Хуули дабталга 3:11 - Библи

¹¹ (Башаанай хаан Оог рэпаиимүүдэй дундаһаа эгээл һүүлшын үлөөшэнь бэлэй. Тэрэнэй шулуун хуурсаг мүнөөшье болотор аммоонуудай Раббаа хотодо байһаар: утань юһэн, үргэниинь эрэ хүнэй дүрбэн тохой болохо юм.)

Хуули дабталга 3:11 Referencias Cruzadas

Эхин 14:5

Тиимэһээ арбан дүрбэдэхи жэлдээ Элаам уласай хаан Хэдорлаһоомэр, тэрээнтэй эб холбоо байгуулһан хаашуул сэрэгээ Сиддимэй нюруу руу оруулхын урда тээ урда зүг руу шэглэн, Ханаһаан ороной Аштэроот-Карнааһим хотын рэпаиим гэдэг обог зонтой дайлалдажа диилэбэ. Удаань тэдэ Һаам хотые эзэлэн, зузиим яһатаниие илаба. Һүүлдэнь Шабээ-Кириатааим гэдэг тала нютагта оршодог эмиим обог зониие диилээ бэлэй.

Эхин 6:15

Тэрэшни утаашаа гурбан зуун тохой, хүндэлөөшөө табин тохой, үндэрөөрөө гушан тохой байгуужаг.

2 Хаан түрэнүүд 11:1

Хабарай эхеэр, хаашуулай дайнда мордодог үедэ, Давид Раббаае бүһэлхөөр, аммоонуудые бута сохихоор Ёһаабые өөрынгөө түшэмэлнүүдтэй, мүн Израилиин бүхы сэрэгтэй хамта эльгээбэ. Давид өөрөө Иерусалимда үлөөд байгаа.

2 Хаан түрэнүүд 12:26

Раббаа гээшэ аммоонуудай ниислэл хото бэлэй. Ёһааб Раббаагай урдаһаа тулажа, тэрэниие эзэлэн абахаяа байба.

Ерэмияа 49:2

Теэд Аммооной ниислэл хото Раббаада дайн дажарай абяа шууяанай дуулдаха саг дүтэлөө. Тэрэ һандаргагдаха, хажуудахи һууринуудынь гал дүлэндэ шатаха. Тиихэдэнь Израиль газар уһаяа тэдээнһээ һөөргэнь абаха.

Эзэкээл 21:20

Аммооной ниислэл хото Раббаа руу, тиихэдэ Иудын хан түрын ниислэл хото Иерусалим руу ошоһон харгы замуудые ойндоо оруула.

Эзэкээл 25:5

Танай ниислэл хото Раббаае тэмээнэй бэлшээри, Аммооной хүбүүдэй хото һууринуудые хониной хэбтэри болгохоб. Тиихэдэм таанад Намайе Эзэн гээд мэдэдэг болохот.

Амоос 1:14

Раббаагай ханада гал табихаб! Байлдаата үдэр хашхараан дундуур, шуургата үдэр һалхин дундуур хэрэмүүдынь галда дүрэхэ!

Амоос 2:9

Харин Би тэдэнэй түлөө эмоор угсаатаниие усадхаа бэлэйб. Хуша модон мэтэ тэдэнэр үндэршье һаань, сарса модон мэтэ хүсэтэй байгаашье һаань, Би тэдэниие оройһоонь эхилээд, үндэһэн хүрэтэрынь усадхааб.

Хуули дабталга 2:11

Тэдэниие анаакшуудтал адляар рэпаиимүүд гээд тоолохо, теэд Моһаабай зон тэдэниие эмиимүүд гээд нэрлэдэг.

Хуули дабталга 2:20

(Тэрэ рэпаиимүүдэй газар гэжэ тоологдодог байгаа. Урдань тэндэ рэпаиим обог зон ажаһуугаа. Аммоонууд тэдэниие замзууммшууд гээд нэрлэгшэ һэн.

Нүүнэй Иисүүс 12:4

Тэрээнэй хүршэ Оог, Башаанай хаан, рэпаиимүүдэй һүүлшын хаан Аштароодто ба Эдрейдэ байһан,

Нүүнэй Иисүүс 13:12

Аштароодто ба Эдрейдэ түрэ барижа байһан Башаанай Оог хаанай гүрэниие абаа. Моисейн даража үлдэһэн рэпаиимүүдһээ тэрэ гансаараа үлэһэн байгаа.

Гэршэлгэ 21:17

Эльгээмэлэй хотын хана хэмжэхэдэнь, үндэрынь зуун дүшэн дүрбэн тохой байба. Эльгээмэл хүнэй хэмжэдэг хэмжүүрые хэрэглээ һэн.

1 Хаан түрэнүүд 17:4

Тиигээд пилиштүүдэй хотон хүреэнһөө тулалдаашан гаража ерэбэ. Тэрэнэй нэрэнь Голиаф, тэрэ Гаатһаа, зургаа хахад тохой үндэр бэетэй хүн бэлэй.