Хуули дабталга 12:2 - Библи

² Таанадта диилдэһэн тэдэ арадуудай үндэр уула, добо гүбээнүүд дээрэ, алибаа һаглагар модон доро өөһэдынгөө бурхадта мүргэдэг газарнуудыень бүримүһэн үгы хэгты.

Хуули дабталга 12:2 Referencias Cruzadas

3 Хаан түрэнүүд 14:23

Үндэр толгой бүхэнэй оройдо, һаглагар модон бүхэн доро тэдэ мүргэлэй обоонуудые, онгонуудые, Ашэраа бурханай хүрэгүүдые байгуулан бариба.

3 Хаан түрэнүүд 3:2

Эзэнэй Һүмын баригдаадүй байха үедэ арад зон мүргэлэй обоонууд дээрэ үргэл хэдэг байгаа.

4 Хаан түрэнүүд 11:18

Тиигээд арад зон Баалай һүмэдэ ошожо һандаргаагаад, үргэлэй шэрээнүүдые, бурхадай һүрэгүүдые үй бута сохёод, Баалай санаарта Маттааниие үргэлэй шэрээнүүдэй урда алаба. Ёядаа харуулшадые Эзэнэй һүмын дэргэдэ орхибо.

4 Хаан түрэнүүд 16:4

Тэрэ нютагай обоонууд дээрэ, гүбээнүүд дээрэ, ямар нэгэ набшаһата модон доро тахилай үхэр мал шатаадаг, уталгануудые ууюулдаг байба.

4 Хаан түрэнүүд 23:13

Хаан Иерусалимай зүүн тээһээ урагшаа Элеон хада хүрэтэр байһан мүргэлэй шүтөөнүүдые бузарлаба. Израилиин хаан Соломоон сидооной яндан – Аштаарта, моһаабай яндан – Хэмоошто болон аммооной яндан – Милхоомдо шүтөөнүүдые барюулһан байгаа.

Египедһээ гаралга 23:24

Харин таанад тэдэнэй бурхадта һүгэдэжэ бү байгты, заншалыень бү абагты. Бурхадыень үгы хэгты, шүтөөн болохо шулуунуудыень бута сохигты!

Исай 36:7

Али таанад Эзэн Бурхандаа найданабди гэжэ намда хэлэхэ гүт? Ямар Бурхандаа найданабта – Хэзэкияа хаанай мүргэлэй газарнуудыень, үргэлэй шэрээнүүдыень һандаргааһан Бурхандаа гү? Хэзэкияа Иудын болон Иерусалимай зондо гансал энэ газарта, Иерусалимда мүргэхэ, нэгэл шэрээ дээр үргэл хэхэ гээд заабарилаа һэн бэзэ.

Ерэмияа 17:2

Үхибүүдтээ һанаагаа табидагтал, тэдэ үргэлэй шэрээнүүд, Ашэраа бурханай хүрэгүүд, һаглагар модод, үндэр гүбээнүүд, намжаа талаар ербылдэгшэ хаданууд тухай һанаагаа табидаг. Тиимэһээ таанадай, Иудын хан түрын зоной, мүргэлэй обоонуудай түлөө, өөрынгөө бүхы орон нютагаар хэһэн нүгэлэйтнай түлөө танай эд баялигые болон бүхы эрдэни зэндэмэниие дайсадтатнай үгэхэб.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 3:13

Минии урдаһаа нүгэл үйлэдэжэ, зэмэтэй байһанаа, һаглагар модон бүхэн доро янхан эхэнэртэл забхайран, бусад арадуудай шүтөөнүүдтэ мүргэжэ, Минии үгэ дуулаагүй байһанаа гансал мэдэрыт. Энэ болбол Би, Эзэн, айладхана мүн!

Ерэмияа 3:2

Хадын нюсэгэн оройнууд руу харыш. Шинии һальхай ябадал гаргаагүй газар бии юм аал? Элһэн сүл губида амадажа байһан Арааб шэнги ши харгы замай хажуугаар янхан амарагуудаа хүлеэн һуужа, энэ газарые янхан ябадалаараа бузарлааш.

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Һошээ 4:13

Хада уулануудай болон гүбээнүүдэй орой дээгүүр тэдэ тахил үргэнэ, һүүдэртэ, һалбагар мүшэр, набшатай модод доро уталгануудые ууюулна. Иимэ жэшээ хараад, басагад болон бэреэдтнай янхан ябадал гаргана.

Тоололго 22:41

Үглөө үглөөгүүрынь Балаак Балаһаамые дахуулаад, Бамоот-Бааһалда асарба. Тэндэһээ Балаһаам израильшуудай хотон хүреэнэй багахан хубиие обёорон хараба.

Хуули дабталга 7:5

Тэдээндэ иимээр хандаха ёһотойт: үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты, һиилэмэл шүтөөнүүдынь гал дүлэндэ шатаагты!

Ударидагшад 2:2

Орондонь таанад тэрэ газар дээрэ ажаһуудаг хүнүүдтэй хэзээдэшье хэлсээ бү баталагты, тэдэнэй үргэлэй шэрээнүүдые һандаргагты. Гэбэшье таанад Минии үгэ дууланагүйт! Таанад юу хээ гээшэбта?