Хуули дабталга 12:7 - Библи

⁷ Тэндэ Эзэн Бурханайнгаа урда гэр хотоноороо эдеэ хоол баригты. Ямар ажал хэһэнээ, ямар үрэ дүн туйлаһанаа баяртайгаар мэдээсэн, Эзэн Бурхантнай таанадта эдэ бүгэдые үршөөгөө гээд һанан дурсан байхат.

Хуули дабталга 12:7 Referencias Cruzadas

1 Угай бэшэг 29:22

Тэрэ үдэр Эзэнэй урда урма баяртайгаар эдеэлбэ, ундалбад; үглөөдэрынь Давидай хүбүүн Соломоониие хан шэрээдэ залан һуулгабад, Эзэнэй урда тэрэниие зонхилогшоор томилон тоһоор түрхибэ, ахамад санаартанаар Цадоогые һунгабад.

Нэхэмьяа 8:9

Арад зондо заабарилагшад Нэхэмьяа – засаглагша, санаартан ба Хуули заадаг багша Эзраа, мүн левидүүд бүхы зондоо иигэжэ хэлэбэд: – Энэ үдэр болбол манай Эзэн Бурханай үдэр. Бү гашуудагты, бү орилогты! (Хуулиин үгэнүүдые шагнажа байхадаа бултадаа бархиралдажа байгаа.)

Экклезиаст 3:12

Хүнэй хубида һайниие үйлэдэхэ ба баярлан бахаа ханахаһаа үлүү юумэн үгы гэжэ мэдээб.

Экклезиаст 3:13

Хүн уугаад эдеэд, ажал хүдэлмэридөө сэдьхэлээ баярлуулаад байгаа һаа, энэнь Бурханай үгэһэн юумэн гээшэ.

Экклезиаст 5:18

Бурханһаа эд хогшол ба зөөри баялиг абаһан хүн бүхэндэ тэрэнээ эдлэхэ, хэрэглэхэ эрхэ олгожо, мүн өөрын ажалһаа баярлаха хуби хүртөөхэ гээшэ Бурханай бэлэг болоно.

Исай 23:18

Худалдаа наймаагаар олоһон олзонь Эзэнэй болохо. Тиир хото тэрэ олзоёо нөөсэлжэ-хадагалжа байхагүй. Эзэндэ һүгэдэн зальбардаг зон тэрэ мүнгөөрнь һайн хоол, һайхан хубсаһа өөһэдтөө худалдан абадаг байхал.

Исай 62:9

Харин таанад, орооһо таряа тарин хуряагшад, өөһэдөө хилээмэеэ эдижэ, Намайе, Эзэниие, магтан байхат. Үзэмэй жэмэс суглуулагшад, таанад Минии нангин үргөөгэй хашаа дотор өөһэдөө үзэмэй дараһан архи уухат».

Эзэкээл 44:3

Израилиин зонхилогшо үргэлэй эдеэ хоолһоо ама хүртэхэеэ иишээ ерэхэ. Гэбэшье тэрээндэ эдэ үүдэнүүдэй дэргэдэхи оролгын таһалгал ашаглахань зүбшөөгдэнэ.

Ёһээл 1:16

Хараһаар байтарнай хоол хүнэһэн һалгагдажа, Бурханай Һүмэдэ баясхаланта үгэ хүүр замхаба.

Ёһээл 2:26

Таанар эдихэ юумээр элбэг, гэдэһэ садхалан боложо, гайхамшаг ашата үйлэ бүтээһэн Эзэнэй, танай Бурханай соло дуудан магтахат. Энээнһээ хойшо Минии арад эшэгүүритэ доромжодо орохогүй.

Левит 23:40

Түрүүшын үдэр һайхан модоной жэмэс суглуулагты, дал модоной набша, үдхэн набшаһатай модоной мүшэр, голой бургааһанай мүшэр суглуулагты. Тиигээд Эзэнэй, өөрын Бурханайнгаа урда долоон үдэр хүхилдэн сэнгэн байгты.

Малаахи 2:13

Таанар Эзэнэй үргэлэй шэрээ нулимсаар, уйлаан ёологоор бүтээдэг, тиимэһээ Тэрэ саашадаа үргэлыетнай харанашьегүй, танай гарһаа талархалтайгаар абахашьегүй байна.

Хэрэгүүд 2:46

Тэдэнэр үдэр бүри һанал нэгэдэн Һүмэдэ сугларжа, гэр бүхэндэ хамта хоол баридаг, баяр баясхалангаар дүүрэн, сэдьхэл тэнюун хоолоо барижа,

Хуули дабталга 12:12

Таанад үхи хүүгэдтэеэ хамта, зарасанартнай, хото һуурин соотнай байдаг левидүүд тэндэ ошожо, бултадаа Эзэн Бурханайнгаа урда хүхилдэгты. Левидүүд өөрын хуби газаргүй гээшые бү мартагты.

Хуули дабталга 12:18

Эдэ бүгэдые Эзэн Бурханайнгаа урда, Тэрэнэй шэлэһэн газарта эдеэрэйт. Таанад хүбүүд, басагадтаяа, бүхы зарасанартаяа, хото соотнай байдаг левидүүдтэй хамта эдэниие эдижэ, Эзэн Бурханайнгаа урда хүхилдэн, хэһэн ажалаараа сэдьхэлээ ханан байгты.

Хуули дабталга 12:8

Хүн бүхэндэ юун зүб шэнгеэр һанагданаб, тиимээр лэ бидэ Бурхандаа мүргэдэг байгаабди. Харин тэндэ таанад тиигэжэ байха ёһогүйт.

Хуули дабталга 14:23

Тиигээд Эзэн Бурханайнгаа нангин үргөөдэ ошожо, Тэрэнэй урда таряанайнгаа, үзэмэй дараһан архиингаа, оливын тоһоной арбанай нэгэ хубииень, мал һүрэгэйнгөө түрүүшын түл эдеэрэй. Иигэжэ ши Эзэн Бурханаа хододоо хүндэлжэ, түбэгшөөжэ һурахаш.

Хуули дабталга 14:26

Тиигээд тэрэ мүнгөөрөө һанаһан юумэеэ худалдан аба: үхэр, хони, үзэмэй дараһан архи, шара ундаа, һанаһан бүхы юумэеэ. Гэр бүлэтэеэ хамта тэндэ Эзэн Бурханайнгаа урда эдеэлэ, сэнгэ.

Хуули дабталга 15:20

Эзэн Бурханайнгаа урда, нангин үргөөдэ жэл бүри гэр бүлөөрөө тэрэниие эдеэрэй.

Хуули дабталга 26:11

Шамда, мүн гэр бүлэдэшни Эзэн Бурханайтнай үршөөһэн ашаг шэмээр бахаа ханан, баясан байгаарай. Левидүүдтэй, танай дунда ажаһуудаг ерүүл зонтой баяраа хубаалда.

Хуули дабталга 27:7

Амгалан байдалай түлөө үргэл үргэжэ, тэндээ эдеэлжэ, Эзэн Бурханайнгаа урда сэнгэжэ, хүхилдэжэ байгты.

Хуули дабталга 28:47

Бүхы юумэнэй танда элбэг дэлбэг байхада Эзэн Бурханаа баяртай хүхюутэйгөөр тахяагүй байһанайтнай түлөө

Филиппынхидтэ 4:4

Эзэнтэй нэгэдэһэндээ ходо баясажа байгты. Баясагты гэжэ би дахин хэлэнэб.