Хэрэгүүд 7:49 - Библи

⁴⁹ «Огторгой – Минии сэнтии, газар – хүлэймни гэшхүүр. Тиигээд хаана таанад Намда үргөө барижа шадахабта даа. Минии амарха таарамжатай газар хаана байнаб? – гэжэ Эзэн һураба.

Шэнэ Хэлсээн

⁴⁹ «Огторгой тэнгэри – минии хаан шэрээ, Газар дайда – хүлэймни гэшхэхэ түшэг тулгуури мүн, Ямар гэр таанад намда барихабта, Минии амарха газар хаана байнаб гэжэ Дээдын Эзэн һураба.

Хэрэгүүд 7:49 Referencias Cruzadas

3 Хаан түрэнүүд 22:19

Михай харюудань: – Эзэнэй айладхал шагна! Эзэнэй сэнтиидээ залараад, хажуудань баруун, зүүн гараарнь Огторгойн сэрэг барандаа зогсон байна гэжэ би харааб.

3 Хаан түрэнүүд 8:27

Нээрээ, Бурхан газар дээрэ оршохо юм аал?! Огторгойн уудам Таниие багтаажа шаданагүй бшуу. Тиимэһээ газар түби дээрэ минии бариһан Һүмэ соо Танай багтахагүйнь эли!

2 Угай бэшэг 6:18

Нээрээ, Бурхан хүнүүдтэй газар дээрэ оршохо юм аал?! Огторгойн уудам Таниие багтаажа шаданагүй бшуу. Тиимэһээ газар түби дээрэ минии бариһан Һүмэ соо Танай багтахагүйнь эли!

Псалманууд 11:4

Худалша урал амыень, һайрхан яряаша хэлыень Эзэн таһа сабшаг лэ!

Исай 66:1

Эзэн иигэжэ айладхана: «Огторгой – Минии шэрээ, газар – хүлэймни гэшхүүр. Тиигээд хаана таанад Намда үргөө барижа шадахабта даа. Минии амарха таарамжатай газар хаана байгаа юм?

Ерэмияа 23:24

Намһаа хэншье хорон хоргодон байжа шадахагүй. Намайе тэнгэри болон газарта – хаа-хаанагүй байна гээд мэдэнэ гүт?

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Матвей 23:22

Баһа огторгойгоор тангариглагша болбол Бурханай шэрээгээр, тэрэ шэрээдэ һуугшаар тангариглана гээшэ.

Матвей 24:2

Иисүүс шабинартаа: – Эдэ бүгэдые харана гүт? Энэ һууринда ганса шулууншье үлэхэгүй; баран һандаргагдаха гэжэ танда хэлэнэб, – гэбэ.

Иоанн 4:21

– Эхэнэр аа, Намда этигэлши: таанад Эсэгэ Бурхандаа энэ хада дээрэшье гаража, Иерусалимдашье ошожо мүргэхэгүйт, тиимэ саг ерэжэ байна.

Гэршэлгэ 3:21

Би илажа гараад, Өөрынгөө Эсэгэтэй хамта хаан шэрээдэнь һуугааб, тэрээндэл адляар, Намтай хамта Минии хаан шэрээдэ һууха эрхые Би илагшада олгохоб.