Хэрэгүүд 3:25 - Библи

²⁵ Таанад лүндэншэдэй үри һадаһад гээшэт, тиин танай үбгэ эсэгэнэрэй Бурхантай баталһан хэлсээндэ баһа хабаатай болонот. «Шинии уг удамаар дамжан бүхы дэлхэйн арадууд буян хэшэгтэ хүртэхэ», – гэжэ Бурхан Абраһаамда айладаа.

Шэнэ Хэлсээн

²⁵ Таанад лүндэншэдэй үри һадаһад мүн гээшэт, тиин танай үбгэ эсэгэнэрэй Бурхантай баталһан хэлсээндэ таанад баһа хабаатай болонот. «Шинии үри һадаһаар дамжан бүхы дэлхэйн арад зон үршөөл хайрада хүртэхэ», – гэжэ Бурхан Абраһамда хэлэһэн байна.

Хэрэгүүд 3:25 Referencias Cruzadas

Эхин 12:3

Хэн шамайе үреэнэб – тэрэниие Би үреэхэб! Хэн шамайе хараанаб – тэрээндэ хараал хүртөөхэб! Шамаар дамжуулан Би орон дэлхэйн бүхы арад зониие буян хэшэгтээ хүртөөхэб!

Эхин 17:19

Бурхан: – Үгы. Сарра, шинии һамган, хүбүү түрэхэ, тиихэдэнь тэрээндээ Исаак гэжэ нэрэ үгэхэш. Би баталһан хэлсээгээ тэрэ хүбүүндэ болон хойшонхи үедэнь хүсэн түгэлдэр бэелүүлхэб. Тэрэ болбол хэтэ мүнхын хэлсээн юм.

Эхин 18:18

Уг удамыень бодото дээрээ агууехэ, хүсэтэй арад болгожо, тэдэнээр дамжуулан, орон дэлхэйн бүхы арад зониие буян хэшэгтээ хүртөөхэб.

Эхин 20:7

Зүгөөр ши мүнөө тэрэниие үбгэндэнь бусаа. Тэрэшни лүндэншэ хүн, шинии амиды үлэхын тула уншалга хэхэ, тиихэдэнь Би шамайе амиды мэндэ үлөөхэб. Хэрбээ тэрэниие үбгэндэнь бусаагаагүй һаа, өөрөөшье, шинии хамаг угшье хосорхо!

Эхин 22:18

Минии үгые дуулаһанайш түлөө шинии уг удамаар дамжан, бүхы дэлхэйн арад зон Минии үреэл хайрада хүртэхэ».

Эхин 26:4

Би шинии үри һадаһадые огторгойн одод мэтэ олон болгоод, энэ хамаг газар дайда тэдээндэш үгэхэб. Шинии уг удамаар дамжан, бүхы дэлхэйн арад зон Минии үреэл хэшэгтэ хүртэхэ.

Эхин 28:14

Шинии үри һадаһад газарай шорой мэтэ олон боложо, дүрбэн зүгөөр таран һуурижаха. Би шамаар болон уг удамааршни дамжуулан, дэлхэйн арад түмэниие үреэхэб.

1 Угай бэшэг 16:16

Энэ хадаа Абраһаамтай баталһан хэлсээниинь, Исаагта үгэһэн тангаригынь юм.

1 Угай бэшэг 16:17

Тэрэниие Яковта хуули болгон, Израильда хэтэ мүнхын хэлсээн гэжэ баталһан юм.

Нэхэмьяа 9:8

Тэрэ Танда үнэн зүрхэнһөө үнэн сэхэ гэжэ мэдэхэдээ, Та тэрээнтэй хэлсээ баталаад, тэрэнэй үри һадаһадта ханаһаануудай, хээт зоной, эмооршуудай, пэриззиинүүдэй, евүүсүүдэй ба гиргаашуудай газар уһа үгэхэеэ найдуулаат. Та хэлэһэн үгэдөө хүрөөт, юуб гэбэл, Та үнэн шударгат!

Псалманууд 96:7

Хэмэл хүрэгүүдтэ ажал хэдэг, шүтээнүүдээр һайрхадаг бүхы зон эшэг лэ! Бүхы бурхад, Тэрэнэй урда һүгэдэн мүргэгты!

Лука 1:72

үбгэ эсэгэнэртэтнай найдуулһан ёһоор таанадые үршөөл хайрада хүртөөхэб, мүн Өөрынгөө нангин хэлсээ,

Хэрэгүүд 13:26

Аха дүүнэрни! Абраһаамай үри һадаһад, Бурханиие хүндэлэгшэд, абаралга тухай энэ мэдээсэл бидэндэ эльгээгдэһэн байна.

Хэрэгүүд 2:39

Танда, танай хүүгэдтэ болон Эзэнэй, манай Бурханай Өөртөө уряалһан, холууршье байһан хүн бүхэндэ Бурхан найдуулга үгөө, – гэжэ Пётр тэдээндэ харюусаба.

Римэйхиндэ 15:8

Бурханай үбгэ эсэгэнэртэ үгэһэн найдуулгын бүтэһые харуулан, Христоос еврейнүүдэй зарасань болон ерээ гэжэ би хэлэнэб.

Римэйхиндэ 4:13

Бурхан Абраһаамда, тэрэнэй үри һадаһадта газар дэлхэйе залгамжалан абахаш гэһэн найдуулга үгөө. Абраһаамай Хуули сахижа байһандань бэшэ, харин Бурханда һүзэглөөд, үнэн сэдьхэлтэй болоһон хадань тэрэ найдуулга үгтөө.

Галадуудта 3:16

Харин Абраһаамда, тэрэнэй үридэ Бурхан найдуулга үгөө. Үри хүүгэдтэш гэжэ хэлэгдээгүй, харин үридэшни гэжэ нэгэл хүн тухай хэлэгдээ, тиин тэрэ нэгэнь – Христоос гээшэ.

Галадуудта 3:29

Хэрбээ Христоостой нэгэдэбэл, таанад Абраһаамай үри һадаһад гээшэт, тиигээд Абраһаамда найдуулһан бүхэниие залгамжалан абахат.

Галадуудта 3:8

Арадуудые этигэлээрнь Бурхан аршалан сүлөөлхэ гэжэ Нангин Бэшэг соо үни гэһээр тунхаглагдаа. Тэндэ Абраһаамда: «Бурхан шамаар дамжуулан, бүхы арадуудые абарха», – гэжэ хэлэгдээ.

Гэршэлгэ 14:6

Газар дэлхэй дээрэ һуугшадта, али бүхы арадуудта, угсаатанда, элдэб янзын хэлэтэй зондо, бүхы үндэһэ яһатанда хэтэ мүнхын Һайн Мэдээсэл дуулгахын тула үшөө нэгэ Эльгээмэлэй огторгойдо элин ниидэжэ ябахые би удаань харааб.

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.

Гэршэлгэ 7:9

Тэрэнэй удаа харахадамни, тооложо барагдашагүй олон зон урдамни үзэгдэбэ. Тэдэ зоной дунда бүхы үндэһэ яһатан, арадууд, угсаатан, янза бүриин хэлэтэй хүнүүд ерээд байгаа һэн. Тэдэ зон хаан шэрээгэй урда, Үргэлэй Хурьганай урда зогсобо. Тэдэнэр сагаан хубсаһа үмдэнхэй, гартаа пальма модоной мүшэрнүүдые баринхай.