Хуули дабталга 2:8 - Библи

⁸ Тиимэһээ бидэ манай түрэл саданар болохо Эсаавай үри һадаһадай ажаһуудаг Сэһиирэй уулархаг орон нютагай хажуугаар үнгэржэ, нюруу газарһаа эхилээд, Элаат болон Эциһоон-Гээбэр хүрэтэр зурыһан харгыһаа хотиржо, Моһаабай элһэн сүл губи руу ошобобди.

Хуули дабталга 2:8 Referencias Cruzadas

Эхин 25:23

Эзэн тэрээндэ иигэжэ харюусаба: – Умай соохи хоёр хүүгэдһээш хоёр ондоо арад болбосорон бүрилдэхэ. Нэгэниинь үлүү хүсэтэй боложо, ахань дүүгэйнгээ зараса болохо.

3 Хаан түрэнүүд 9:26

Эдоомой газар дайдада, Хулһата далайн эрьедэхи Элоодой хажууда оршодог Эциһоон-Гээбэртэ Соломоон хаан далайн онгосонуудые бүтээгээ һэн.

4 Хаан түрэнүүд 14:22

Амацияагай үбгэ эсэгэнэртэеэ хамта нойрсоходо, Азаарияа Элаат хотые шэнээр барюулаад, тэрэнээ Иудын засаглал доро үгэбэ.

4 Хаан түрэнүүд 16:6

Тиихэдээ Араамай хаан Рэциин Элаат бусажа, иудейнүүдые тэндэһээ үлдэжэ гаргаба. Тиигээд араамшууд тэндэ нютагжаба. Тэдэнэр мүнөө болотор тэндэ ажаһууһаар юм.

Тоололго 21:4

Эдоомой газар дайдые тойрожо гаталхын тула тэдэнэр Һоор хадаһаа Хулһата далай тээшэ ошобо. Тэдэнэр тойруу харгыгаар тулиха зобоходоо,

Тоололго 33:35

Абронааһаа гараад, тэдэнэр Эциһоон-Гээбэртэ тогтон байрлажа, майхан хүреэнүүдээ татаба.

Хуули дабталга 1:1

Иордан голой саада тээ, элһэн сүл губида, Арабаада, Суупай хажууда, Параан, Тоопэл, Лаваан, Хацэроот, Диизаһаб хотонуудай хоорондо байхадаа, Моисейн бүхы Израилиин улад зондо хэлэһэн үгэнүүд иимэ.

Ударидагшад 11:18

Һүүлдэнь израильшууд сүл губиие гаталаад, Эдоомой болон Моһаабай газарнуудые тойрон үнгэржэ, Моһаабай зүүн хилэдэхи Арноон мүрэнэй саана майхан хүреэнээ табин байрлаа юм.