Хэрэгүүд 28:8 - Библи

⁸ Эгээл энэ үедэ Публиин эсэгэнь гэдэһэнэй үбшэнһөө зобон, халууржа хэбтээ. Павел таһалгадань орожо зальбараад, тэрэниие гараараа адислан эдэгээбэ.

Шэнэ Хэлсээн

⁸ Эгээл энэ үедэ Публиин эсэгэнь дизентеригээр үбдөөд, халууржа хэбтээ. Павел таһалгадань орожо зальбараад, тэрэниие гараараа адислан эдэгээбэ.

Хэрэгүүд 28:8 Referencias Cruzadas

Матвей 10:1

Иисүүс Өөрынгөө арбан хоёр шабинарые дуудаад, ада шүдхэрнүүдые намнажа гаргаха, ямаршье үбшэн хабшанһаа, ядаралһаа хүнүүдые эдэгээхэ эрхэ тэдээндээ үгэбэ.

Матвей 10:8

Үбшэн хүнүүдые эдэгээгты, үхэһэн хүнүүдые амидыруулагты, һэлхэ бузар үбшэнтэниие арюудхагты, ада шүдхэрнүүдые намнажа гаргагты. Таанад түлөөһэгүй абаһанаа түлөөһэгүй үгэжэ байгты.

Матвей 12:13

Тиигээд Иисүүс нүгөө хатаһан гартай хүндэ: – Гараа һарбай, – гэбэ. Тэрэнь гараа һарбайба; тиин хатаһан гарынь нүгөө гартайгаа адли һайн болошобо.

Матвей 9:18

Тиигэжэ хэлэжэ байтарнь, нэгэ дарга ерээд, Иисүүсэй хүлдэ мүргэжэ: – Басагамни һаяхан наһа барашабал. Манда ерэжэ, тэрээндэмни гараараа хүрөө һаатнай, басагамни амидырхал, – гэбэ.

Марк 16:18

Тэдэ могойнуудые барибашье, хоро уубашье, өөһэдыгөө гэмтээхэгүй. Мүн гараа үбшэн зон дээрэ табяад, тэдэниие эдэгээжэ байха.

Марк 5:23

ехээр гуйжа оробо: – Үхимни үхэхэеэ хэбтэнэ. Ошожо, адислыт даа, тиигээ һаатнай эдэгэхэ, амиды ябахал.

Марк 6:5

Иимэл ушарһаа Иисүүс нютагтаа гайхамшагта хэрэгүүдые бүтээхэ аргагүй боложо, үсөөхэн лэ үбшэнтэниие адислан эдэгээбэ.

Марк 7:32

Хэдэн хүн Тэрээндэ дүлии, арай шамай дуугардаг хүниие асаржа, дээрэнь гараа табижа адислыт даа гэжэ Иисүүсые гуйба.

Лука 13:13

тиигээд гараараа бэедэнь хүрөөдхибэ. Тиихэтэйнь сасуу тэрэ эхэнэр бэеэ сэхэлжэ, Бурханда магтаал соло дуудаба.

Лука 4:40

Наранай орохо багта элдэб үбшэндэ нэрбэгдэһэн бүхы зоболонтодые түрэлхидынь Иисүүстэ асараа һэн. Иисүүс үбшэн хүн бүхэнэй дээрэнь гараа табяад лэ эдэгээжэ байгаа.

Хэрэгүүд 28:7

Тэндэһээ холо бэшэ Публий гэжэ нэрэтэй аралай захирагшын гэр буусань оршодог байгаа. Тэрэ бидэниие ехэ дулаанаар угтаа, бидэ тэрэнэйдэ гурбан үдэр айлшалаа һэмди.

Хэрэгүүд 28:9

Энээнэй һүүлдэ үбшэн байһан аралай бусад зон Павелда ерэжэ, өөһэдыгөө эмнэлүүлдэг болоо.

Хэрэгүүд 9:40

Пётр тэдэниие бултыень таһалгаһаа гаргаад, үбдэг дээрээ һуугаад зальбарба, тиигээд наһа бараһан басаган тээшэ хараад: – Табитаа, бодо, – гэбэ. Тэрэнь нюдөө нээжэ, Пётрые хараһаар бодобо.

Коринфынхидтэ 1-дэхи 12:28

Һүзэглэгшэдэй бүлгэм соо Бурхан хүн бүхэниие байрадань байлгаба: анха түрүүн, элшэнэрые, хоёрдохи һуурида Бурханай мэдээсэл элирүүлэгшэдые, гурбадахи һуурида һургагшадые, тиигээд гайхамшагта үйлэ хэрэгүүдые бүтээдэг зониие, хойноһоонь үбшэн хүнүүдые аргалан эдэгээдэг, бусад зондо туһалдаг, бусадые ударидадаг, элдэб танигдахагүй хэлэн дээрэ дуугардаг абьяастай хүнүүдые табяа.

Коринфынхидтэ 1-дэхи 12:9

Хэһэг хүнүүдтэ Һүлдэ агууехэ һүзэг хайрлана, нүгөө хэһэг хүнүүдтэ үбшэн зониие эмнэхэ хүсэ шадал олгоно.