Хэрэгүүд 7:38 - Библи

³⁸ Моисей израилиин арадтай сүл губида хамта ябахадаа, өөртэйнь болон манай үбгэ эсэгэнэртэй Синай хада дээрэ хөөрэлдэһэн Эльгээмэлтэй уулзажа, амиды үгэнүүдые хүлеэн абаад, бидэндэ дамжуулан үгөө.

Шэнэ Хэлсээн

³⁸ Эгээл тэрэ Моисей израилиин арад зонтой сүл губида хамта байжа, өөртэйнь болон манай үбгэ эсэгэнэртэй Синай хада дээрэ хөөрэлдэһэн Бурханай Эльгээмэлтэй уулзажа, амиды үгэнүүдые хүлеэн абаад, бидэндэ дамжуулан үгөө бэлэй.

Хэрэгүүд 7:38 Referencias Cruzadas

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Иоанн 1:17

Бурхан Моисейгээр дамжуулан Хуули үгөө, харин Иисүүс Христоосоор дамжан, үршөөл хайра, үнэн зүйл үгтөө.

Иоанн 6:63

Ажамидарал гансал Һүлдэһөө эхи абадаг, харин хүнэй бэе эндэ юушье хэжэ шадахагүй. Таанадта Минии хэлэһэн үгэнүүд хадаа Һүлдэ, Ажамидарал гээшэ.

Хэрэгүүд 7:30

Дүшэн жэлэй үнгэрһэн хойно Синай хадын хаяада оршодог губида гал дүлөөр соробхилжо байһан үүргэнын һөөг сооһоо Бурханай Эльгээмэл Моисейдэ үзэгдэбэ.

Хэрэгүүд 7:35

«Хэн таниие манай дээрэ ноён болгооб, зарга шиидхэгшээр табяаб?» гэжэ еврейнүүдтэ буруушаалгаһан эгээл тэрэ Моисейе Бурхан ударидагша болон абарагшаар томилон эльгээгээ юм. Шатажа байһан үүргэнын галда бии болоһон Эльгээмэлэй гараар Бурхан тиимэ юумэ хээ.

Хэрэгүүд 7:53

Бурханай Эльгээмэлнүүдээр дамжуулан таанадта үгтэһэн Хуули абаһан аад, тэрэнииень сахибагүйт.

Римэйхиндэ 3:2

Алишье талаһаа һайн, илангаяа еврейнүүдтэ Бурханай һургаалай даалгагдаһаниинь шухала юм.

Римэйхиндэ 9:4

Тэдэ израильшууд Бурханай шэлэжэ абаһан хүнүүд юм. Бурхан тэдэндэ алдараа харуулаа, тэдэнтэй хэлсээ баталаа, тэдэндэ Хуули, тиигээд шүтэлгын Һүмэ ба найдуулгаа үгөө.

Галадуудта 3:19

Юундэ Хуули үгтэһэн байгааб? Абраһаамай үри һадаһан ерэхэ гэжэ Бурханай найдуулһан саг хүрэтэр гэмтэ ябадал юун бэ гэжэ ойлгожо байхын тула энэ Хуули үгтөө. Энэ Хуули хүнүүдтэ Эльгээмэлээр болон зууршалагшаар дамжуулан үгтөө.

Хуули дабталга 33:4

Моисей бидэндэ һургаал заабари дамжуулаа, Яковай арад зондо угай баялиг – хуули захин үгөө.

Еврейнүүдтэ 2:2

Манай үбгэ эсэгэнэртэ Эльгээмэлнүүдээр дамжуулан хэлэгдэһэн Бурханай үгэ үнэн зүб байгаа. Тиин тэрэ үгые баримталаагүй, али дуулаагүй хүн хүртэхэ ёһотойл хэһээлтэдэ хүртэдэг байгаа.

Еврейнүүдтэ 4:12

Бурханай үгэ амиды ба хүсэтэй юм, хоёр талаһаан хурсалуулагдаһан ямаршье эриһээ хурса. Тэрэнь һүнэһэ һүлдэ хоёрой уулзалта, бүридэл болон уураг тархи, алишье юумэн хүрэтэр хүрэдэг. Тэрэ зүрхэнэй хүсэлэн ба бодолнуудые шиидхэжэ байдаг.

Еврейнүүдтэ 5:12

Саг хугасаагаар багсаахада, таанад багшанар болоод байха байгаат, харин Бурханай Үгын түрүүшын хэшээлнүүдые таанадта дахин дабтаха хэрэгтэй болоод байна. Хатуу хоол барихын орондо таанад һүөөр ундалха болонот.

Пётрой 1-дэхи хандалга 4:11

Номножо байһан хүн Бурханай Мэдээсэлые номножо байг лэ; алба хэжэ байһан хүн Бурханай үршөөһэн хүсэ шадалаар өөрыгөө бэхижүүлжэ байг лэ. Бүхы юумэнүүд Иисүүс Христоосоор дамжан, Бурханиие алдаршуулжа байг лэ! Бурхан хэтын хэтэдэ алдар солотой, хүсэ шадалтай байхань болтогой! Зобоходоо баясажа байгты.