Хуули дабталга 15:7 - Библи

⁷ Эзэн Бурханайшни үгэжэ байһан газарта ажаһууха үедэш нэгэ хотодо шинии арад зонһоо хэн нэгэн үгыржэ болохо. Хатуу, шэрүүн сэдьхэлтэй бү бай, үгытэй угсаатандаа туһалхаяа бү арса.

Хуули дабталга 15:7 Referencias Cruzadas

Нэхэмьяа 5:1

Зоной нэгэ хэдынь, мүн тэдэнэй һамгад өөһэдынгөө яһатан иудейнүүдтэ ехээр гомдожо гэмэрэлдэбэд.

Эстээр 9:19

Тэрэ үеһөө хойшо хүдөөгэй иудейнүүд адаар һарын арбан дүрбэниие баяр нааданай, һайндэрэй үдэр болгожо, найр наада эмхидхэжэ, бэе бэедээ бэлэг баридаг заншалтай болоо һэн.

Эстээр 9:22

Ушар гэбэл, иудейнүүд тэдэ үдэрнүүдтэ дайсанай гарһаа мултаржа, уйдхар гашуудалынь баяр наадан боложо, гашуудалайнь үдэр баярай үдэр болон хубилаа бшуу. Тиимэһээ Мордохайн эльгээгшэ захяагай ёһоор иудей зон тэрэ үдэрые баярай үдэр болгон тэмдэглэжэ, найр наада дэлгэн, бэе бэеэ амтан эдеэгээр хүндэлжэ, ядаруу зондо бэлэг баридаг болонхой.

Египедһээ гаралга 22:25

Би уурлажа, һэлмэ жадаар таанадые хадхажа алахаб! Танай һамгад эрэгүй, хүүгэдтнай үншэд болохол.

Һургаал 19:17

Үгытэй хүндэ харамнангүй үгэхэнь Эзэндэ зээлеэр үгэһэнтэй адли. Тэрэ хүнэй һайн үйлын түлөө Эзэн бусаажа түлэнэ.

Һургаал 21:13

Ядуу хүнэй хашхархада дуулаагүй хүн нэгэ сагта өөрөө хашхархадаа, харюу дуулахагүй.

Исай 58:10

үлэсхэлэн хооһон хүндэ эдеэ хоол үгэжэ, хэрэгтэй юумээрнь зониие хангахадатнай, хажуугаартнай байгша харанхы үдын тэнгэй һаруул гэрэл мэтэ болон хубилхал.

Левит 25:35

Хэрбээ аха дүүнэршни үгырөөд, шамда ерээ һаань, туһа хүргэ, ондоо тээһээ ерэһэншье байг, хүдөө ажаһуудагшье байг, шамтай сугтаа байг.

Матвей 18:30

Теэд түрүүшын зараса хүлеэхэеэ арсаба. Тэрээнһээ гадна, үриеэ түлэтэрынь нүхэрөө түрмэдэ һуулгаба.

Матвей 5:42

Шамһаа юумэ эриһэн хүндэ үгэ, шамһаа юумэ урьһаар абаха гээ һаань, буруу бү хараарай.

Хуули дабталга 15:11

Газар дэлхэй дээрэ үгытэй нэгэ тэды израильшууд хододоо байха. Тиимэһээ үгытэй угсаатандаа туһалхые, өөрынгөө орон нютагай гуйраншанда туһалжа байхые би шамда захирнаб.

Хуули дабталга 15:9

«Долоодохи жэл, үри шэри хүлисэхэ жэл, ойртоо» гэһэн муу һанаан толгойдош орожо, үгытэй угсаатандаа шэрүүнээр хандан, тэрээндэ туһалхаяа арсахаһаа болгоомжоло. Юуб гэхэдэ, тэрэ Эзэндэ шам тухай гомдол бариха, тиихэдэнь ши зэмэтэй болохош.

Хуули дабталга 24:14

Нэгэ яһанай гү, али танай газар дайдада, танай хото соо ажаһуудаг ерүүл хүншье һаань, хүлһэншэниие, үгытэй, мүн угаа ядуу байдалтай хэн нэгэниие бү харшала.