Хуули дабталга 1:11 - Библи

¹¹ Эзэн, үбгэ эсэгэнэрэйтнай Бурхан, мүнөө байһандатнай орходоо үшөө хэдэн мянга дахин олон болгохонь. Найдуулһанайнгаа ёһоор таанадые Тэрэнэй үреэхэнь болтогой!

Хуули дабталга 1:11 Referencias Cruzadas

Эхин 15:5

Эзэн Абрамые майханһаань гаргаад, иигэжэ айладхаба: – Огторгой өөдэ хара, одо мүшэдые тооло, харин тооложо шадаха гүш? Иимэ олон үри һадаһадтай болохош.

Эхин 22:17

Би шамайе буян хэшэгтээ хүртөөхэб! Огторгойн одо мүшэд, далайн эрьеын элһэн мэтэ тоолошогүй олон үри һадаһадые шамда хайрлахаб. Шинии үри һадаһад дайсадаа даража, газар уһыень эзэлэн абаха.

Эхин 26:4

Би шинии үри һадаһадые огторгойн одод мэтэ олон болгоод, энэ хамаг газар дайда тэдээндэш үгэхэб. Шинии уг удамаар дамжан, бүхы дэлхэйн арад зон Минии үреэл хэшэгтэ хүртэхэ.

Эхин 49:25

Эсэгыншни хүндэлэн шүтэдэг Түгэс Хүсэтэ Бурхан шамда, шинии уг удамуудта хододоо туһалан, таряалангуудташни уһа элбэг бороо хура оруулан, газарайшни гүн оёорһоо сэбэр һайхан булагай уһа гаргажа байхань болтогой! Арюун ябадалтай, үйлэ хэрэг бүтэмжэтэй үй олон үри һадаһадтай боложо, мал һүрэгшни өө мөөгүй, элүүр энхэ үсхэн олошоржо байхань болтогой!

2 Хаан түрэнүүд 24:3

– Танай Эзэн Бурхан Израилиин арад зониие зуу дахин олошоруулхань болтогой! Үндэр түрэлтэ хаан энээниие өөрынгөө нюдөөр үзэхэнь болтогой! Гэбэшье та юундэ энээниие хэхэеэ һананабта? – гэжэ Ёһааб асууба ха.

1 Угай бэшэг 21:3

– Эзэн Израилиин арад зониие зуу дахин олошоруулхань болтогой! Эзэн хаамни, тэдэ бултадаа танай үнэн сэхэ албатан лэ, юундэ энээниие хэхэеэ һананабта? Израиль зэмэтэй болохол, – гэжэ Ёһааб асууба ха.

Египедһээ гаралга 32:13

Өөрын богоолнууд Абраһаам, Исаак ба Израильда юун тухай тангариг үгэһэнөө һаныт – тэдэнэй уг удамые тэнгэриин одо мүшэд шэнги олон болгохоб, тэдээндэ гэжэ найдуулһан газараа уг удамдань хэтын хэтэдэ эзэмшэн һуухыень үршөөхэб гэжэ Өөрыгөө гэршэ болгон тангариглаа бэлэйт!

Эзэкээл 16:7

Хээрын ногоон мэтээр шамайе эрхэ сүлөөдэ, хашан харшалангүй ургуулааб. Гоё һайхан хүхэтэй, ута үһэтэй залуу басаган болотороо ургааш. Гэбэшье үшөөл нюсэгэн зандаа байгаа бэлэйш.

Тоололго 22:12

Бурхан Балаһаамда: – Ши тэдээнтэй бү яба. Ши тэрэ арадые бү тарнида. Ушар юуб гэхэдэ, тэдэнэр Минии үреэлдэ хүртэнхэй, – гэжэ айладаба.

Тоололго 6:27

Эзэн үшөө иигэжэ нэмэбэ: – Мүнөөдөө Аһароон хүбүүдтэеэ хамта Минии нэрэһээ иигэжэ израильшуудые үреэг лэ! Би тэдэниие үреэнэб!

Хуули дабталга 1:10

Эзэн Бурхантнай та бүгэдые үнэржүүлээ, иигэжэ мүнөө болоходо таанад огторгойн одо мүшэд мэтэ угаа олон болонхойт.

Хуули дабталга 1:12

Харин би гансаараа танай хүшэр хүндэ хэрэгүүдые яажа даажа, хоорондохи арсалдаа хэрэлдээетнай яагаад гансаараа шиидхэжэ ябаха гээшэбиб?

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 10:22

Далан халуун амин үбгэ эсэгэнэртнай Египет руу ерэһэн юм. Харин мүнөө Эзэн Бурхантнай таанадые огторгойн одо мүшэд мэтээр үнэржүүлээ.

Хуули дабталга 28:62

Огторгойн одо мүшэд мэтэ олон бэлэйт. Теэд Эзэн Бурханайнгаа үгэ дуулаагүйт, тиимэһээ таанадай үсөөхэн лэ хүн амиды мэндэ үлэхэ.