Хуули дабталга 2:7 - Библи

⁷ Эзэн Бурханайнгаа бүхы ажал хэрэгүүдыетнай үреэһэн, агууехэ элһэн сүл губяар ябажа байхадатнай таанадые хаража байһан тухайнь бү мартагты. Дүшэн жэлэй туршада Эзэн Бурхантнай таанадтай хамта ябана, тиимэһээ та бүгэдэ ямаршье юумээр дуталдаагүйт“».

Хуули дабталга 2:7 Referencias Cruzadas

Эхин 12:2

Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Эхин 24:35

Минии эзэниие Эзэнэй үреэһэн ушарһаа тэрэ угаа баян хүн боложо, һүрэг олон малтай, алта мүнгөөр элбэг, эрэ, эхэнэр зарасанараар олон, тэмээнүүдтэй, элжэгэнүүдтэй болоо.

Эхин 26:12

Энэ газар орондо нютаглаад, Исаак таряа таридаг һэн. Эзэн үреэжэ, урда жэлнүүдтэ орходоо зуу дахин баян ургаса нэгэ жэл тэрэ хуряаба.

Эхин 30:27

– Һайн хүн боложо, намайе шагна! – гэжэ Лаваан хэлэбэ. – Эзэнэй үршөөл үреэлтэй байһаншни маанадташье хүртэлсөө.

Эхин 39:3

Эзэнэй туһаламжаар тэрэ залуу хүнэй хэһэн ажал бүхэниинь амжалтатай гэжэ Потипаар ажаглан хараба.

Эхин 39:5

Тэрэ гэһэнһээ хойшо Эзэнэй Иосифые үреэжэ эхилхэдэ, Потипаарай эд зөөри, мал һүрэгынь, таряалангуудынь, юрэдөө, бүхы юумэниинь дэлгэржэ, олошоржо эхилбэ.

Нэхэмьяа 9:21

Та тэдэнэй дүшэн жэлдэ элһэн губида ябахадань дүнгөөт, тэдэнэр юугээршье дуталдаагүйл, хубсаһа хунарыньшье элээгүй, хүлнүүдыньшье хабдаагүйл.

Иоов 23:10

Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Псалманууд 1:6

Юуб гэбэл, Эзэн зүб шударга зоной замые хинадаг, харин хорото муу зон үхэлэй харгыгаар шэглэдэг.

Псалманууд 107:4

Эзэн, арадуудай дунда Таниие алдаршуулхаб, бүхы обогуудай дунда Таниие магтан байхаб.

Псалманууд 31:7

Та бол минии хорохо газар, намайе зоболонһоо аршалнат, Та намайе абараат, иигэжэ тойроод намайе – энээн тушаа баяртай дуун! [Хүгжэм]

Египедһээ гаралга 16:35

Израиль угсаатан Бурханай зааһан нютагта ерэтэрээ, Ханаһаан нютагай хилэ гаталтараа дүшэн жэлэй туршада сагаан будаагаар хоолложо ябаа гэдэг.

Ерэмияа 2:2

Иерусалимай хүн бүхэндэ иимэ зар соносхол дуулгахыемни захирба: Таанадай эдир залуу байхадаа Намда үнэн сэхэ байһые, гүлмэр залуухан һамгандал, Намда дураяа бэлэглэдэгые, элһэн сүл губяар, талха таряанай ургадаггүй газар нютагаар Намайе дахан ябаһыетнай һанажа байнаб.

Һошээ 13:5

Хатаһан хуурай газарта Би таанад тушаа һанаагаа табин байгааб.

Амоос 2:10

Египедэй орон нютагһаа таанадые Би гаргаа бэлэйб, дүшэн жэлэй туршада сүл губяар хүтэлэн ябааб. Эмоор зоной газар уһые таанадай эзэмшэлгэдэ дамжуулхын тула.

Тоололго 1:1

Израильшуудай Египедэй газар дайдаһаа гаража ошоһонһоо хойшо хоёрдохи һарын нэгэдэхи үдэр, Синайн сүл губида майхан һүмэ соо Эзэн Моисейдэ иигэжэ айладаба:

Тоололго 14:33

Таанадай бултадаа энэ сүл губида үхэтэр, таанадай Намда үнэн сэхэ бэшэ ябаһанай түлөө үри хүүгэдтнай тэнэжэ, сүл губида дүшэн жэл соо зобохо.

Тоололго 14:34

Таанад тэрэ газарые дүшэн үдэр соо тагнан шэнжэлээт. Тиимэһээ мүнөө хэһэн нүгэлэйнгөө түлөө дүшэн жэл соо тулиха зобохот, нэгэ үдэр нэгэ жэлтэй сасуу. Тиихэдээл таанад Намһаа холодолго ямар бэ гэжэ ойлгохот».

Тоололго 22:12

Бурхан Балаһаамда: – Ши тэдээнтэй бү яба. Ши тэрэ арадые бү тарнида. Ушар юуб гэхэдэ, тэдэнэр Минии үреэлдэ хүртэнхэй, – гэжэ айладаба.

Тоололго 32:13

Эзэн израильшуудта сухалаа хүрөөд, эбсэшэгүй нүгэл хэһэнэйнь түлөө дүшэн жэлдэ тулижа, тэнэжэ хосорхынь түлөө тэдэниие элһэн губида орхёо!

Лука 22:35

– Таанадые туулмаг сумаагүйгөөр, гуталгүйгөөр зондо номнохыетнай эльгээхэдэмни, юумээр дуталдаа һэн гүт? – гэжэ Иисүүс шабинарһаа һураба. – Юугээршье дуталдаагүй һэмди! – гэжэ тэдэнь харюусаба.

Иоанн 10:27

Минии хонид үгыемни дууладаг, Бишье тэдэнээ мэдэхэб, тэдэмни Минии хойноһоо дахажа ябана.

Хуули дабталга 1:19

Эзэн Бурханайнгаа захирһанай ёһоор, Хорээб хадаһаа буужа, энэ үргэн, аймшагтай элһэн сүл губи бултыень гаталан гараабди, энээниие та бүгэдэ өөһэдөө хараа гээшэ аабзат даа. Иигэжэ эмоор обог зоной уулархаг нютаг руу зорижо, Кадээш-Барнээ гэгшэдэ хүрөөбди.

Хуули дабталга 1:46

Иигэжэ Кадээштэ удаан сагта байһанайнгаа удаа,

Хуули дабталга 2:14

Кадээш-Барнээ гэгшэһээ манай ошоһонһоо хадын жалга Зээрэдые гаталһан саг хүрэтэр гушан найман жэл үнгэрөө. Эзэнэй тэдээндэ тангариглаһанай ёһоор обогоймнай тэрэ үеын сэрэгэй зон барандаа наһа бараа.

Хуули дабталга 2:6

Тэдэнһээ мүнгөөр эдеэ хоол худалдажа абаад эдигты, мүнгөөр уһа худалдан абажа уугты.

Хуули дабталга 29:4

Харин Эзэн юунэй болоһые ойлгохо ухаа, хараха нюдэ, шагнаха шэхэ таанадта мүнөө болотор үгөөгүй.

Хуули дабталга 29:5

Дүшэн жэл соо Тэрэ таанадые элһэн сүл губяар хүтэлэн ябаа. Энэ саг соо хубсаһантнайшье һанги набта болоогүй, гуталтнайшье һалаагүй,

Нүүнэй Иисүүс 5:6

Юуб гэхэдэ, Израилиин хүбүүд дайлалдаха шадалтай бүхы зоной дууһан үхэтэр, дүшэн жэлдэ элһэн губида ябаа. Тэдэ зон Эзэнэй абяа дуулаагүй байгаа. Тиимэһээ эсэгэнэртэнь үгэхэб гэжэ Эзэнэй тангариглаһан һүнэй ба зүгын балай урдажа байдаг газарые тэдэ үзэхэгүй гэжэ Эзэн тангариглаа.