Хуули дабталга 19:8 - Библи

^8-9 Мүнөөдэр минии дамжуулһан бүхы эдэ захяа заабаринуудые дүүргэхэеэ оролдодог, Эзэн Бурхандаа дуратай, наһаараа Тэрэнэй айладаһаар ажаһуугаа гээшэ һаатнай, үбгэ эсэгэнэртэтнай найдуулһанай ёһоор, бүхы газар дайда Тэрэ таанадта үгэхэл. Эзэн Бурхантнай газарайтнай хилэ үргэдхэхэб гэжэ үбгэ эсэгэнэртэтнай тангариглаа бэлэй. Тиихэдэнь, тэрэ гурбан хотодо үшөө гурбые нэмээрэйгты.

Хуули дабталга 19:8 Referencias Cruzadas

Эхин 28:14

Шинии үри һадаһад газарай шорой мэтэ олон боложо, дүрбэн зүгөөр таран һуурижаха. Би шамаар болон уг удамааршни дамжуулан, дэлхэйн арад түмэниие үреэхэб.

3 Хаан түрэнүүд 4:21

Евфрат мүрэнэй болон Пилишт орон нютагай хоорондуур оршодог, Египет хүрэтэр нэмжыгшэ дайдануудай хан түрэнүүдые Соломоон зонхилон ажаһуугаа. Тэдэ хан түрэнүүд Соломооной амиды мэндэ сагта үргэлжэ ясаг түлэжэ байгаа.

Эзраа 4:20

Евфратһаа баруулжанхи газарнуудые эзэмдэжэ, алба, татабари абажа байһан хүсэтэй хаашуул Иерусалимда байһан гэжэ элирээ.

Египедһээ гаралга 23:31

Хулһата далай болон Пилиштын далай, Сүл губи болон Мүрэн гээд танай эзэлхэ газарай хилэ болгон табихаб. Тэрэ орон нютагта һууһан бүхы зониие танай гарта үгэхэдэм, үлдэжэ гаргахат.

Египедһээ гаралга 34:24

Жэлдээ гурба дахин Минии, Эзэн Бурханайнгаа, урда зогсон, бэеэ харуулбалтнай, Би хари угсаатанай газар дайда таанадта үгэхэб, танай байһан газар дэбисхэрые үргэдхэхэб, хэншье танай газар булимтаран буляахагүй.

Хуули дабталга 12:20

Эзэн Бурхантнай орон түрынтнай хилэнүүдые үргэдхэхөөр найдуулаа бэлэй. Тэрэнэй энэ хэрэг бүтээхэдэнь, шэлэн зааһан нангин үргөөһөөнь таанадай хэн нэгэнэй гэр дан холо үлэжэ магад. Холо байжа, мяха эдихэеэ һанабал, эдихэдэтнай хамаагүй. Эзэнэй үршөөһэн малһаа үүсэлхэдээ, минии хэлэһээр, гэртээ тэрэниие хэзээшье эдихэдэтнай болохо.

Хуули дабталга 19:7

Тиимэһээл гурбан хото шэлэгты гэжэ таанадта би захирна гээшэб.