Хуули дабталга 26:13 - Библи

¹³ Тиигээд Эзэн Бурхандаа иигэжэ хэлээрэй: «Танай намда захиһан һургаал заабариин ёһоор, би өөрынгөө гэрһээ нангин хуби гаргажа, левидүүдтэ, ерүүл зондо, үншэн хэнзэ үхибүүдтэ, нүхэрөө гээһэн эхэнэрнүүдтэ үгөөб. Танай захяа заабари эбдээгүйб, тэрэниие мартаагүйб.

Хуули дабталга 26:13 Referencias Cruzadas

Псалманууд 26:6

Тиихэдэнь тойроод байгаа дайсад дээгүүр би үргэмжэлэгдэн, майхан соонь баясан, үргэл болон магтаал үргэхэб, Эзэндэ магтаалнуудые дуулахаб.

Һургаал 3:1

Хүбүүмни! Минии һургаалые бү марта, зүрхэншни минии заабари сахиха болтогой.

Хэрэгүүд 24:16

Тиимэһээ би Бурханайшье, хүнүүдэйшье урда арюун һайн сэдьхэлтэй байха гэжэ ходо оролдодогби.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Коринфынхидтэ 2-дохи 11:31

Бурхан болон Эзэн Иисүүсэй Эсэгэ хэтын хэтэдэ үреэл магтаалда хүртэжэ байһай: хэзээшье худалаар хэлэдэггүй байһыемни Тэрэ мэдэхэ.

Хуули дабталга 14:29

Тиихэдэш өөрын хубиин газаргүй левидүүд, ерүүл зон, шинии хотын үншэн хэнзэнүүд, бэлбэһэн эхэнэрнүүд ерэжэ, садатараа эдеэлжэ байг. Иигээд байгаа һаашни, Эзэн Бурханшни хэһэн хэрэг бүхэнииеш үреэхэл.

Хуули дабталга 26:12

Гурбадахи жэл бүри – ургасын арбанай нэгэ хубиие үргэхэ жэлдэ газарай эдеэ хоолой арбанай нэгэ хубиие амяарлажа, хотонуудтатнай ажаһуудаг левидүүдтэ, ерүүл зондо, үншэн хэнзэнүүдтэ, бэлбэһэн эхэнэрнүүдтэ үгөөрэй. Тиихэдэшни тэдэнэр эдижэ садажа байхал.

Хуули дабталга 26:14

Уйдхар гашуудалта үедөө тэрээнһээ эдеэ бэшэб, ургаса суглуулхадаа арюун сэбэр байгааб, нүгшэһэн хүнэй түлөө тэрээнһээ үргөөгүйб. Би Танда, Эзэн Бурхандаа, үнэн сэхэ байгааб, Танай захирһанай ёһоор бүхы юумэ дүүргээб.

Фессалоникиинхидтэ 1-дэхи 2:10

Та һүзэглэгшэдтэ бидэ арюун һайханаар, үнэн сэхээр хандадаг һэмди. Бидэниие зэмэлхээр юумэн үгы. Таанад өөһэдөөшье, Бурханшье тэрэниие гэршэлхэ.