Хуули дабталга 21:5 - Библи

⁵ Санаартан, Левиин үри һадаһад, тиишээ дүтэлэг, юуб гэхэдэ, Эзэн Бурхантнай тэдэниие өөртөө алба хүүлэхын, мүн Эзэнэй нэрээр зониие тэдэнэй юрөөхын тула шэлээ ха юм. Бүхы зарга хэрэгүүдые, гэмтэхэ хохидохо бүхы ушарнуудые эдэнэр лэ шиидхэдэг бшуу.

Хуули дабталга 21:5 Referencias Cruzadas

1 Угай бэшэг 23:13

Амраамай хүбүүд: Аһароон ба Моисей. Аһароон хамагай нангин бүтээлнүүдтэ зорюулагдан абтаа, тэрэ, мүн тэрэнэй хүбүүд хэтэдээ Эзэнэй шарайн урда алба бэелүүлхэ, Тэрэнэй нэрэһээ үреэлдэ хүртөөхэ, Тэрээндэ алба хэхэ уялгатай.

2 Угай бэшэг 19:10

Шуһа урдахуулһан гү, хуули еһын, захяа гуримай, дүримэй, ёһо заншалнуудай гү – элдэб арсалдаата хэрэгүүд арад зонһоомнай орожо байха. Зүбөөр шиидхэжэ байгты, Эзэнэй урда нүгэлтэй тэдэниие бү болгогты. Уур хилэнгынь таанадта, мүн арад зондотнай бү хүрэг. Иигэжэ үйлэ ябуулбал, нүгэл абахагүйт.

Эзэкээл 42:13

Тэрэ хүтэлэгшэ намда иигэжэ хэлэбэ: – Нангин үргөөгэй хойто болон урда талануудтань байгааша таһалганууд нангин гээшэ. Эзэнэй санаартан эгээл нангин үргэлнүүдые тэндэ үргэн байха. Талханай үргэл, нүгэл сагааруулгын үргэл, гарза харюулгын үргэл тэрэ нангин газарта үргэгдэхэ ёһотой.

Эзэкээл 44:24

Зарга хэрэгүүдэй гарабал, тэдэ Минии хуули ёһоор хэрэг шиидхэхэ. Тогтоол, һургаалнуудайм ёһоор тэдэ шажанай нангин һайндэрнүүдые үнгэргэхэ, амаралтын үдэр сахидаг байхые жэншэдгүй харгалзалан байха юм.

Левит 9:22

Аһароон бүхы үргэлнүүдые – нүгэл сагааруулгын, түгэс шатаалта, амгалан байдалай түлөө үргэлнүүдые дууһан бүтээгээд, гараа үргэжэ, арад зоноо адислаад, доошоо бууба.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Хуули дабталга 10:8

Тэрэ үедэ Эзэн Левиин обогой зониие бусадһаа тусгаар илгажа, Өөрынгөө хэлсээнэй ханза абан ябахыень даалгаба. Тэдэнэр Эзэнэй урда зогсодог, санаартанай уялга дүүргэдэг, Тэрэнэй нэрээр зониие үреэдэг болобо. Мүнөөшье болотор тэдэ энэ ажалаа хэһээр.

Хуули дабталга 18:5

Юуб гэхэдэ, Өөрынь урда зогсожо, хэтын хэтэдэ алба хэхыень Левий гэгшын үри һадаһадые бүхы обогуудһаатнай Эзэн Бурхантнай шэлээ ха юм.

Хуули дабталга 19:17

Тиигэбэл, заргалдагша тэдэ хоёр хоюулаа Эзэнэй нангин үргөө руу ошог, тэрэ үедэ санаартан болон шүүбэрилэгшэ байһан зон тэдэнэй хэрэг шиидхэг лэ.

Хуули дабталга 21:4

элдүүрилээгүй, үрэһэ хүрэнгэ таряагүй эрьетэй, шэргэдэггүй горхон руу абаашаад, тэндэ, горхоной хажууда, тэрэ залуу малай амарга хүзүүень хухалаг.