёһо гуримые сахигты, малаа ондоо үүлтэртэй малтай бү холигты, таряаландаа хоёр ондоо үрэһэ бү таригты, олон ондоо утаһаар, нооһон ба маалинга утаһаар оёһон хубсаһа бү үмдэгты.

Левит 19:37

Минии гаргаһан ёһо гуримуудые, тогтоол хуулинуудые сахижа ябагты. Би Эзэн гээшэб.

Левит 20:8

Минии тогтоол хуулинуудые сахигты, дүүргэгты, юуб гэхэдэ, Би таанадые арюудхадаг Эзэн гээшэб.

Левит 22:31

Минии гаргаһан захяа заабари сахигты, дүүргэгты. Би Эзэн гээшэб.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Лука 1:6

Тэдэ хоюулан Бурханай хүсэл бодото дээрэнь бэелүүлэн, Хуулиин захяа заабаринуудые жэншэдгүй һайханаар сахидаг һэн.

Иоанн 15:14

Минии захяа заабари сахин дүүргээ һаа, таанар Минии хани нүхэд болонот.

Римэйхиндэ 10:5

Хуули сахин үнэн сэдьхэлтэй болохо тухай: «Хуулиин зүйл бүхэнииел сахижа ябаһан хүн амиды ябаха», – гэжэ Моисей бэшээ.

Хуули дабталга 1:3

Израилиин арад зоной Египедһээ гаража, энэ газарта хүрэһөөрнь дүшэн жэл үнгэрөө. Дүшэдэхи жэлэй арбан нэгэдэхи һарын түрүүшын үдэр Моисей Израилиин зондо дуулгахыень Эзэнэй өөртэнь захираашые бултыень дамжуулһан гэхэ.

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 11:1

Эзэн Бурхандаа дуратай байгты, тэрэнэй захиралта, хуулинуудые, ёһо гурим, мүн захяа заабарииень хододоо сахин, дүүргэн ябагты.

Хуули дабталга 11:32

минии мүнөөдэр дамжуулан хэлэжэ байгааша бүхы хуули, ёһо гуримуудые сахин дүүргэгты.

Хуули дабталга 13:1

Таанадай дунда лүндэншэ гү, али зүүдэ тайлбарилагша бии болоод, дүлгэ тэмдэг гү, али гайхамшагта үзэгдэл харуулхаяа найдуулжа,

Хуули дабталга 16:20

Үнэн шударга, гансал үнэн шударга байхаяа эрмэлзээрэй! Тиигэбэл, Эзэн Бурханайнгаа үгэжэ байгаа газарые эзэмдэн, амар мэндэ ажаһуухат.

Хуули дабталга 30:16

Би таанадта мүнөөдэр юу дамжуулан захинабиб гэбэл, Эзэн Бурхандаа дуратай байхыетнай, Тэрэнэй захирһаар ажаһуухыетнай, Тэрэнэй захяа заабаринуудые, хуулинуудые, ёһо гуримуудые сахин дүүргэхыетнай. Тиигэбэл, амиды мэндэ байхат, үнэр баян болохот, эзэмдэхэеэ таанадай шэглэн ошожо байһан газарта Эзэн Бурхантнай таанадые үреэхэ юм.

Хуули дабталга 30:19

Мүнөө гэршэ болохыень огторгой газар хоёрые дууданаб: ами наһан ба үхэл хаталай, юрөөл ба хараал шэрээлэй нэгыень шэлэхые би мүнөөдэр таанадта дурадханаб. Өөһэдын болон үри һадаһадайнгаа амиды мэндэ ажаһуухын тула ами наһа шэлыт!

Хуули дабталга 30:20

Эзэн Бурхандаа дуратай байгты, Тэрэнэйнгээ үгэ дуулагты, Тэрээндээ үнэн сэхэ байгты. Тиигэбэлтнай, танай үбгэ эсэгэнэртэ – Абраһаам, Исаак, Яков гэгшэдтэ «үгэхэб» гэжэ тангариглан найдуулһан газар дайда дээрээ таанадта Тэрэ ута наһа үршөөхэл.

Хуули дабталга 4:40

Таанадта, үхи хүүгэдтэтнай танай һүүлээр һайн байхын тула, Эзэнэй хэтэ мүнхэдөө үгэжэ байгааша газарта удаан сагта таанадай ажаһуухын тула минии мүнөөдэр энэ дамжуулан хэлэһэн Тэрэнэй хуули ёһо, захяа заабариие сахин дүүргэн ябагты.

Хуули дабталга 4:45

Египедһээ гараһанай удаа, Иордан голой зүүн бэедэ, Бэт-Пэһоор хотын урдаһаа тулаһан нюруу дээрэ, Хэшбоондо ажаһууһан Сиһоон хаантай эмоор арадай газарта (Египедһээ гарахадаа, Моисей Израилиин улад зонтой хамта тэрэниие диилээ бэлэй) Израилиин зондо Моисей эрхэ нүхэсэлнүүдые, хуулинуудые, ёһо гуримуудые дамжуулаа һэн.

Хуули дабталга 4:8

Мүнөө минии дамжуулжа байһан бүхы энэ һургаал заабаридал адли иимэ үнэн зүб хуули, ёһо гуримтай агууехэ үндэһэтэн үшөө бии юм гү? Үгы!

Хуули дабталга 5:1

Моисей Израилиин бүхы арад зониие дуудажа, иигэжэ тэдээндэ хэлэбэ: – Израилиин арад зон, таанадта мүнөө минии хэлэхэ бүхы хуули, ёһо гуримуудые шагнагты, сээжэлдээд, жэншэдгүй сахин ябагты.

Хуули дабталга 5:33

Амиды мэндэ ябахын тула, эзэлхэ газартаа удаан сагта ажаһуужа, та бүгэдэндэ һайн байхын тула Эзэн Бурханайнгаа захирһан юумэ сахин дүүргэгты.

Хуули дабталга 6:1

Эзэмдэхэ зорилготойгоор ошожо ябаһан газартаа сахин байхыетнай Эзэн Бурхантнай таанадые иимэ захяа заабаринуудта, хуули, ёһо гуримуудта һургаха гэжэ намда захиһан байна.

Хуули дабталга 6:24

Тэрэ эдэ бүхы хуули ёһонуудые сахин дүүргэхыемнай захяа. Эзэниие, өөрынгөө Бурханиие, хүндэлхэ ёһотойбди. Тиигэбэл, һайн һайхан ажамидархабди, мүнөөдөөл адли, амиды мэндэ байхабди.

Хуули дабталга 7:11

Тиимэһээ сахижа ябахыетнай мүнөөдэр минии хэлэһэн захяа заабаринуудые, хуулинуудые, ёһо гуримуудые дүүргэжэ ябагты.

Хуули дабталга 8:1

Амиды мэндэ байхын, мүн саашадаа үдэхын тула, Эзэнэй үбгэ эсэгэнэртэтнай үгэхөөр тангариглан найдуулһан газар руу орожо, эзэлхын тула мүнөөдэр минии хэлэһэн бүхы захяа заабаринуудые сахин бэелүүлэгты.

Хуули дабталга 8:11

Болгоомжотой байгты! Эзэн Бурханаа бү мартагты! Мүнөөдэр би таанадта захяа заабарииень, ёһо гуримыень, хуулинуудыень дамжуулнаб, тэдэниие сахигты.

Хуули дабталга 9:1

Израилиин арад зон, соносогты! Мүнөөдэр Иордан гол гаталжа, таанадһаа олон, хүсэтэй арадуудай газар уһа эзэмдэхэеэ ошохотнай. Хотонуудынь мантан ехэнүүд, огторгойдо тулама үндэр хэрэм ханануудтай.

Нүүнэй Иисүүс 3:9

Иисүүс Израилиин хүбүүдтэ: – Наашаа дүтэлөөд, Эзэнэй, танай Бурханай үгэ шагнагты, – гэжэ хэлэбэ.