Хэрэгүүд 9:2 - Библи

² Дамааскын мүргэлэй гэрнүүдтэ бэшэг бэшэжэ үгэхыень гуйба. Тэрэ бэшэгэй ёһоор Эзэнэй зам баримталһан эхэнэр, эрэшүүлые барижа, Иерусалим туужа абаашаха эрхэ Саулда үгтэбэ.

Шэнэ Хэлсээн

² Дамаскын мүргэлэй гэрнүүдтэ бэшэг бэшэжэ үгэхыень гуйба. Тэрэ бэшэгэй ёһоор Дээдын Эзэнэй зам баримталагша, эхэнэрнүүд, эрэшүүлые барижа, Иерусалим туужа абаашаха эрхэ Саулда үгтэжэ байгаа.

Хэрэгүүд 9:2 Referencias Cruzadas

Эхин 14:15

Тэндэ Абрам зоноо хэдэн бүлэг болгон хубаагаад, һүниндөө дайсадта добтолон, бута сохибо. Иигэжэ тэрэ Дамааскһаа хойшоо оршодог Хобаа хото хүрэтэр үлөөшэ сэрэгые намнаа бэлэй.

Исай 17:1

Дамааск тухай Эзэн иигэжэ айладхал буулгаба: «Дамааск саашадаа хото гэгдэхэгүй, эбдэрһэн-һандарһан шулуун болоод лэ һалаха.

Ерэмияа 49:23

Эзэнэй Дамааск тушаа айладхаһаниинь энэ: – Хамаат болон Арпаад хотонуудта зон хүлгэнэнэ, һанаагаа зобоно. Юуб гэбэл, тэдэ муу һураг суу дуулаа. Һанаагаа зобоһондоо тэдэ далайдал адли таһалгаряагүй бурьялна.

Матвей 10:17

Таанадые зарга шүүбэриин газарта абаашажа тушааха гү, али үгы һаа мүргэлэй гэрнүүд соо сохихо наншаха хүнүүдһээ бэеэ һэргылжэ ябагты.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Хэрэгүүд 18:25

Аполлос Эзэн тухай һургаалые дуулаһан байгаа. Гансал Иоаннай уһан арюудхалга мэдэжэ байһаншье мүртөө ехэ оролдосотойгоор, үнэн зүбөөр Иисүүс тухай хөөрэдэг һэн.

Хэрэгүүд 19:23

Тэрэ үедэ Эзэнэй замһаа боложо ехэхэн арсалдаан гараба.

Хэрэгүүд 19:9

Зарим хүнүүдэй зүрюу зан гаргажа, этигэхэ дурагүй байхадань, Эзэнэй замые зоной дунда хардажа эхилхэдэнь, Павел шабинартайгаа тэдэниие орхижо ошобо. Тиигээд Павел Тиранн гэдэг хүнэй һургуулида үдэр бүри номнодог болобо.

Хэрэгүүд 24:14

Буруу шажанай бүлгэм гэжэ эдэ зоной нэрлэдэг Зам баримталжа байһан дээрэһээл би үбгэ эсэгэнэрэйнгээ Бурханиие хүндэлнэб гэжэ танда мэдүүлнэб. Моисейн Хуулида болон лүндэншэдэй номууд соо бэшэгдэһэн бүхы юумэндэ би этигэнэб.

Хэрэгүүд 24:22

Эзэнэй Зам тухай хэнһээшье һайн мэдэжэ байһан Феликс хэрэгэй шиидхэбэриеэ хойшолуулан: – Түмэнэй дарга Лисиин иишэ хүрэжэ ерэхэдэ би танай хэрэг шиидхэхэб, – гэжэ хэлэбэ.

Хэрэгүүд 26:10

Иерусалимда би тиимэ ажал урдань гүйсэдхэжэ байгааб. Түрүү санаартадай үгэһэн эрхээр би Христоосто һүзэглэдэг олон зониие түрмэдэ хаагааб. Тиихэдэ хэн нэгэниие саазалха тухай асуудалай шиидхэгдэхэдэ, би ходо саазада хүртүүлхэ гэжэ хэлэдэг байгааб.

Хэрэгүүд 26:12

Нэгэтэ би түрүү санаартадһаа һүзэглэгшэдые хэһээхэ эрхэ болон зүбшөөл абажа, Дамааск ошооб.

Хэрэгүүд 6:9

«Сүлөөлэгшэд» гэгдэдэг мүргэлэй гэрэй Хэрээн, Александриһаа уг гарбалтай хүнүүд, баһа Килики, Асиһаа уг гарбалтай хүнүүд Стефантай арсалдажа оробод.

Хэрэгүүд 7:19

Тэрэ хаан манай арад зониие мэхэлдэг, шэрүүнээр дарладаг, үбгэ эсэгэнэрыемнай нарай үхибүүдээ гэрһээн гаргажа хаяхыень бааладаг, тиин хаягдаһан үхибүүд үхэжэ хосордог һэн.

Хэрэгүүд 9:14

Мүнөөшье тэрэ Танай нэрэ алдарта һүзэглэгшэдые барижа хааха эрхэ түрүү санаартадһаа абаад иишэ ерээ, – гэжэ Анания харюусаба.

Хэрэгүүд 9:21

Тэрэниие шагнаһан зон булта ехээр гайхалдан: – Үгы, энэ хүмнай Иисүүсэй нэрэ алдарта һүзэглэгшэ зониие Иерусалимда гайтайгаар хашан мүрдэдэг бэшэ һэн гү? Тэдэниие баряад, түрүү санаартадта туужа абаашахаяа иишээ ерээ бэшэ һэн гү? – гэжэ хоорондоо хэлсэбэд.

Коринфынхидтэ 2-дохи 11:32

Дамааскда байхадамни, Арээт хаанай захирагшань намайе барихын тула хотын хаалгые һахяа.

Галадуудта 1:17

Намһаа урда элшэнэрээр табигдаһан зонтой уулзахаяашье би Иерусалим ошоогүй һэм. Харин Аравиин газар нютагаар ябаад, һүүлдэнь Дамааск хото бусажа ерээ һэнби.