Хэрэгүүд 7:5 - Библи

⁵ Гэбэшье тэрэ нютагые, тэрэ нютагай хэһэгыешье эзэмдэжэ байхаарнь Бурхан Абраһаамда үгөөгүй. Гэхэтэй сасуу тэрэ газарые үгэхэб, удаань үри һадаһадайнь эзэмшэжэ байхыень үгэхэб гэжэ Бурхан найдуулаа. Абраһаамай үхибүүдгүй байха үедэ Бурхан тэрэниие тиигэжэ найдуулаа.

Шэнэ Хэлсээн

⁵ Гэбэшье тэрэ газар нютаг, тэрэ газар нютагай алхамшье газар эзэмдэжэ байхаарнь Бурхан Абраһамда үгөөгүй юм. Гэхэтэй сасуу тэрэ газар үгэхэб, удаань тэрэнэй, үри һадаһадайнь мэдэлдэ тэрэ газар орохо гэжэ Бурхан найдуулһан байгаа. Абраһамай үхибүүдгүй байха үедэ Бурхан тэрэниие тиигэжэ найдуулһан байна.

Хэрэгүүд 7:5 Referencias Cruzadas

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 13:15

Нюдэнэйш хараагай хүрэхэ бүхы энэ дайдые шамда болон шинии үри һадаһадта хэтын хэтэдэ эзэлхыетнай үгэхэб.

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

Эхин 16:2

Тиигээд Сара Абрамда иигэжэ хэлэбэ: – Эзэн намда үхибүү заяанагүй. Тиимэһээ ши минии зараса эхэнэртэй һуу. Магад, тэрэ минии түрөөгүй хүбүүе шамда түрэжэ болохо. Абрам Сарын үгэ зүбшөөбэ.

Эхин 17:8

Нүүжэ амидаржа байгаа энэ Ханаһаан нютагые хэтэ мүнхэдөө эзэмшэхээр шамда болон үри һадаһадташ үгэхэб. Таанадай шүтэхэ Бурхан Бил болоноб!

Эхин 23:4

– Би танай нютаг руу зөөжэ ерэһэн ерүүл хүн байһан ушарһаа үмсын газаргүйб. Һамгаяашье хүдөөлүүлхэ газаргүй байнаб. Наһа бараһан хүнөө хүдөөлүүлхэ газар намда худалдыт.

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Нэхэмьяа 9:8

Тэрэ Танда үнэн зүрхэнһөө үнэн сэхэ гэжэ мэдэхэдээ, Та тэрээнтэй хэлсээ баталаад, тэрэнэй үри һадаһадта ханаһаануудай, хээт зоной, эмооршуудай, пэриззиинүүдэй, евүүсүүдэй ба гиргаашуудай газар уһа үгэхэеэ найдуулаат. Та хэлэһэн үгэдөө хүрөөт, юуб гэбэл, Та үнэн шударгат!

Эзэкээл 33:24

– Хүнэй үри Эзэкээл! Израилиин һандарагша хотонуудаар ажаһуугша зон «Абраһаам гансаараа энэ газар абаа бэлэй, харин бидэ оломди, тиимэһээ энэ газар манай байха ёһоороо манай мүн» гэжэ хэлсэнэ.

Хуули дабталга 10:11

Эзэн намда захирба: «Ошо, арад зоноо хүтэлжэ, урдань яба. Үгэхэб гэжэ танай үбгэ эсэгэнэртэ Минии тангариглан найдуулһан газар орон руу тэдэнэр орожо, эзэмдэг лэ».

Хуули дабталга 11:9

Тиигэбэл, Эзэнэй танай үбгэ эсэгэнэртэ, уг удамдань үгэхөөр тангариглан найдуулһан газар дайдада, һүн далайн урдажа, зүгын балай дэлгэржэ байһан газарта, удаан сагта ажаһуухат.

Хуули дабталга 2:5

Тэдээнтэй дай бү үүдхэгты. Тэдэнэй альганайшье шэнээн газар таанадта үгэхэгүйб, Сэһиирэй хадата газарые Эсаавай уг унгида эзэмдэн ажаһуухыень үгөөб.

Хуули дабталга 34:4

Тиигээд Эзэн тэрээндэ хандан, иигэжэ айладаба: – Үри хүүгэдтэтнай энэ газар үгэхэб гэжэ Абраһаамда, Исаак болон Яковта «Минии тангариглан найдуулһан газар энэл даа». Шамда өөрынгөө нюдөөр энэ газар харахыешни зүбшөөгөөб, гэбэшье ши тиишээ орожо шадахагүйш.

Хуули дабталга 9:5

Тэдэнэй газар дайда үнэн сэхэ байһанайтнай түлөө бэшэ, сэбэр сэхээр ажаһууһанайтнай түлөө бэшэ таанадта хүртэхэ. Тэдэ арадуудай буруу ябадалтай һэн тула, мүн танай үбгэ эсэгэнэр болохо Абраһаам, Исаак, Яков гэгшэдтэ тангариглаһан үгэеэ дүүргэхын тула Эзэн Бурхантнай тэдэниие хажууһаатнай үлдэхэл.