Хуули дабталга 16:2 - Библи

² Эзэнэй нангин үргөөдэ үхэр, хонёор Паасхын үргэл хээрэйгты. Энэ үргэл Эзэн Бурхандашни зорюулагдаха ёһотой.

Хуули дабталга 16:2 Referencias Cruzadas

4 Хаан түрэнүүд 23:21

Хаан бүхы арад зондоо хандажа: – Хэлсээ баталгын ном соо бэшэһэн бэшэлтээр, Эзэндэ, өөһэдынгөө Бурханда Паасха үнгэргэгты! – гэжэ захирба.

2 Угай бэшэг 35:7

Тэндэ байгааша улад зондо Паасхын үргэл хэхыень Ёшияа хаан өөрынгөө адуу малһаа гуша мянган хони хурьга, эшэгэ, гурба мянган эбэртэ бодо мал үргэн үгэбэ.

Тоололго 9:2

– Паасха тэмдэглэхэ үдэр гаргагты гэжэ израильшуудта хэлэ. Болзор сагыень гаргаһан үдэр тэдэнэр паасхын һайндэрые тэмдэглэдэг байг.

Матвей 26:17

Эһээгдээгүй хилээмэнэй һайндэрэй түрүүшын үдэртэ шабинарынь Иисүүстэ ерээд: – Паасхын хоол Танда хаана бэлдэхыемнай Та хүсэхэ байнабта? – гэжэ һураба.

Матвей 26:2

– Хоёр хоноод, Паасхын һайндэр болохо гэжэ мэдэнэт, тиихэдэ Хүн түрэлтэнэй Хүбүүниие хэрээһэндэ хадажа саазалха, – гэжэ хэлэбэ.

Марк 14:12

Эһээгдээгүй хилээмэнэй һайндэрэй түрүүшын үдэр болобо. Тэрэ үдэр Паасхын хурьга гаргаад байхада, шабинарынь Иисүүсһээ: – Паасхын хоол хаана бэлдэхэбибди? – гэжэ һураба.

Лука 22:15

Иисүүс шабинартаа хэлэбэ: – Ехэ зоболондо орохынгоо урда тээ Паасхын энэ хоол таанартаяа барихые Би тон ехээр хүсэһэн байнаб.

Лука 22:8

– Ошожо, хамта эдихэ Паасхын хоол бэлдэгты, – гэһэн даабаритайгаар Иисүүс Пётр Иоанн хоёр шабияа эльгээбэ.

Коринфынхидтэ 1-дэхи 5:7

Таанад шэнэ эдьхүүр байхын тула хуушан нүгэлтэ эһээбэриһээ өөһэдыгөө арилгагты. Тиигэбэшье таанад эһээбэригүй арюунта, юундэб гэбэл, манай Паасхын хурьган болохо Христоос тахил болгон үргэгдөө юм.

Хуули дабталга 12:11

Эзэн Бурханайтнай нэрэеэ нэрлүүлхэ газар шэлэн заахадань, тиишэнь минии хэлэһэн бүхы юумэ асарагты: түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөрынгөө хубиин үргэл, Эзэндэ үргэһэн шахаа тангаригаартнай хараалагдаһан эрхим үргэл.

Хуули дабталга 12:14

Харин танай али нэгэн обогуудай эзэлдэг дайдын нэгэ газар Эзэнэй заахада, тэндэ түгэс шатаалта үргэл хэгты, мүн минии хэлэһэн юумые бултыень дүүргэгты.

Хуули дабталга 12:18

Эдэ бүгэдые Эзэн Бурханайнгаа урда, Тэрэнэй шэлэһэн газарта эдеэрэйт. Таанад хүбүүд, басагадтаяа, бүхы зарасанартаяа, хото соотнай байдаг левидүүдтэй хамта эдэниие эдижэ, Эзэн Бурханайнгаа урда хүхилдэн, хэһэн ажалаараа сэдьхэлээ ханан байгты.

Хуули дабталга 12:26

Нангин зүйлөө, шахаа тангаригаар хараалагдаһан үргэлөө хэхэ гэбэл, Эзэнэйнгээ шэлэһэн газарта ошоорой.

Хуули дабталга 12:5

Эзэн Бурхантнай бүхы обогуудайтнай газар дайдада Өөрынгөө һуури шэлэн тодорхойлжо, тэндэ Өөрынгөө нэрэ баталха. Мүргэхэеэ таанад гансал тиишээ ерэхэ ёһотойт.

Хуули дабталга 15:20

Эзэн Бурханайнгаа урда, нангин үргөөдэ жэл бүри гэр бүлөөрөө тэрэниие эдеэрэй.

Хуули дабталга 16:1

Авиив гэһэн һарада Паасха гэһэн һайндэр һайндэрлэжэ, Эзэн Бурханаа хүндэлэгты. Юуб гэхэдэ, авиив һарада һүниндөө Тэрэ таанадые Египедһээ гаргаа бэлэйл.

Хуули дабталга 16:3

Эһээһэн талхаар бариһан хилээмэ Паасхын үргэлтэй хамта бү эдигты. Долоон үдэр эһээбэригүй талхаар болгоһон хилээмэ Паасхын үргэлтэй хамта эдеэрэйгты, Египедэй газар дайдаһаа яаралтайгаар гаран ошоходоо иимэ хилээмэ эдеэ бэлэйлта. Эдигты энэ гай зоболонгой хилээмэ, Египедһээ гараһан тэрэ үдэрые амиды мэндэ байһан сагтаа һанан байгаарайт.