Хуули дабталга 13:10 - Библи

¹⁰ Шулуу шэдэн тэрэниие алаарай! Юуб гэхэдэ, Египедэй газар дайдаһаа гаргаһан, богоол байдалһаашни мултаруулһан Эзэн Бурханһаашни шамайе холодуулхые тэрэ һэдээ бшуу.

Хуули дабталга 13:10 Referencias Cruzadas

4 Хаан түрэнүүд 11:18

Тиигээд арад зон Баалай һүмэдэ ошожо һандаргаагаад, үргэлэй шэрээнүүдые, бурхадай һүрэгүүдые үй бута сохёод, Баалай санаарта Маттааниие үргэлэй шэрээнүүдэй урда алаба. Ёядаа харуулшадые Эзэнэй һүмын дэргэдэ орхибо.

2 Угай бэшэг 24:21

Зон Захарияагай урдаһаа эсэргүүсэн нэгэдэжэ, Ёһааш хаан тэдээнтэй хамтарба. Хаанай зарлигай ёһоор, Эзэнэй Һүмын хашаа соо Захарияае зон шулуугаар шэдэн алаа һэн.

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Египедһээ гаралга 32:27

Моисей тэдээндэ захиралта үгэбэ: – Израилиин Эзэн Бурхан зарлиг болобо: һэлмэеэ барижа, хүреэ соогуур, хаалтаһаа хаалта хүрэтэр һэтэ гарагты! Аха дүүшье байг, анда нүхэршье байг, хаяа хадхадаг хүршэшье байг, хамаагүй, сабшажа алагты!

Левит 20:2

– Израильшуудта хэлэ: Израильшуудай дундаһаа, тэдэнэй дунда байдаг ерүүл зоной дундаһаа хэн нэгэн өөрынгөө хүүгэдые Моолохто үгөө һаа, алуулагдаха. Арад зон тэрэниие шулуугаар шэдэжэ алаха.

Левит 20:27

Үхэһэн хүниие дуудажа, зүбшэжэ байһан, эльбэ жэльбэ хэрэглэһэн эхэнэр, эрэшье хүниие шулуугаар сохижо алаха хэрэгтэй. Өөһэдөө тэдэ зэмэтэй.

Левит 24:23

Тиигэжэ Моисей израильшуудта хэлээд, тэрэ хэрүүл хараал хэһэн хүниие зон отог буусаһаа гаргаад, шулуудажа алаба. Иигэжэ израильшууд Эзэнэй Моисейдэ үгүүлһэн захиралтаар үйлэдэбэ ха.

Хуули дабталга 13:5

Эзэн Бурханайтнай захиһан замһаа таанадые хадууруулхаяа һанажа уряалһан, Египедэй газар дайдаһаа гаргаһан, богоол байдалһаатнай мултаруулһан Эзэн Бурхандаа урбахыетнай тухирдаг тэрэ лүндэншые гү, али зүүдэндээ юумэ харадаг хүниие хороохо хэрэгтэй. Өөһэдһөө муу юумэ зайсуулха ёһотойт.

Хуули дабталга 17:5

иимэ муу юумэ хэһэн тэрэ эрэ хүниие гү, али тэрэ эхэнэрые хотын бартаануудай хажууда абаашажа, шулуудажа алагты.

Хуули дабталга 17:7

Тэрэниие алахын тула эгээн түрүүн гэршэ зон шулуу шэдэжэ эхилхэ ёһотой. Удаань бусад зон шулуу шэдэхэ, иигэжэ өөһэдынгөө дундаһаа муу юумэ арилгагты.

Хуули дабталга 21:21

Тиихэдэнь хотын бүхы ажаһуугшад тэрэ хүбүүе шулуудажа алаг. Иигэжэ өөһэдһөө муу муухай юумэ зайсуулхат. Израилиин бүхы улад зон энээн тушаа дуулажа, айхал.

Хуули дабталга 4:19

Юундэ хэрэгтэйб гэхэдэ, нара, һара, мүшэдые, юрэдөө, тэнгэриин һүрөөтэ үзэсхэлэн обёоржо, таанадай тэрээндэ татагдан, доро унан һүгэдэхэгүйн, тэдээндэ мүргэхэгүйн тула. Юуб гэхэдэ, Эзэн Бурхантнай тэдэниие хамаг огторгой доро ажаһуудаг бүхы арадуудта үршөөһэн ха юм даа.

Нүүнэй Иисүүс 7:25

Иисүүс иигэжэ хэлээ: – Манда гай тодхор асарһанайш түлөө Эзэн энэ үдэр шамда тодхор ушаруулна. Израильшууд тэрээниие шулуугаар шэдээд, бултыень шулуудажа шатаагаад, шулуу хаяжа булаа.