Хуули дабталга 13:6 - Библи

⁶ Шамда дүтэ хэн нэгэн – аха, дүүшни, хүбүүншни гү, али басаганшни, дуратай һамганшни гү, али анда нүхэршни шинии, мүн үбгэ эсэгэнэрэйшни мэдэхэ танихагүй ондоо бурхадта мүргэдэг болохыеш һэмээхэнээр үгэдөө оруулха һанаатай, «ошожо, ондоо бурхадта зальбардаг болоё» гээд хэлээ һаань,

Хуули дабталга 13:6 Referencias Cruzadas

Эхин 16:5

– Ши минии доромжолуулһанда гэмтэйш, – гэжэ Сара Абрамда хэлэбэ. – Би шамда өөрынгөө шэбэгшэ эхэнэрые үгөө һэм, харин тэрэш хээлитэй болоходоо, намда дээрэлхэнэ. Тиибэл, Эзэн маанадай дунда хэнэй зэмэтэй байһые шиидхэг лэ!

2 Хаан түрэнүүд 1:26

Ёнатаан, ахамни! Тан тушаа зобон шаналжа байнаб. Та намда угаа хайратай байгаат. Танай хайра дуран намда хэды гайхалтай һайхан, бүһэгүй хүнэй дуранһаа үлүү дээрэ бэлэйл.

3 Хаан түрэнүүд 18:40

Элияа тэдээндэ захирба: – Баалай лүндэншэдые баригты! Хэншье тэрьедэхэ ёһогүй! Тэдэниие барихадань, Элияа Кишоон горхоной хажууда абаашаад, тэдэниие алаба.

4 Хаан түрэнүүд 11:18

Тиигээд арад зон Баалай һүмэдэ ошожо һандаргаагаад, үргэлэй шэрээнүүдые, бурхадай һүрэгүүдые үй бута сохёод, Баалай санаарта Маттааниие үргэлэй шэрээнүүдэй урда алаба. Ёядаа харуулшадые Эзэнэй һүмын дэргэдэ орхибо.

2 Угай бэшэг 15:13

Израилиин Эзэн Бурханиие хүндэлэн шүтэдэггүй хүн бүхэн – бага, ехэшье, эрэ, эмэшье, бултадаа, хосорхо зэргэтэй.

2 Угай бэшэг 23:17

Тиигээд тэдэ бултадаа Баалай һүмэдэ ошожо һандаргаад, үргэлэй шэрээнүүдые, бурхадай һүрэгүүдые үй бута сохёод, Баалай санаарта Маттааниие үргэлэй шэрээнүүдэй урда алаба.

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 32:27

Моисей тэдээндэ захиралта үгэбэ: – Израилиин Эзэн Бурхан зарлиг болобо: һэлмэеэ барижа, хүреэ соогуур, хаалтаһаа хаалта хүрэтэр һэтэ гарагты! Аха дүүшье байг, анда нүхэршье байг, хаяа хадхадаг хүршэшье байг, хамаагүй, сабшажа алагты!

Һургаал 18:24

Дан олон нүхэд һүйдхэлдэ асаржа магад. Зарим ушарта анда нүхэр аха дүүһээ үлүү байдаг.

Һургаал 5:20

Яахадаа ондоо хүнэй эхэнэртэй бэеын жаргал эдлэжэ, хүнэй һамганай бэе тэбэрихэ болообши, хүбүүмни?

Ерэмияа 28:15

Энээниие би лүндэншэн Ханаанияада дуулгажа, үшөө: – Ханаанияа, шагна! Эзэн шамайе эльгээгээгүй. Зониие худал юумэндэ этигүүлжэ байнаш!

Ерэмияа 28:16

Тиимэ ушарһаа Эзэн шамайе газарай хүрьһэн дээрэһээ үгы хэхэ. Энэл жэлдээ ши үхэхэш, юундэб гэбэл, Эзэнэй урдаһаа эсэргүүсээш. Эзэн Өөрөө энээн тухай айладхал буулгаа! – гэжэ хэлэбэб.

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Захарияа 13:3

Хэрбээ хэн нэгэн худал үзэл үзүүлбэл, тэрэ хэһээгдэхэ. Түрэһэн эхэ эсэгэньшье «Эзэнэй нэрээр худалаар хэлэнэш, ушар тиимэһээ ши үхэхэ ёһотойш» гэхэ.

Коринфынхидтэ 2-дохи 5:16

Тиимэһээ бидэ энэ сагһаа эхилээд, хэнииешье энэ дэлхэйн заргаар бү шиидхэе. Нэгэтэ бидэ Христоосые энэ дэлхэйн заргаар шиидхэһэн байгаабди, мүнөө тиигэхэеэ болёобди.

Галадуудта 2:4

Гансал худал хуурмаг һүзэгтэн энээн тухай шаардаа. Иисүүс Христоосой бидэндэ үгэһэн эрхэ сүлөө тухай тэдэнэр мэдэжэ, бидэниие дахин дарлаха һанаатайгаар тагнуулшад мэтэ мэхэ гохо гарган, бидэнэй дунда нюусаар шурган ороо бэлэй.

Эфесэйхиндэ 4:14

Тиин бидэ уһанай долгиндо, али һалхинай һэршэгэнэлгэдэ абтаһан юумэндэл ямаршье һургаалда абтан хэлбэлзэдэг, хүнэй мэхэ гоходо орожо, ехэ шадамараар мэхэлүүлдэг балшар хүүгэд байхаяа болиёл.

Хуули дабталга 11:32

минии мүнөөдэр дамжуулан хэлэжэ байгааша бүхы хуули, ёһо гуримуудые сахин дүүргэгты.

Хуули дабталга 13:2

тэдэ тэмдэгүүдэйнь нээрээ бэелүүлэгдэшоо гээшэ һаань, танихагүй ондоо бурхадта шүтэдэг болохыетнай тэрэ таанадта идхан хэлэжэ магад.

Хуули дабталга 13:7

танай хажууда, мүн холошье ажаһуудаг, дэлхэйе нэгэ захаһаа нүгөө заха хүрэтэр дүүргэдэг арадуудай бурхадта мүргэдэг болохыешни аргадажа эхилээ һаань,

Хуули дабталга 17:12

Эзэн Бурханайтнай албатан болохо санаартанай гү, али шүүбэрилэгшын үгэнүүдые дуулангүй һөөргэдэһэн хүн үхэхэ ёһотой. Иигэжэ муу юумэн Израиль сооһоо үгы хэгдэхэ жэшээтэй.

Хуули дабталга 18:20

Минии айладаагүй юумэ Минии нэрэһээ лүндэншын ярибал, мүн ондоо бурхадай нэрэһээ хэлэбэл, иимэ лүндэншэ үхэхэ ёһотой».

Хуули дабталга 19:19

тэрэ хэһээлтэ амасаха ёһотой. Нүгөөдэ хүндэ тэрэ юу хэхэеэ байгааб, тон тиимэ юумэ өөртэнь хэгты. Иигэжэ өөһэдынгөө дундаһаа муу юумэ сараха болонот.

Хуули дабталга 21:21

Тиихэдэнь хотын бүхы ажаһуугшад тэрэ хүбүүе шулуудажа алаг. Иигэжэ өөһэдһөө муу муухай юумэ зайсуулхат. Израилиин бүхы улад зон энээн тушаа дуулажа, айхал.

Хуули дабталга 22:21

тэрэ басагые эсэгынь гэрэй үүдэнүүдтэ аха захатан асаржа, хотын зон тэрэниие үхэтэрынь шулуудаг. Юуб гэхэдэ, тэрэ Израиль соо эшхэбтэр муухай юумэ хээ, эсэгынгээ гэртэ байхадаа забхай, янхан ябадал гаргаа. Өөһэдынгөө арадай дундаһаа муу юумэ иигэжэ үгы хэгты.

Хуули дабталга 24:7

Ямар нэгэн хүнэй өөрынгөө Израилиин арад түмэнһөө хэнииешьеб хулгайлжа, богоол болгон худалдаа гээшэ һаань, тэрэниие алаха хэрэгтэй. Иигэжэ өөһэдынгөө дундаһаа муу юумэ сарагты.

Хуули дабталга 28:54

Таанадай дунда эгээл зөөлэн, һайн сэдьхэлтэйшье эрэ хүн бүһэлэгдэһэн хото соо эдихэ юумэгүй болоходоо, үхи хүүгэдээ эдижэ эхилхэ. Аха дүүдээшье, дуратай һамгандаашье, амиды мэндэ байһан үхибүүндээшье тэрэ мяханһаа хубаалдахагүй.

Хуули дабталга 29:18

Эзэн Бурханаа орхиһон эрэ хүн гү, али эхэнэр, гэр бүлэ гү, али обог аймаг таанадай дунда бү үзэгдэг. Ондоо арадуудай бурхадта һүгэдэхэеэ хэншье бү ошог, юуб гэхэдэ, иимэ зон хоротой, гашуун ургамалай үндэһэндэл адли болоно бшуу.

Хуули дабталга 8:14

дээрэлхүү зан үзүүлхэеэ тэбшэгты, Египедэй газар оронһоо, богоол байдалһаатнай гаргаһан Эзэн Бурханаа бү мартагты.

Колоссынхидтэ 2:4

Хэдышье һайн гэжэ һанагдаһан хуурмаг үгэнүүдээр таанадые хэнэйшье хорхойтуулхагүйн, һамааруулхагүйн тула эдэ бүгэдые хэлэжэ байнаб.

Нүүнэй Иисүүс 7:13

Бодо, арад зоноо арюудхаад, тэдээндэ хэлэ: – Үглөөгүүр болотор нүгэлөө арюудхагты. Юундэб гэхэдэ, Эзэн, Израилиин Бурхан: «Израиль, хараалта юумэн дундашни байна; тиимэһээ хараалтые бэеһээ холодхоогүй сагтаа дайсадайнгаа урда тэсэхэгүйш», – гэнэ гэ.

Пётрой 2-дохи хандалга 2:1

Урдань израильшуудай дунда хуурмаг лүндэншэдэй элирдэгтэл адляар таанадай дунда хуурмаг һургагшад байха. Тэдэнэр зүб замһаа хадууруулдаг хуурмаг һургаалнуудые нюусаар асарха, тэдэниие эрхэ сүлөөтэй болгоһон Эзэнһээ арсаха, тиигэжэ тэдэнэр өөһэдтөө түргэн хосорол олохо.

Гэршэлгэ 12:9

Юртэмсэ дэлхэйн бүхы зониие мэхэлжэ хууража байһан шолмос, сатана гэжэ нэрэтэй ехэ үнинэй Могой бологшо луу тэнгэриһээ газарта шэдүүлһэн, тэрээнтэйгээ хамта эльгээмэлнүүдыньшье шэдүүлһэн юм.

Гэршэлгэ 13:14

Тиин энэнь нэгэдэхи арьяатанай нэрээр гайхамшаг ехэ дүлгэ тэмдэгүүдые харуулжа, газар дэлхэйн зониие мэхэлнэ. Һэлмээр сабшуулаад амидырһан арьяатанай нэрэ хүндэдэ тэрэнэй хүрэг дүрсэ хэгты гэжэ газар дэлхэйн зондо хоёрдохи арьяатан захиралта үгэбэ.

Гэршэлгэ 20:3

Тэрэ лууе Эльгээмэл оёоргүй гүнзэгы нүхэ руу шэдэжэ хаагаад, нүхыень тамгалжархиба. Мянган жэлэй дууһатар тэрэ луу арадуудые саашадаа мэхэлхэ аргагүй болоо. Тэрэ болзоройнь үнгэрхэдэ, луу ойро зуурахана сүлөөлэгдэхэ.

Ударидагшад 10:6

Израильшууд Эзэндэ дахин муу юумэ үйлэдэжэ, хуурмаг бурханууд Баалда, Аштаартуудта болон араамшуудай, сидоонуудай, моһаабуудай, аммоонуудай, пилиштүүдэй бурхануудта шүтэн мүргэжэ эхилбэ. Тиихэлээрээ тэдэнэр Эзэнээ орхижо, Тэрээндэ шүтэн мүргэхэеэ болибо.

Ударидагшад 2:13

Израильшууд Эзэнээ орхижо, Баалда болон Аштаартуудта шүтэн мүргэжэ эхилбэ.

Ударидагшад 20:13

Таанад хэрэгээ дүүрэһэн яндан бүхы эрэшүүлые Гибаа хотоһоо барижа, бидэндэ үгэгты. Бидэнэр тэдэниие алажа, хорото муухай ябадал Израильһаа зайсуулхамнай!» Теэд Бэньямиинэй обогой сэрэгшэд Израилиин сэрэгшэдэй, өөһэдынгөө аха дүүнэрэй үгыень дуулабагүй.

Ударидагшад 5:8

Хуурмаг бурхадта шүтэхэдэнь, хотын үүдэндэ дайн эхилээл. Халхабша болон жадатай хүн Израилиин дүшэ мянган сэрэгшэд соо олдоогүйл.

1 Хаан түрэнүүд 18:1

Давидай Саултай хөөрэлдэжэ дүүргэхэдэ, Ёнатаан тэрээнтэй танилсан нүхэсэбэ, тиигээд өөртөө мэтээр Давидта угаа ехээр хайра дуратай болобо.

1 Хаан түрэнүүд 18:3

Ёнатаан Давидта өөртөө мэтээр дурлаһан тула Давидтай хэлсээ баталба.

1 Хаан түрэнүүд 20:17

Ёнатаан Давидта дуратай байһан тула тэрэниие дахин тангариглуулба. Юуб гэхэдэ, тэрэ өөртөө мэтэ Давидта угаа дуратай байгаа.