Хэрэгүүд 9:21 - Библи

²¹ Тэрэниие шагнаһан зон булта ехээр гайхалдан: – Үгы, энэ хүмнай Иисүүсэй нэрэ алдарта һүзэглэгшэ зониие Иерусалимда гайтайгаар хашан мүрдэдэг бэшэ һэн гү? Тэдэниие баряад, түрүү санаартадта туужа абаашахаяа иишээ ерээ бэшэ һэн гү? – гэжэ хоорондоо хэлсэбэд.

Шэнэ Хэлсээн

²¹ Тэрэниие шагнаһан зон булта ехээр гайхалдан: – Үгы, энэ хүмнай Иисусай нэрэ алдарта һүзэглэгшэ зониие гайтайгаар хашан мүрдэдэг бэшэ һэн гү? Тэдэниие баряад, түрүү санаартадта туужа абаашахаяа иишээ ерээ бэшэ һэн гү? – гэжэ хоорондоо хэлсэбэд.

Хэрэгүүд 9:21 Referencias Cruzadas

Псалманууд 71:7

Тэрэнэй үе сагта зүб шударга хүн сэсэг мэтэ һалбаран байг, һарын туяарха сагта аза жаргал дэлгэрэн-билтаран байг.

Исай 8:18

Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Захарияа 3:8

Шагнал даа, ахамад санаарта ши Иисүүс, шинии урда һуужа байһан ахамад санаартан мүн лэ дуулажа байг. Эдэ зон үзэгдэл шэнжын гэршэ болохо. Би Өөрынгөө богоолые, Өөрын Һалаа эндэ асаржа харуулхам.

Тоололго 23:23

Ямаршье эди шэдитэ хүсэн Яковые илахагүйл. Ямаршье эльбэ жадха Израилиие тогтоохогүйл. Яков болон Израиль тухай иигэжэ зон хэлэхэл: «Эзэн эдээнэй түлөө бүхы юумэ хэнэл!

Хэрэгүүд 2:12

Гайхалаа баран: – Энэ юун болоноб? – гэжэ ором дүрэмыень оложо ядаһан тэдэнэр бэе бэеһээ һуража байбад.

Хэрэгүүд 2:6

Тэдэ булта шууяа дуулаад, олоороо сугларжа, нютагайнгаа хэлэн дээрэ элшэнэрэй дуугархые дуулахадаа, сошолдобод.

Хэрэгүүд 3:10

Һүмын «Үзэсхэлэнтэ» хаалгын хажууда һуудаг гуйраншые танихадаа, тэрээнтэй юунэй ушарһые мэдэхэдээ, сугларһан зон ехэ гайхалдаба.

Хэрэгүүд 4:13

Зоригтой дорюун Пётр Иоанн хоёрые эрдэм номгүй юрын хүнүүд байна гэжэ ойлгоходоо, Зүблэлэй гэшүүд түрүүшээр ехээр гайхалсажа, һүүлээрнь Иисүүстэй ябаһан хүнүүд байна гэжэ ажаглан тэмдэглэбэд.

Хэрэгүүд 7:59

Стефаниие шулуугаар шэдэжэ байхадань: – Эзэн Иисүүс, һүлдыемни абыт даа! – гэжэ тэрэ гуйба.

Хэрэгүүд 8:3

Харин Саул һүзэглэгшэдэй бүлгэмые һүйдхэдэг, гэрһээ гэртэ сүмэрэн орожо, эрэшүүл, эхэнэрнүүдые шэрэн гаргажа, түрмэдэ хаадаг байгаа.

Хэрэгүүд 9:22

Гэбэшье Иисүүс гээшэмнай Бурханай табисуурта гэжэ Саул улам эршэтэйгээр баталан гэршэлжэ, Дамааскда ажаһуудаг еврейнүүдые мухардуулдаг һэн.

Фессалоникиинхидтэ 2-дохи 1:10

Эзэнэй тэрэ үдэр ерэхэдэнь, гэгээн арадынь, бүхы һүзэглэгшэдынь Тэрэниие хүндэлхэ, Тэрээндэ алдар соло дуудаха. Бидэнэй номноһон һургаалда этигэһэн ушарһаа таанадшье баһа тэрэ зоной дунда байлсахат.

Иоаннай 1-дэхи хандалга 3:1

Хараад үзыт, Эсэгэ Бурхан маанадта ямар ехэ дуратай байгааб! Бидэнэр Бурханай үхибүүд гэжэ нэрлэгдэнэбди. Үнэхөөрөөшье тиимэбди! Газар дэлхэйнхид бидэниие Бурханай үхибүүд гэжэ мэдэнэгүй, юундэб гэбэл, Бурханиие тэдэ мэдэнэгүй бшуу.