Хуули дабталга 3:2 - Библи

² Эзэн намда иигэжэ айладаба: «Тэрээнһээ ши бү ай. Ушар юуб гэхэдэ, Би тэрэниие, сэрэгшэдыень, тэрэнэй бүхы газар дайдые шинии гарта үгэхэб. Хэшбоондо ажаһууһан Эмоорой Сиһоон хааниие яагаад ши диилээ һэмши, тэрээндээл тон адляар тэрэниие диилэхэш».

Хуули дабталга 3:2 Referencias Cruzadas

2 Угай бэшэг 20:17

Энэ удаа таанад дайлалдана бэшэт, һуурияа эзэлэн зогсожо, Эзэнэй таанадта үршөөһэн илалта харан байгты. Иудын болон Иерусалимай улад зон, бү айгты, һүрдэн бү сошогты. Үглөөдэр тэдэнэй урдаһаа добтологты, Эзэн таанадтай хамта!

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 43:5

Бү ай, Би шамтай хамтаб! Би шинии уг удамые зүүн болон баруун зүгүүдһээ суглуулан, гэртэнь асархаб.

Тоололго 14:9

Эзэнэй урдаһаа эсэргүүсэн таанад бү бодогты! Тэрэ орон нютагай арадһаа таанад бү айгты! Тэдэниие бидэ илахабди! Тэдээндэ ямаршье аршалалта үгы. Тиихэдэнь Эзэн бидэнтэй хамтал! Тэдээнһээ таанад бү айгты!

Тоололго 21:34

Эзэн Моисейдэ иигэжэ айладаба: – Тэрээнһээ ши бү ай. Ушар юуб гэхэдэ, Би тэрэниие, сэрэгшэдыень, тэрэнэй бүхы газар дайдые шинии гарта үгэхэб. Хэшбоондо ажаһууһан Эмоорой Сиһоон хааниие яагаад ши диилээ һэмши, тэрээндээл тон адляар тэрэниие диилэхэш.

Хэрэгүүд 18:9

Нэгэтэ һүни Эзэн Павелай үзэгдэлдэ орожо, хэлэбэ: – Бү ай, саг үргэлжэ номножо бай.

Хэрэгүүд 27:24

Тэрэ Бурханай Эльгээмэл: «Павел бү ай! Ши римэй хаанай урда зогсохо ёһотойш, тиимэһээ Бурхан шинии аша туһада замайншни нүхэдтэ ами наһа үршөөн хайрлана», – гэжэ хэлээ.

Хуули дабталга 20:3

иигэжэ хэлэг: «Израилиин арад, соносогты! Мүнөөдэр таанад байлдаанда орохотнай. Хатуу шанга зоригтой байгты, тэдээнһээ бү айгты, бү тэбдэгты, бү һүрдэгты!

Хуули дабталга 3:1

Тэндэһээ һөөргөө хотиржо, Башаан тээшэ ябабабди. Башаанай хаан Оог бүхы сэрэгээ дахуулан, Эдрей хотын шадар бидэнтэй тулалдахаяа урдаһаамнай гараба.

Хуули дабталга 3:11

(Башаанай хаан Оог рэпаиимүүдэй дундаһаа эгээл һүүлшын үлөөшэнь бэлэй. Тэрэнэй шулуун хуурсаг мүнөөшье болотор аммоонуудай Раббаа хотодо байһаар: утань юһэн, үргэниинь эрэ хүнэй дүрбэн тохой болохо юм.)

Хуули дабталга 3:3

Иигэжэ Эзэн Бурхамнай Башаанай Оог хааниие, бүхы сэрэгыень манай мэдэлдэ үгэбэ. Тиихэдэнь нэгэшье хүниие амиды мэндэ үлөөнгүй усадхаа бэлэйбди.

Нүүнэй Иисүүс 10:8

Эзэн Иисүүстэ хэлээ: – Тэдээниие Би шинии гарта үгөөб: хэнииньшье шинии урдаһаа тэсэхэгүй.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!