Хуули дабталга 17:1 - Библи

¹ Дутагдал зэмдэгтэй үхэр гү, али хони Эзэн Бурхандаа бү үргэгты. Юуб гэхэдэ, энэ хадаа Эзэн Бурхандатнай жэгшүүритэй муухай юумэн гээшэ.

Хуули дабталга 17:1 Referencias Cruzadas

Эхин 41:19

Тэдэнэй һүүлээр үшөө долоон үнеэнүүд мүрэнһөө гараба, туранхай ядуу, арһа яһан болонхойнууд – би Египедтэ иимэ ахир яндан үнеэнүүдые хаража үзөөгүйб!

Египедһээ гаралга 12:5

Ямаршье дутагдал гажуугүй жэлтэй эрэ хурьган байха зэргэтэй. Хурьганай орондо эшэгэ абахада баһа болохо.

Һургаал 11:1

Алдуутай шэгнүүр Эзэнэй зэбүүсэл түрүүлдэг, зүбөөр шэгнэлгэ Тэрэнэй һанаанда таараха.

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Һургаал 20:10

Буруу шэгнэдэг шэгнүүрһээ, худалаар харуулдаг хэмжүүрһээ Эзэн зэбүүсэдэг.

Һургаал 6:16

Эзэн зургаан мууе үзэн ядадаг, долоодохиһоо мүн лэ зэбүүсэдэг. Тэдэ гэбэл:

Левит 1:3

Эбэртэ бодо малһаа түгэс шатаалта үргэл хэхээ һанаа бол, ямаршье дутагдалгүй буха шэлэн абаад, Эзэндэ һайшаагдахынь тула майхан һүмын үүдэндэ асараг.

Малаахи 1:8

Таанар һохор мал тахил болгон үргэжэ байхадаа, энэ муу бэшэ гэнэ гүт? Таанад дохолон болон үбшэн хони мал үргэжэ байхадаа, энэ муу бэшэ гэнэ гүт? Энээниие удамаршадаа абаашажа үгэгты. Тэрэ юун гэгшэ ааб? гэжэ Түмэн Сэрэгтэ Эзэн айладажа байна.

Тоололго 29:8

Эзэндэ аятай һайхан хангал үнэр гаргахаяа түгэс шатаалта үргэлдэ гэжэ иимэ үргэлнүүдые асарагты: нэгэ буруун буха, бэеэ хүсэһэн нэгэ хуса, долоон эрэ хурьга. Эдэтнай эрэмдэг бэшэ байха ёһотой.

Хуули дабталга 15:21

Малда ямар нэгэн дутагдал – дохолон гү, али һохор, үгышье һаа, үшөө ондоо дутуу дундатай байгаа һаань, тэрэниие Эзэн Бурхандаа бү үргэ.

Хуули дабталга 23:18

Эзэн Бурханайнгаа үргөө руу ямаршье ёһо гуримаар үндэһэлэн янхан эхэнэрэй гү, али янхан эрын олоһон мүнгэ бү оруулагты. Юуб гэхэдэ, эдэ бүгэдэ Эзэн Бурхандатнай жэгшүүритэй муухай юумэн гээшэ.

Хуули дабталга 24:4

түрүүшын үбгэниинь тэрэниие дахин һамга абаха ёһогүй. Юуб гэхэдэ, тэрэ һамган бузарлагдаа. Энэ хэрэг Эзэндэ жэгшүүритэй муухай байхал. Эзэн Бурханайнгаа хуби болгон үгэжэ байһан газар дайда дээрэ иимэ нүгэл шэбэл бү хэгты.

Хуули дабталга 25:16

Мэхэ гохо хэжэ байгааша бүхэниие Эзэн Бурхантнай үзэн ядадаг.

Хуули дабталга 7:25

Бурхадайнь дүрсэнүүдые галда хаяжа шатаагты! Шүтөөнүүд дээрэнь байгааша алта-мүнгые абахаяа бү һанагты, юундэб гэхэдэ, тэрэ таанадта занга болохо. Эзэн Бурхантнай шүтөөнүүдые үзэн ядадаг.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Пётрой 1-дэхи хандалга 1:19

харин бэеын дутагдалгүй, сэбэр Хурьганай, Христоосой үнэтэй сэнтэй шуһаар худалдажа абтагдаат.