Хуули дабталга 1:44 - Библи

⁴⁴ Тэрэ хада ууланууд дээрэ ажаһуудаг эмоор обог аймагайхид таанадай урдаһаа бодожо, зүгы мэтэ бүхы талаһаа тойрон, таанадые хадхан намнажа, Сэһиирэй хадалиг газар нютагта Хормаа хүрэтэр таанадые хюдаа.

Хуули дабталга 1:44 Referencias Cruzadas

Псалманууд 118:12

Эзэн, Та юрөөлтэйт! Хуули ёһонуудтаа намайе һургыт!

Исай 7:18

Тэрэ сагай тохёолдоходо, Нилэй эгээл холо углуу тохойһоо аляаһад мэтэ ниидэн ерэхыень Египедэй сэрэгтэ, зүгы мэтэ бөөгнэрэн ерэхыень Ассириин сэрэгтэ Эзэн эшхэрэн, дохёо тэмдэг үгэхэ.

Тоололго 14:45

Тэрэ хада ууланууд дээрэ ажаһуудаг амалээгүүд болон ханаһаанууд дээрэһээнь добтолон буужа, тэдэниие үй бута сохёод, амиды үлэгшэдыень Хормаа хүрэтэр намнаба.

Тоололго 21:3

Эзэн израильшуудай тангариглан гуйхыень шагнаад, ханаһаануудые илахадань тэдээндэ туһалба. Израильшууд тэдэниие болон тэдэнэй хотонуудые дууһан һандаргажа, тэрэ газараа Хормаа гэжэ нэрлэбэ.

Хуули дабталга 28:25

Эзэн дайсадтатнай туһалжа, таанадые диилүүлхэ. Нэгэ харгыгаар тэдэнэй урдаһаа добтолһон аад, долоон аян замаар тэдэнһээ тэрьедэн ошохот. Тиигээд дэлхэйн гүрэн түрэнүүдээр зон таанадай гай тодхор хаража, шэшэрэн һалганан байхал.

Хуули дабталга 32:30

Нэгэ хүн мянган зониие намнажа шадаха гү, хоёр хүн үй түмэниие үлдэжэ бираха гү? Тэдэ мянган зоной Хабсагайн өөһэдыень орхёо гээшэ һаа, Эзэнэй тэдээнһээ арсаа гээшэ һаань, иимэ юумэн ушархал.

Нүүнэй Иисүүс 7:5

Һай хотынхид гушан зургаан хүниие алаад, хотынгоо хаалгаһаа Севарим хүрэтэр мүрдэн намнаа, тиигээд хадаһаа буухадань, бута сохёо. Тэрээнһээ арадай зүрхэн хайлаад, уһан шэнги болоо.