Хуули дабталга 14:1 - Библи

¹ Таанад Эзэн Бурханайнгаа арад зон болонот. Хэн нэгэнэй наһа барахада, гашуудалай тэмдэг харуулан, өөһэдыгөө хадхажа, отолжо бү байгты, магнай дээрэхи үһэеэ бү хюһагты.

Хуули дабталга 14:1 Referencias Cruzadas

Эхин 6:2

хүн түрэлтэнэй басагадай сэбэр һайханиие Огторгойн хүбүүд анхаржа, дуратай басагадые шэлэн, һамга абадаг болобо.

Эхин 6:4

Бурханай хүбүүдэй хүн түрэлтэнэй басагадтай ханилхада, тэдэнь түрэжэ, түрэһэн хүүгэдынь абарга мантан бэетэйнүүд байгаа. Тэдэ эртэ урдын нэрэ солотой баатарнууд болоно.

3 Хаан түрэнүүд 18:28

Тэдэ шангаар хашхаралдан зальбаржа эхилбэ. Гуримайнгаа ёһоор, өөһэдыгөө һэлмэ, хутагаар хадхахадань, шуһан бэе дээгүүрнь урдан байгаа һэн.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Ерэмияа 16:6

Баян бардамшье, үгытэй ядуу зоншье энэ орон нютагта наһа бараха. Тэдэ хүдөөлүүлэгдэхэгүй, хойноһоонь хэншье уйлан гашуудахагүй. Уйдан зобожо байһанаа гэршэлжэ хэншье бэеэ отолжо, толгойн үһэеэ хюһажа байхагүй.

Ерэмияа 3:19

Эзэн иигэжэ айладхана: Би, Эзэн, Өөрынгөө үхибүүдтэ мэтээр таанадта хандахаяа һанаа һэм. Бусад арадуудта орходоо үлүү һайхан, үзэсхэлэн гоё газар нютаг таанадта үгэхэеэ һанаа һэм. Таанад Намайе Эсэгэ гэжэ нэрлэжэ, хододоо хойноһоомни дахажа ябахат гэжэ һанаа бэлэйб.

Ерэмияа 31:9

Тэдэ уйлалдан ошоо һэн, Би хадаа тэдэниие аргадан, сэдьхэлыень заһан бусаахаб. Би тэдэниие урасхал уһан руу бүдэрхэгүй тэгшэхэн замаар хүтэлэн асархаб. Юуб гэбэл, Би Израильда Эсэгэнь болонхойб, Эпрааим болбол Минии ууган хүбүүн юм.

Ерэмияа 41:5

һахалаа хюһуулһан, хубсаһаа таһалһан, бэеэ адааһан наян хүн Шэхээм, Шилоо болон Самариһаа ерэбэ. Тэдэ нангин үргөөдэ үргэхэ эдеэ, уталгануудые баряад ерээ бэлэй.

Ерэмияа 47:5

Гааза гэгшэдэ ехэ гай гашуудал буужа ерээ, Ашхэлооной зон һалаба, Пилишт орон нютагай бусад зон хэр удаан гашуудан байхаб?

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Левит 21:5

Тэдэ толгойнгоо үһэ бү хюһаг, һахалаа бү хиргаг, бэеэ бү хадхаг.

Иоанн 1:12

Теэд Гэрэл туяае угтан абагшадта, Тэрээнэй алдар нэрэдэ этигэгшэдтэ Бурханай үхибүүд болохо эрхэ Тэрэ үршөөгөө.

Иоанн 11:52

Гансашье еврей зоной түлөө бэшэ, харин дэлхэй дээгүүр эндэ тэндэ бутаран тарашаһан Бурханай бүхы үхибүүдые суглуулан нэгэдхэхын түлөө үхэхэ.

Римэйхиндэ 8:16

Бурханай Һүлдэ манай һүнэһэ һүлдэтэй ниилэн, маанадые Бурханай үхибүүд гэжэ батална.

Римэйхиндэ 9:26

«Таанад Минии арад бэшэт гэжэ хэлэгдэһэн эгээл тэрэ һууринда тэдэнэр Амиды Бурханай үхибүүд гэжэ нэрлүүлхэ».

Римэйхиндэ 9:4

Тэдэ израильшууд Бурханай шэлэжэ абаһан хүнүүд юм. Бурхан тэдэндэ алдараа харуулаа, тэдэнтэй хэлсээ баталаа, тэдэндэ Хуули, тиигээд шүтэлгын Һүмэ ба найдуулгаа үгөө.

Римэйхиндэ 9:8

Ондоогоор хэлэбэл, юрын аргаар түрэһэн үхибүүд Бурханай үхибүүд бэшэ. Бурханай найдуулһанай ёһоор лэ түрэһэн үхибүүд бодото үри һадаһад гэжэ тоологдодог.

Коринфынхидтэ 2-дохи 6:18

Би танай Эсэгэтнай болохоб, таанад Минии хүбүүд басагад болохот гэжэ түгэс хүсэтэй Эзэн хэлэнэ».

Галадуудта 3:26

Мүнөө таанад булта Иисүүс Христоосто һүзэглэһэн этигэлээрээ Бурханай үхибүүд гээшэт.

Хуули дабталга 13:18

Эзэн Бурханайнгаа үгыень дуулажа, минии мүнөө дамжуулжа байһан Тэрэнэй захяа заабаринуудые сахин, Эзэн Бурхандатнай таатай, һайн юумэ хэжэ байбалтнай, эдэ бүгэдэ гүйсэд бүтэхэ.

Хуули дабталга 32:6

Эзэндээ юундэ иигэжэ ханданабта, тэнэг, ухаагүй арад? Тэрэ – танай Эсэгэ, таанадые байгуулаа, үндэһэ яһатан болгоо.

Фессалоникиинхидтэ 1-дэхи 4:13

Аха дүүнэрни, этигэл найдабаригүй байһан хүнүүдтэй адли гашуудахагүйнтнай тула наһа бараһан хүнүүд тухай үнэнииень мэдэжэ байхыетнай бидэ хүсэнэбди.

Еврейнүүдтэ 2:10

Бурхан бүхы юумэ бүтээгөө, бүхы юумэн Тэрэнэй тула оршодог. Тэрэ олон үхибүүдые алдар солодоо хүртөөхэ һанаатай байгаа. Тиимэһээ хүнүүдые абаралгада Хүтэлэгшэ Иисүүсые Бурхан зоболон дабуулаад, эрхим түгэс болгоо.

Иоаннай 1-дэхи хандалга 3:10

Бурханай үхибүүд шолмосой үхибүүд хоёр хоорондоо иимэ илгаатай: үнэн зүб юумэ хэдэггүй хүнүүд, өөрынгөө ахада дурагүй хүнүүд адли – Бурханай бэшэ юм.

Иоаннай 1-дэхи хандалга 5:2

Бурханай үхибүүдтэ дуратай байһанаа иигэжэ мэдэнэбди: Бурханда дуратай һаа, Тэрэнэй захяа заабарииень сахинабди.