Хуули дабталга 12:10 - Библи

¹⁰ Харин Иорданиие гаталаад, Эзэн Бурханайтнай эзэлхыетнай үгэжэ байһан газар дайдада түбхинэхэдөө, тойроод байһан дайсадһаатнай Тэрэнэй амаруулхада, амгалан тайбан, аюулгүй ажаһуужа эхилхэдээ,

Хуули дабталга 12:10 Referencias Cruzadas

3 Хаан түрэнүүд 4:25

Даанһаа Бэһээр-Шээбэ хүрэтэр нэмжыдэг газар дайдатай Иудын болон Израилиин зон Соломооной амиды байгаа сагта ажана амгалан, өөрын үзэмэй модоной һөөгүүд, инжир модод дороо ажаһуугаа.

3 Хаан түрэнүүд 8:56

– Эзэндэ магтаал үргэе! Найдуулһанайнгаа ёһоор Тэрэ Израилиин арад зондо амгалан тайбан байдал түхөөгөө. Үнэн зараса Моисейгээр дамжуулан айладхаһан бүхы һайн һайхан найдуулгань бэелүүлэгдээ.

1 Угай бэшэг 22:18

– Бүхы талаһаа амгалан байдал түхөөгшэ Эзэн Бурхан таанадтаяа бэшэ юм гү? Тэрэ газар дээрэ ажаһуугшадые минии гарта дамжуулан үгөө; Эзэнэй, Тэрэнэй арадта газар мэдэлдэнь ороол.

Псалманууд 4:8

Эдеэ хоолоор, жэмэсэй архяар баян зондошье байгаагүй баяр Та минии сэдьхэлдэ түхөөгөөт!

Египедһээ гаралга 33:14

– Би Өөрөө тантай ябажа, шамда туһалхаб, – гэжэ Эзэн айладаба.

Һургаал 1:33

Харин намайе шагнадаг хүн аюулгүй байжа, гай тодхорһоо айнгүй амгалан тайбан һууха».

Ерэмияа 23:6

Тэрэнэй зонхилхо сагта Иудын хан түрын улад зон абарагдаха, Израилиин зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Ерэмияа 32:37

Уур сухал дундаа тараан сасаһан орон нютагуудһаа Өөрын арад түмэниие Би суглуулха һанаатайб. Һөөргэнь энэ газар дайдада бусаажа, амар амгалан байлгахаб.

Ерэмияа 33:11

баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Эзэкээл 28:26

Тэдэ амар амгалан ажамидарха, гэр байрануудые бариха, үзэм модоной сэсэрлиг ургуулха. Израилиин арад зониие үзэн ядадаг хүршэ арадуудые Би шүүжэ, хэһээлтэ амасуулхаб. Тиихэдэм Израилиин Эзэн Бурхан байһыем бүгэдэ зон ойлгохо.

Эзэкээл 34:25

Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.

Эзэкээл 34:28

Хариин зон таанадые бэшэ тонохогүй, ан арьяатан өөрын хүнэһэн болгохогүй. Амгалан тайбан, аюулгүй тэнюун ажаһуухат.

Эзэкээл 38:11

Хашалан зоболонгүй, һанаа амар, хотоёо хэрэм ханаар халхалангүй, ямаршье суургагүй, үүдэ, ханагүй ажаһуужа байгааша орон нютагта добтолон орохоёо ши түсэблэхэш.

Эзэкээл 38:8

Хэдэн жэлэй үнгэрөөд байхада һандарһан Израилиин газар дайда руу добтолон орохыетнай Би захирхаб. Удаан сагта тэрэ газар хооһон байгаа, харин мүнөө ажаһуугшадынь хариин оронһоо һөөргөө бусаа. Мүнөө Израилиин арад зон амгалан тайбан өөрын хада уулаар ажаһууна.

Хуули дабталга 11:31

Эзэн Бурханайнгаа үгэжэ байһан газарые эзэмдэхэеэ таанад Иордан гол мүнөө гаталхатнай. Тиигээд тэрэ газарые эзэлжэ, тэндэ ажаһуухадаа,

Хуули дабталга 3:27

Пиисгаа хадын оройдо гаража, хойшоо болон урагшаа, зүүн болон баруун тээшээ шэртэн хара. Бүхы юумэ гансал нюдөөрөө харахаш, юуб гэхэдэ, Иордан гол ши гаталхагүйш!

Хуули дабталга 33:12

Бэньямиинэй обог тушаа тэрэ иигэжэ хэлэбэ: «Эзэнэй дуратай эдэ зон хажуудань һанаа амар ажаһууна, Бурхан тэдэниие хододоо аршална, Бурханай дэбисхэрэй дунда тэдэ хашалгүй байна».

Хуули дабталга 33:28

Израиль аюулгүй амгалан ажаһууна, Яков орооһо таряагаар, жэмэсэй архяар баян, бороо хурын ородог газар дээрэ гансаараа хашалгүй ажаһууна.

Хуули дабталга 4:22

Тиимэһээ би Иорданиие гаталангүй, энэ газартаа наһа барахаб, харин таанад голые гаталаад, тэрэ үрэжэлтэ һайн газар эзэмдэхэт.

Хуули дабталга 9:1

Израилиин арад зон, соносогты! Мүнөөдэр Иордан гол гаталжа, таанадһаа олон, хүсэтэй арадуудай газар уһа эзэмдэхэеэ ошохотнай. Хотонуудынь мантан ехэнүүд, огторгойдо тулама үндэр хэрэм ханануудтай.

Нүүнэй Иисүүс 11:23

Тиигэжэ Эзэнэй Моисейдэ хэлэһэн ёһоор Иисүүс бүхы газар абаа, тэрээнээ Иисүүс Израилиин зондо обогууд хоорондонь хубаажа үгөө. Газар дайда дайнһаа амараа.

Нүүнэй Иисүүс 14:1

Ханаһаанай газар дээрэ шажанай албатан Эльазаар, Нүүнэй хүбүүн Иисүүс, Израилиин хүбүүдэй обогуудта дарганарай хубааряар Израилиин иимэ хубитые абаа.

Нүүнэй Иисүүс 3:17

Зон Ерихооной хажуугаар гаталба; Эзэнэй хэлсээнэй ханза үргэжэ ябаһан санаартан Иорданай тэг дунда хуурай газар дээрэ зогсожо байба. Израилиин хүбүүд хуурай газараар Иордан голые гаталба.

Нүүнэй Иисүүс 4:12

Рэүбээнэй хүбүүд, Гаадай хүбүүд, Мэнашшээгэй обогой хахад зэбсэг баряад, Моисейн хэлэһэн ёһоор Израилиин хүбүүдэй урда гараа.

1 Хаан түрэнүүд 7:12

Удаань Самуил нэгэ шулуу абаад, Мицпаа Шээн хоёрой дунда табяад, тэрэнээ Ээбэн-Ээзэр гэжэ нэрлэбэ. – Эзэн энэ газар хүрэтэр бидэндэ туһалаа, – гэжэ тэрэ хэлээ бэлэй.