Хуули дабталга 20:1 - Библи

¹ Дайсадайнгаа урдаһаа байлдаанда гарахадаа, таанадһаа олон моритой, дайшалхы тэргэтэй, сэрэгтэй байһыень обёороод, бү айгты, юуб гэхэдэ, Египедһээ гаргаһан Эзэн Бурхантнай таанадтай байһаар.

Хуули дабталга 20:1 Referencias Cruzadas

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

2 Угай бэшэг 14:10

Асаа урдаһаань ерэжэ, тэдэ Марэшаагай хажууда Цэпатаа гэдэг нюруу газарта байлдаанда жагсаба.

2 Угай бэшэг 14:11

Асаа Эзэн Бурханаа дуудан, иигэжэ хэлэбэ: – Эзэн, шанга, шанга бэшэшье сэрэгтэ Та илалта туйлуулнат. Эзэн Бурхамнай, бидэндэ туһалыт. Танда найданабди, Танай нэрэ алдаршуулхаяа иимэ олон сэрэгэй урдаһаа гараабди. Эзэн Бурхамнай, Таниие хэншье диилэжэ шадахагүй.

2 Угай бэшэг 20:12

Манай Бурхан! Тэдэниие усадхыт! Маанадта добтологшо иимэ ехэ сэрэгэй урдаһаа тулаха хүсэн бидэндэ байхагүй. Юугээшье хэхэеэ бидэ мэдэнэгүйбди, харин Тандаал найданабди!

2 Угай бэшэг 20:15

Яхазиһээл иигэжэ хэлэбэ: – Үндэр түрэлтэ Ёшапаат хаан, Иудын болон Иерусалимай бүхы арад зон, анхаралтайгаар шагныта! Энэ ехэ сэрэгһээ бү айгты, бү һүрдэгты гэжэ Эзэн таанадта айладхана. Энэ дайнай үрэ дүн таанадһаа бэшэ, Бурханһаа сэхэ дулдыдаха.

Псалманууд 118:6

Тиигэбэл, Танай захяа заабаринуудые харан байхадаа би эшэхэгүй бэлэйб.

Псалманууд 20:7

Та хэтэ мүнхэдөө тэрэниие үреэгөөт, Өөрын оршондо баясаха арга тэрээндэ үгөөт.

Псалманууд 23:4

Гэм зэмэ хээгүй, муу юумэ бодоогүй, бурханай дүрсэнүүдтэ мүргөөгүй, худал тангариг үргөөгүйл хүн!

Псалманууд 46:7

Бурханда магтаал үргэгты, магтаал үргэгты! Хаандамнай магтаал үргэгты, магтаал үргэгты!

Псалманууд 46:8

Юуб гэбэл, Бурхан хадаа бүхэдэлхэйн Хаан мүн! Ирагуу үгэнүүдые дуулан үргэгты!

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Исай 31:1

Египедһээ туһа эрихэеэ ошогшод дэмы һалаха! Тэдэ Египедэй олон моритой, тэргэнүүдтэйдэнь, мори унаашадайнь хүсэтэйдэ найдана, харин Израилиин Нангин Эзэндэ түшэглэнэгүй, найданагүй, туһа эринэгүй.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Ерэмияа 16:14

Эзэн тунхаглажа байна: – Израилиин арад зониие Египедһээ гаргаһан амиды мэндэ Бурхан гээд Минии нэрээр зоной тангариглахаяа болихо саг дүтэлжэ байна.

Захарияа 10:5

Тэдэ гудамжын тооһондо дайсанаа дэбһэн гэшхэхэ шадалтай. Байлдаанда ороходоо, морито сэрэгые бута сохихо, юуб гэхэдэ, Эзэн тэдээнтэй суг хамта оролсохо.

Тоололго 10:9

Өөрынгөө газар дээрэ дайсадтай тулалдахын урда тээ шангаар аад, түргэ түргөөр бүреэнүүдээ үлеэ. Тиихэдэшни Эзэн, шинии Бурхан, дохёоешни дуулаад, таанадые дайсадһаа абарха.

Тоололго 23:21

Яковта тэрьедэлгэ харагданагүйл! Израильда гай тодхор болохогүйл! Тэдээнтэй хамтал Эзэн Бурхан! Тэдээнтэй хамтал Хаан гээд зар тунхагтай!

Римэйхиндэ 8:31

Эдэ бүхэн тухай бидэ юун гэжэ хэлэхэбибди? Хэрбээ Бурханай манай талада байбал, маанадта эсэргүүсэһэн хүн байха аал?

Хуули дабталга 1:29

Би таанадта иигэжэ хэлээ һэм: «Тэдэнһээ бү сошогты, бү айгты.

Хуули дабталга 2:7

Эзэн Бурханайнгаа бүхы ажал хэрэгүүдыетнай үреэһэн, агууехэ элһэн сүл губяар ябажа байхадатнай таанадые хаража байһан тухайнь бү мартагты. Дүшэн жэлэй туршада Эзэн Бурхантнай таанадтай хамта ябана, тиимэһээ та бүгэдэ ямаршье юумээр дуталдаагүйт“».

Хуули дабталга 20:2

Байлдаанда гарахадатнай санаартан дүтэлөөд, сэрэгшэдтэ хандаг,

Хуули дабталга 20:3

иигэжэ хэлэг: «Израилиин арад, соносогты! Мүнөөдэр таанад байлдаанда орохотнай. Хатуу шанга зоригтой байгты, тэдээнһээ бү айгты, бү тэбдэгты, бү һүрдэгты!

Хуули дабталга 31:6

Хатуу шанга, эрэлхэг зоригтой байгты, тэдээнһээ бү айгты, бү һүрдэгты, юуб гэхэдэ, Эзэн Бурхантнай таанадтай хамта ябана. Тэрэ таанадые орхихогүй, хаяхагүй.

Хуули дабталга 31:8

Эзэн Өөрөө шамайе хүтэлэн ябаха, Тэрэ шамтай байха, шамайе орхихогүй, хаяхагүй. Бү ай, бү һүрдэ!

Хуули дабталга 7:1

Эзэмдэхэеэ зорижо ябаһан газартатнай Эзэн Бурханайтнай таанадые асархадань, олон арад түмэниие – хээт, гиргааш, эмоор, ханаһаан, пэриззии, хиив, евүүс – танһаа олон, хүсэтэй долоон арадые хажууһаатнай үлдэхэдэнь,

Хуули дабталга 7:18

Теэд тэдээнһээ бү айгты! Фараондо, мүн бүхы улад зондонь Эзэн Бурханайтнай юу хэһые һанаад үзыт.

Хуули дабталга 7:21

Тэдэ арадуудһаа бү һүрдэгты, юуб гэхэдэ, Эзэн Бурхантнай – агууехэ, һүрөөтэй Бурхан. Тэрэ таанадтай хамта байна.

Хуули дабталга 9:3

Теэд мүнөө одоо мэдэжэ байгты: Эзэн Бурхантнай бүхы юумэ үрэбхилдэг гал дүлэндэл, таанадай урда ябана. Тэрэ тэдэниие хюдаха, таанадаар диилүүлхэ. Эзэнэй та бүгэдэндэ найдуулһанай ёһоор, таанад газар уһыень эзэмдэхэт, түргөөр тэдэниие һалгаахат.

Нүүнэй Иисүүс 1:5

Шинии бүхы наһан соо хэншье шамтай тэнсэхэгүй; Моисейн хажууда байһандал адли Би хажуудаш байхаб: шамһаа холодохогүйб, шамайе орхихогүйб.

Нүүнэй Иисүүс 1:9

Би шамда зарлиг буулганаб: хатуу ба зоригтой байгаарай, бү ай, бү һүрдэн бахарда. Хаанаш ошоо һааш, Эзэн, шинии Бурхан хажуудаш байха.

Нүүнэй Иисүүс 11:9

Иисүүс тэдээниие Эзэнэй хэлэһэн ёһоор шиидхээ – моридойнь шүрбэһэ таһа отолоо, байлдаанай хоёр сахаригтануудынь шатаагаа.

Ударидагшад 6:12

Эзэнэй Эльгээмэл Гидооной урдань бии болоод, тэрээндэ иигэжэ айладаба: – Хүсэтэй сэрэгшэ, Эзэн шамтай оршоно.

Ударидагшад 6:16

Тиихэдэнь Эзэн тэрээндэ иигэжэ айладаба: – Би шамтайб! Ши нэгыньшье үлөөнгүйгөөр бүхы мидиануудые үгы хэхэш.

1 Хаан түрэнүүд 17:32

Давид Саулда: – Тэрэ хүнһөө боложо, хэншье зүрхэ сэдьхэлээ бү хүнтэрүүлэг. Танай богоол би ошожо, тэрэ пилишт хүнтэй тулалдахаб, – гэбэ.