Хуули дабталга 19:6 - Библи

⁶ Ганса хото шэлэн орхёо һаатнай, тэрээн хүрэтэр зай холо байжа магад. Алуулһан хүнэй дүтын түрэл үһөөгөө абахаяа тэрэ сүйд хэһэн хүниие хүсэжэ баряад, уур сухал дундаа тэрэниие алажа магад. Теэд тэрэ алуулхаар юумэ хээгүй ха юм. Юуб гэхэдэ, гээгдэһэн хүнтэй бэе бэеэ үзэн ядажа һая наашашье байгаагүй.

Хуули дабталга 19:6 Referencias Cruzadas

2 Хаан түрэнүүд 14:7

Мүнөө бүхы түрэлхид минии урдаһаа тулажа, «ахаяа алаһан хүниие бидэндэ үгэ. Алаһан ахынь түлөө тэрэниие алахамнай» гэлдэнэ. Тэдэ иигэжэ минии ори гансахан ошо унтаргаажа, газар дээрэ үбгэнэймни нэрыешье, уг удамыеньшье үлөөхэгүйнь, – гэжэ тэрэ эхэнэр хэлэбэ.

Тоололго 35:12

Хүн үһөөгөө абаха гэгшэдһээ тэрьедэн, ами наһаяа абаржа, ниитэ эмхиин шүүхын шиидхэбэриин гаратар тэндэ хоргодог.

Хуули дабталга 19:5

Жэшээнь, хоёр хүн модо отолхоёо ой руу ошожо, модо отолхо гэжэ нэгэнэйнь һүхэтэй гараа далайхадань, һүхынь мунса эшэһээ мулта һүрөөд, нүгөөдэ хүниие дайража, тэрэнь гээгдэбэл, тэрэ ойлгомторгүй алаһан хүн амиды мэндэ үлэхын тула тэрэ гурбан хотонуудай нэгэндэ гүйжэ ошохо аргатай.

Хуули дабталга 19:7

Тиимэһээл гурбан хото шэлэгты гэжэ таанадта би захирна гээшэб.

Хуули дабталга 21:22

Хэн нэгэнэй ами наһыень таһалдуулма гэмтэ ябадал хээ гээшэ һаань, тэрэниие алахадаа, бэеынь модондо үлгэжэ,

Нүүнэй Иисүүс 20:5

Шуһанай түлөө үһөө нэхэгшын мүрдэжэ ерэхэдэ, тэрээнэй гарта тэдэ алагшые үгэхэгүй. Юундэб гэхэдэ, тэрэ мэдэнгүй алаа, алуулагшые үзэн ядажа байгаагүй.