Хэрэгүүд 4:30 - Библи

³⁰ Танай гэгээн зараса Иисүүсэй нэрэ алдараар хүнүүдые аршалан эдэгээжэ, гайхамшаг хэрэгүүдые болон тэмдэгүүдые үзүүлхымнай тула һүр хүсөө харуулыт даа».

Шэнэ Хэлсээн

³⁰ Шинии нангин зараса Иисусай нэрэ алдараар хүнүүдые аршалан эдэгээжэ, гайхамшаг хэрэгүүдые болон тэмдэгүүдые үзүүлхымнай тула һүр хүсөө харуулыш даа».

Хэрэгүүд 4:30 Referencias Cruzadas

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Ерэмияа 15:15

Тиихэдэнь би: – Эзэн, Та бүхы юумэ мэдэнэт. Намайе ой ухаандаа оруулжа, һанаагаа нам тушаа табижа, хойноһоомни мүрдэн ябагшадһаа минии түлөө үһөөгөө абыт! Намайе алатарынь дайсадтамни тэсэбэри тэбшээ үзүүлжэ бү байгыт. Танай түлөө минии доромжолуулагдадагые Та мэдэнэт.

Иоанн 4:48

– Гайхамшаг дүлгэ тэмдэгүүдые, хэрэгүүдые үзөөгүй һаа, хэнтнайшье этигэхэгүйл! – гэжэ Иисүүс харюусаба.

Хэрэгүүд 2:22

Израилиин зон, намайе шагнагты! Бурхан Назаредэй Иисүүсээр агууехэ хэрэгүүдые, гайхамшагта үзэгдэлнүүдые ба тэмдэгүүдые бүтээлгэн, Тэрэниие эльгээһэн тухайгаа таанадта гэршэлээ. Эдэ бүхэн танай дунда ушараа. Тиимэһээ таанад өөһэдөө энээн тухай мэдэнэт.

Хэрэгүүд 2:43

Элшэнэр олон гайхамшагта хэрэгүүдые болон дүлгэ тэмдэгүүдые харуулжа байгаа. Тиимэһээ хүн бүхэн ехэтэ һүрдэн бэшэрбэ.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Хэрэгүүд 3:16

Таанадай һайн мэдэхэ, таниха дохолон хүниие Иисүүсэй нэрэ алдарай хүсэн эдэгээгээ. Иимэ гайхалтай юумэн Иисүүсэй нэрэ алдарта этигэһэнһээ болоо. Энэ хүн Иисүүстэ этигэжэ, таанадай хараһаар байтар аргалагдаба.

Хэрэгүүд 3:6

Харин Пётр тэрээндэ: – Алта мүнгэн намда үгы, гэбэшье намда байгаа юумээ би шамда үгэхэб. Бодоод яба гэжэ Назаредэй Иисүүс Христоосой нэрэ алдараар захирнаб! – гээд хэлэбэ.

Хэрэгүүд 4:10

Назаредэй Иисүүс Христоосой нэрэ алдараар энэ хүн мүнөө элүүр мэндэ болоод, урдатнай зогсоно гэжэ таанад булта, бүхы Израилиин зон мэдэжэ байгты. Таанар Иисүүс Христоосые хэрээһэндэ хадаат, харин Бурхан Тэрэниие амидыруулаа.

Хэрэгүүд 4:27

Нээрээшье Ирод ба Понтий Пилат хоёр Израилиин арад зонтой болон бусад арадуудтай энэ хотодо үгэсэлдэн, Танай табисуурта, нангин Зараса Иисүүсэй урдаһаа эбээ нэгэдхэбэ.

Хэрэгүүд 5:12

Элшэнэрэй гараар хүн зоной дунда олон гайхамшагта үзэгдэлнүүд болон дүлгэ тэмдэгүүд бүтээгдэдэг байгаа. Һүзэглэгшэд булта Соломооной бахананууд гэдэг хушалтатай газарта һаналаа нэгэдүүлэн суглардаг һэн.

Хэрэгүүд 6:8

Бурханай үршөөл, хүсэ шадалда хүртэһэн Стефан арад зоной дунда гайхамшагта үзэгдэлнүүдые, дүлгэ тэмдэгүүдые бүтээжэ байгаа.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.