Хэрэгүүд 7:44 - Библи

⁴⁴ Сүл губида ябаһан манай үбгэ эсэгэнэр Гэршэлгын майхантай байгаа. Тэрэ майханиие Бурханай хэ гэхэдэ, Моисей харуулһан маягаарнь бүтээгээ.

Шэнэ Хэлсээн

⁴⁴ Сүл губида ябаһан манай үбгэ эсэгэнэр Гэршэлгын майхантай байгаа. Тэрэ майханиие Бурханай хэ гэхэдэ, Моисей харуулһан маягаарнь хэһэн байна.

Хэрэгүүд 7:44 Referencias Cruzadas

1 Угай бэшэг 28:11

Давид өөрынгөө хүбүүн Соломоондо баруун үүдэнэй, тэрэнэй гэрэй, юумэ хадагалдаг газарай, тэрэнэй таһалгын, тэрэнэй досоо таһалгануудай ханзын гэрэй түхэл зурагуудые үгэбэ,

1 Угай бэшэг 28:19

«Тэрэ эдэ бүхы барилгануудые бүтээлгэдэ намда заабари үгөө, эдэ заабаринууд Эзэнһээ», – гэжэ Давид хэлэбэ.

2 Угай бэшэг 24:6

Тиихэдэнь хаан тэдэнэй толгойлогшо Ёядаа гэгшые дуудажа асаруулаад, хэлэбэ: – Иуда болон Иерусалимһаа мүнгэ татабари суглуулхыень юундэ левидүүдые эльгээнэгүйбши? Суглаанай майханиие заһабарилан байха хэрэгтэ мүнгэ суглуулдаг байха гээд Эзэнэй богоол Моисей болон израильшуудай суглаан шиидээ һэм шуу.

Египедһээ гаралга 25:40

Ойлгоорой, хада дээрэ шамда яажа харуулаа һэмбиб, тон тиимээр жэншэдгүй наряар бүтээхэ ёһотойш.

Египедһээ гаралга 26:30

Хада дээрэ шамда яажа заагаа һэмбиб, тэрэнэй ёһоор лэ майхан һүмэ бодхоохош.

Египедһээ гаралга 27:8

Хабтагайгаар хэһэн үргэлэй шэрээ досоогоо хүнды байха ёһотой. Хада дээрэ шамда харуулһан шэнгеэр лэ хүүжэг.

Египедһээ гаралга 38:21

Аһароон санаартанай хүбүүн Итамаарай ударидалга доро левидүүд Моисейн захиралтаар хэлсээнэй майхан һүмын хамаг гаргашын тоо бүридхэбэ.

Тоололго 10:11

Хоёрдохи жэлэй, хоёрдохи һарын хоридохи үдэр майхан һүмэһөө үүлэн дэгдэбэ.

Тоололго 18:2

Өөрынгөө аха дүүнэрые, левидүүдые, өөрын эсэгын зоной хүнүүдые асара. Тэдэнэр шинии хажууда байг, тэдэнэр шамда, шинии хүбүүдтэ Хэлсээнэй бэшэгэй хадагалагдажа байһан майхан һүмэдэхи алба хэлгэндэ туһалаг.

Тоололго 9:15

Тэрэ үдэр майхан һүмын бодхоогдоходонь, үүлэн тэрэ Уулзалгын майхан һүмые бүрхөөжэ, дээрэнь тогтобо. Харин үдэшэһөө үглөөгүүр болотор майханай дээгүүр гал аһажа байһан мэтэ байба.

Еврейнүүдтэ 8:2

Тэрэ болбол хүнүүдэй гараар бариһан бэшэ, харин Эзэнэй бодхооһон бодото майханда, хамагай нангин газарта ахамад санаартынгаа үүргэ гүйсэдхэжэ байна.

Еврейнүүдтэ 8:5

Тэдэ санаартад ажалаа хэхэдээ, үнэн дээрээ тэнгэриин юумые һажаана, тэнгэриин юумэнэй һүүдэрынь лэ болоно. Тиимэл юумэн Моисейтэй тохёолдоо. Тэрэнэй майханаа татаха гэжэ байхада, Бурхан тэрээндэ: «Хада дээрэ шамда яажа харуулаа һэмбиб, тон тиимээр жэншэдгүй наринаар бүтээхэ ёһотойш», – гэжэ айладхаа.

Нүүнэй Иисүүс 18:1

Израилиин бүхы зон Шилоодо шүүлгын газарта суглараад, тэндэ суглаанай майхан һүмэ табиба, юундэб гэхэдэ, тэрэ орон тэдээнэй мэдэлдэ ороод байгаа.

Нүүнэй Иисүүс 3:14

Тиигээд зоной Иорданиие гаталхаа майхангуудһаа хүдэлхэдэ санаартан хэлсээнэй ханза зоной урдуур үргэн гараба.