Хуули дабталга 3:5 - Библи

⁵ Эдэ хотонуудынь бултадаа үндэр ханануудтай, бартаануудтай, шэбхэнүүдтэй, юрэдөө, ехэ бүхэлэгдэнхэй байгаа. Тэрээнһээ гадна хана хэрэмгүй һууринуудшье олон һэн.

Хуули дабталга 3:5 Referencias Cruzadas

Нэхэмьяа 9:25

Израильшууд бүхэлэгдэмэл хотонуудыень, мүн үрэжэл ехэтэй газарнуудыень буляажа абаба, элдэб зөөреэр дүүрэн гэрнүүдыень, шулуутай газарта һэндэһэн худагуудыень, уһан үзэм, олива жэмэсэй олон сэсэрлигүүдыень, жэмэстэ шугынуудыень эзэлбэ. Танай агуу үршөөлөөр тэдэнэр садатараа эдеэлжэ, баян тарган һуунад лэ.

Эстээр 9:19

Тэрэ үеһөө хойшо хүдөөгэй иудейнүүд адаар һарын арбан дүрбэниие баяр нааданай, һайндэрэй үдэр болгожо, найр наада эмхидхэжэ, бэе бэедээ бэлэг баридаг заншалтай болоо һэн.

Тоололго 13:28

Тиигээд тэдэнэр Моисейдэ иигэжэ хэлэбэ: – Бидэ эльгээһэн газартатнай ошообди. Бүхы эдеэ хоолоор элбэг дэлбэг орон нютаг байна. Тэрэ газарай дээжэнь энэ мүн.

Хуули дабталга 1:28

Юундэ тиишээ ошохобибди? Бидэ айнабди. Тэндэхи зон маанадта орходоо томо, үндэршье, хотонуудынь мантан, огторгой тулама хэрэм ханануудтай гэжэ тагнуулаар ошоһон зомнай дуулгаа һэн. Тэндэ айхабтар томо бэетэй Анаагай үри һадаһадые тэдэ хараал!»

Хуули дабталга 3:4

Мэдэлдэнь байһан бүхы хотонуудые тэрэ үедэ эзэмдээ һэмди, бидэнэй эзэлээгүй нэгэшье хото үлөөгүй һэн. Дүн хамта жаран хото – Башаанай Оог хаанай зонхилдог Аргооб гэһэн бүхы хизаар дайда эзэмдээбди.

Хуули дабталга 3:6

Хэшбооной хаан Сиһооной хотонуудые һандаргааһандал, бидэ тэдэниие һандаргаабди. Эдэ хотонуудта эрэшүүл, эхэнэрнүүдые, үхи хүүгэдые бултыень үгы хээ бэлэйбди.

Еврейнүүдтэ 11:30

Израильшууд долоон үдэрэй туршада Ерихоониие тойрожо ябаад, этигэл һүзэгөөрөө ханануудыень унагаагаа.

1 Хаан түрэнүүд 6:18

Алтан хулгананууд хадаа Пилиштын табан ноёдой зонхилдог хотонуудай – бүхэлэгдэһэн хотонуудай ба хэрэм ханагүй һууринуудай тоогоор байгаа бэлэй. Эзэнэй ханзые табиһан тэрэ томо шулууе мүнөөшье болотор Бэт-Шээмэшэй Ёшуһаагай таряалан дээрэ ажаглажа болохо.