Хуули дабталга 1:10 - Библи

¹⁰ Эзэн Бурхантнай та бүгэдые үнэржүүлээ, иигэжэ мүнөө болоходо таанад огторгойн одо мүшэд мэтэ угаа олон болонхойт.

Хуули дабталга 1:10 Referencias Cruzadas

Эхин 15:5

Эзэн Абрамые майханһаань гаргаад, иигэжэ айладхаба: – Огторгой өөдэ хара, одо мүшэдые тооло, харин тооложо шадаха гүш? Иимэ олон үри һадаһадтай болохош.

Эхин 22:17

Би шамайе буян хэшэгтээ хүртөөхэб! Огторгойн одо мүшэд, далайн эрьеын элһэн мэтэ тоолошогүй олон үри һадаһадые шамда хайрлахаб. Шинии үри һадаһад дайсадаа даража, газар уһыень эзэлэн абаха.

Эхин 28:14

Шинии үри һадаһад газарай шорой мэтэ олон боложо, дүрбэн зүгөөр таран һуурижаха. Би шамаар болон уг удамааршни дамжуулан, дэлхэйн арад түмэниие үреэхэб.

1 Угай бэшэг 27:23

Давид хори хүрөөгүйшүүлые бүридхэлдэ абаагүй, юундэб гэхэдэ, Эзэн тэрээндэ иигэжэ хэлээ: «Би Израилиие тэнгэриин одод мэтэ олон болгохоб».

Нэхэмьяа 9:23

Та тэдэнэй үри һадаһадые тэнгэриин мүшэдтэл олон болгоот. Израильшууд эндэ ерэжэ эзэмдэн һууха гэжэ тэдэнэй эсэгэнэртэ Та айладаһан байжа, үри һадаһадыень энэ нютагта асараат.

Египедһээ гаралга 12:37

Израиль угсаатан Раамсээсһээ Суккоот тээшэ гараба. Багашуулгүйгөөр зургаан зуу мянган ябаган эрэшүүл гэжэ тоолоо бэлэй.

Египедһээ гаралга 32:13

Өөрын богоолнууд Абраһаам, Исаак ба Израильда юун тухай тангариг үгэһэнөө һаныт – тэдэнэй уг удамые тэнгэриин одо мүшэд шэнги олон болгохоб, тэдээндэ гэжэ найдуулһан газараа уг удамдань хэтын хэтэдэ эзэмшэн һуухыень үршөөхэб гэжэ Өөрыгөө гэршэ болгон тангариглаа бэлэйт!

Исай 51:2

Элинсэг эсэгэ Абраһаам, таанадые түрэһэн эхэ Саррые һанаандаа оруулагты. Би Абраһаамай ори ганса, үхи хүүгэдгүй байхадань үреэжэ, үхи хүүгэдые үршөөгөө бэлэйб. Иигэжэ уг удамынь угаа үнэржүүлээ һэм.

Эзэкээл 16:7

Хээрын ногоон мэтээр шамайе эрхэ сүлөөдэ, хашан харшалангүй ургуулааб. Гоё һайхан хүхэтэй, ута үһэтэй залуу басаган болотороо ургааш. Гэбэшье үшөөл нюсэгэн зандаа байгаа бэлэйш.

Тоололго 10:36

Нангин ханзаяа тогтон байрлаһан газартаа тодхон табихадань, Моисей иигэжэ хэлэдэг байба: – Бусыт даа, Эзэн, түмэн сая израильшуудтаа!

Хуули дабталга 1:11

Эзэн, үбгэ эсэгэнэрэйтнай Бурхан, мүнөө байһандатнай орходоо үшөө хэдэн мянга дахин олон болгохонь. Найдуулһанайнгаа ёһоор таанадые Тэрэнэй үреэхэнь болтогой!

Хуули дабталга 10:22

Далан халуун амин үбгэ эсэгэнэртнай Египет руу ерэһэн юм. Харин мүнөө Эзэн Бурхантнай таанадые огторгойн одо мүшэд мэтээр үнэржүүлээ.

Хуули дабталга 26:5

Ши Эзэн Бурханайнгаа урда байжа, иигэжэ хэлэхэш: «Үбгэ эсэгэмни нүүдэл байдалтай араам яһанай хүн байгаа. Тэрэ Египет руу ошожо, түбхинөө бэлэй. Ошоходоо, тэрэ нэгэ хэды хүнһөө бүридэһэн гэр бүлэтэй һэн, теэд тэндэ ехээр үдэжэ, агууехэ, хүсэтэй, олон тоото арад тэрээнһээ мүндэлөө.

Хуули дабталга 28:62

Огторгойн одо мүшэд мэтэ олон бэлэйт. Теэд Эзэн Бурханайнгаа үгэ дуулаагүйт, тиимэһээ таанадай үсөөхэн лэ хүн амиды мэндэ үлэхэ.

Хуули дабталга 7:7

Юундэ Эзэн гансал таанадые шэлэхэ болооб? Бусад арадуудһаа олон байһанайтнай түлөө бэшэ, юуб гэхэдэ, таанад бусад арадуудһаа үсөөн ха юмта.