Хуули дабталга 12:12 - Библи

¹² Таанад үхи хүүгэдтэеэ хамта, зарасанартнай, хото һуурин соотнай байдаг левидүүд тэндэ ошожо, бултадаа Эзэн Бурханайнгаа урда хүхилдэгты. Левидүүд өөрын хуби газаргүй гээшые бү мартагты.

Хуули дабталга 12:12 Referencias Cruzadas

3 Хаан түрэнүүд 8:66

Нүгөөдэ үдэрынь Соломоон арад зониие гэртэнь табяа бэлэй. Тэдэ хаанда үреэл табяад, Давид богоолдоо болон Өөрын арад түмэн Израильда Эзэнэй һайн һайханиие хэһэндэ досоогоо баясан, гэр гэртээ тараа һэн.

2 Угай бэшэг 29:36

Иимэ түргөөр арад түмэнөө Эзэнэй анхаржа, баяр баясхалан зохёоһондонь Хэзэкияа болон бүхы зон баясан байгаа бэлэй.

Нэхэмьяа 8:9

Арад зондо заабарилагшад Нэхэмьяа – засаглагша, санаартан ба Хуули заадаг багша Эзраа, мүн левидүүд бүхы зондоо иигэжэ хэлэбэд: – Энэ үдэр болбол манай Эзэн Бурханай үдэр. Бү гашуудагты, бү орилогты! (Хуулиин үгэнүүдые шагнажа байхадаа бултадаа бархиралдажа байгаа.)

Псалманууд 147:1

Иерусалим, Эзэниие магта! Сион, Бурханаа магтан дуула!

Левит 23:40

Түрүүшын үдэр һайхан модоной жэмэс суглуулагты, дал модоной набша, үдхэн набшаһатай модоной мүшэр, голой бургааһанай мүшэр суглуулагты. Тиигээд Эзэнэй, өөрын Бурханайнгаа урда долоон үдэр хүхилдэн сэнгэн байгты.

Тоололго 18:20

Эзэн Аһароондо иигэжэ айладаба: – Ши ямаршье газар абахагүйш. Шамда хубиин зөөри байха ёһогүй. Израильшуудай дунда шинии хуби бол Би мүн. Би уг залгамжалан дамжуулагдаха шинии заяан гээшэб.

Тоололго 18:26

– Ши левидүүдтэй хөөрэлдөөд, тэдээндэ иигэжэ хэлэ: израильшууд арбанай нэгэ хубиие – таанадта үгэдэг байха гэжэ Минии тодорхойлһон хубиие – үгэдэг байха, тэрэ арбанай нэгэ хубиһаа үшөө арбанай нэгые амяарлажа, Намда, Эзэндэ, үргэгты.

Иоанн 13:8

– Минии хүл угаахатнай гү? Яабашье угаалгахагүйб! – Хэрбээ шамайе угаагаагүй һаамни, ши хойшодоо минии бэшэш.

Хэрэгүүд 8:21

Манай хэрэгтэ ши хубишье, эрхэшье үгыш, юундэб гэхэдэ, шинии зүрхэ сэдьхэлшни Бурханай урда сэбэр бэшэ.

Хуули дабталга 10:9

Бусад уг гарбалнуудта орходоо Левиин обогой зон өөрын хуби газаргүй. Юуб гэхэдэ, Эзэн Өөрөө тэдэнэй хуби болоно. Эзэн Бурхантнай тэдээндэ тиигэжэ айладаа бэлэйл.)

Хуули дабталга 12:18

Эдэ бүгэдые Эзэн Бурханайнгаа урда, Тэрэнэй шэлэһэн газарта эдеэрэйт. Таанад хүбүүд, басагадтаяа, бүхы зарасанартаяа, хото соотнай байдаг левидүүдтэй хамта эдэниие эдижэ, Эзэн Бурханайнгаа урда хүхилдэн, хэһэн ажалаараа сэдьхэлээ ханан байгты.

Хуули дабталга 12:19

Ойлгогты, өөрынгөө газар дайда дээрэ байгаа бүхы үе сагтаа левидүүдтэй бүхы юумээрээ хубаалдажа байгты.

Хуули дабталга 12:7

Тэндэ Эзэн Бурханайнгаа урда гэр хотоноороо эдеэ хоол баригты. Ямар ажал хэһэнээ, ямар үрэ дүн туйлаһанаа баяртайгаар мэдээсэн, Эзэн Бурхантнай таанадта эдэ бүгэдые үршөөгөө гээд һанан дурсан байхат.

Хуули дабталга 14:29

Тиихэдэш өөрын хубиин газаргүй левидүүд, ерүүл зон, шинии хотын үншэн хэнзэнүүд, бэлбэһэн эхэнэрнүүд ерэжэ, садатараа эдеэлжэ байг. Иигээд байгаа һаашни, Эзэн Бурханшни хэһэн хэрэг бүхэнииеш үреэхэл.

Хуули дабталга 16:11

Эзэнэй нангин үргөөдэ таанад үхи хүүгэдтэеэ, зарасанараараа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта Эзэн Бурханайнгаа урда хүхилдэгты.

Хуули дабталга 16:14

Таанад үхи хүүгэдээрээ, богоолнуудтаяа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта һайндэрэй үедэ хүхилдэгты.

Хуули дабталга 18:6

Израилиин ямар нэгэн хотодо ажаһуудаг левит Эзэнэй нангин үргөөдэ дураараа өөрөө ерэжэ,

Хуули дабталга 26:11

Шамда, мүн гэр бүлэдэшни Эзэн Бурханайтнай үршөөһэн ашаг шэмээр бахаа ханан, баясан байгаарай. Левидүүдтэй, танай дунда ажаһуудаг ерүүл зонтой баяраа хубаалда.

Хуули дабталга 26:12

Гурбадахи жэл бүри – ургасын арбанай нэгэ хубиие үргэхэ жэлдэ газарай эдеэ хоолой арбанай нэгэ хубиие амяарлажа, хотонуудтатнай ажаһуудаг левидүүдтэ, ерүүл зондо, үншэн хэнзэнүүдтэ, бэлбэһэн эхэнэрнүүдтэ үгөөрэй. Тиихэдэшни тэдэнэр эдижэ садажа байхал.

Хуули дабталга 27:7

Амгалан байдалай түлөө үргэл үргэжэ, тэндээ эдеэлжэ, Эзэн Бурханайнгаа урда сэнгэжэ, хүхилдэжэ байгты.

Нүүнэй Иисүүс 13:14

Гансал Левиин обогто хубитые үгөөгүй: Эзэнэй, Израилиин Бурханай үргэл тэрээнэй хубита болоно, тэрээндэ Эзэн тиижэ хэлээ.

Нүүнэй Иисүүс 13:33

Зүгөөр Левиин обогто Моисей хубаари үгөөгүй: Эзэн, Израилиин Бурхан Өөрөө тэдээнэй хубита болоно, Өөрөө Тэрэ тэдээндэ тиижэ хэлээ.

Нүүнэй Иисүүс 14:4

Юундэб гэхэдэ, Иосифой хүбүүдһээ Мэнашшээгэй, Эпрааимай хоёр обог гараа; тиимэһээ тэдэ левидүүдтэ газар дээрэ хубаари үгөөгүй, гансал һууха хотонуудые, малаа байлгаха, ондоо юумэ хэхэ ойрын газартайгаар үгөө.