Хуули дабталга 34:3 - Библи

³ Иудын урда газар дайда, тиихэдэ Пальма модоной хото гэжэ нэрлэдэг Ерихооной болон Цооһарай хоорондохи тэгшэ газарые бултыень харуулаа.

Хуули дабталга 34:3 Referencias Cruzadas

Эхин 13:10

Лоот хараба: Иордан голой нюруу Цооһар хото хүрэтэр үргэлжэ бэлшээри, уһа һайтай, Эзэнэй Эдээм сэсэрлиг мэтэ, Египедэй баян шэмэтэй газар дайда мэтэ һалбаржа байба. Тэрэ үедэ Эзэн Содом болон Гоморро хотонуудые усадхаадүй байгаа.

Эхин 14:2

Эдэ дүрбэн хаашуул нэгэдэжэ, Содом хотын Бээрэ, Гоморро хотын Биршаа, Адмаа хотын Шинааб, Цэбоһиим хотын Шэмээбэр хаашуулда болон Бээла хотын, ондоогоор тэрэниие нэрлэбэл, Цооһар хотын хаанда эсэргүү дай үүсхэжэ эхилбэ.

Эхин 14:8

Содом, Гоморро, Адмаа, Цэбоһиим болон Бээла, ондоогоор тэрэниие нэрлэбэл, Цооһар хотонуудай табан хаашуул нэгэдэжэ, Сиддим голдо ошожо, Элаамай хаан Хэдорлаһоомэр, Месопотами ороной Гоим хотын хаан Тидаал, Шинаарай хаан Амрапээл, мүн Ассириин Элласаар хотын хаан Ариоох гэдэг дүрбэн хаашуулай урдаһаа тэмсэбэ.

Эхин 19:22

Зүгөөр ехэ яаралтай тиишээ гүйхэ хэрэгтэй. Таанадай тэндэ хүрөөдүйдэ бидэ хэрэгээ эхилхэ аргагүйбди. Энэ хото бага байһанһаа «Цооһар», оршуулбал, «Бишыхан» гэжэ нэрлэгдэнхэй.

2 Угай бэшэг 28:15

Тэдэ нэрлээшэ дүрбэн удамарша нюсэгэн зониие олзын хубсаһа хунарһаа, гуталһаа хубсалуулба, гуталтай болгобо. Тиигээд тэдэниие эдеэлүүлээд, ундалуулаад, шархануудтань оливын тоһо түрхеэд, бүхы муудаһан һуларһан зонииень элжэгэнүүд дээрэ һуулгаад, Иудын хан түрэ руу һөөргэнь, пальмануудай хото Ерихоон руу эльгээбэ. Удаань тэдэ Самари руу бусаа бэлэй.

Тоололго 34:3

урда хилэтнай Эдоомой захаар Циин сүл губиһаа зурыжа, Дабһата далайн урда эрьеһээ зүүн тээшээ һунан нэмжыхэ.

Ударидагшад 1:16

Моисейн хээн үндэһэ яһанай хадамай хүбүүд Пальма модоной хотоһоо гараад, Араад хотоһоо урагшаа нэмжыдэг Иудын сүл губида хүрэжэ, тэндэ нютагжан тогтобо.

Ударидагшад 3:13

Эглоон өөрынгөө сэрэгтэ аммоонуудай болон амалээгүүдэй сэрэгшэдые суглуулан нэгэдхээд, дайгаар израильшуудта добтолон орожо, тэдэнэй Пальма модото хотые эзэмдэн абаба.