Хэрэгүүд 26:20 - Библи

²⁰ түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.

Шэнэ Хэлсээн

²⁰ түрүүн Дамаск хотынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, нүгэл хэхэеэ болиһоноо бодото хэрэгүүдээрээ баталжа, Бурханда хандагты гэжэ уряалаа бэлэйб.

Хэрэгүүд 26:20 Referencias Cruzadas

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Ерэмияа 18:11

Тиимэһээ одоо Иудын хан түрын, тэрэ тоодо Иерусалим хотын, улад зондо Минии тэдэнэй урдаһаа түсэблэн байгаа гай тодхор тухай, мүн тэдэниие хэһээхэеэ бэлдэжэ байһан тухайм дуулга. Хүн бүхэн нүгэлһөө зайлажа, һанаа бодол, хэрэгүүдээ хубилгаха ёһотой.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Гашуудал 3:40

Замаа бэдэржэ туршая, Эзэндэ эрьее!

Һошээ 12:6

Тиимэһээ ши Бурхандаа буса. Үнэн сэхэ, шударга бай, Бурхандаа хододоо найда!

Һошээ 14:2

Израилиин улад зон, Эзэн Бурхандаа эрьеыт! Нүгэл шэбэлтнай таанадые бүдэрүүлэн унагаажа байна.

Матвей 3:2

– Бурханай хаан түрэ һаяар мандахань, тиимэһээ нүгэл үйлэдэхэеэ болёод, Бурханда хандагты.

Матвей 3:8

Таанар буянтай һайн юумэ бүтээжэ, Бурханда хандаһанаа харуулагты.

Матвей 4:17

Тэрэ сагһаа хойшо Иисүүс: – Нүгэл үйлэдэхэеэ болижо, Бурханда хандагты, Бурханай хаан түрэ мандаха дүтэлөө, – гээд номножо эхилбэ.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

Марк 6:12

Тиихэдэнь элшэнэр замда мордожо, нүгэлөө орхёод, Бурханда хандагты гэжэ хүн бүхэндэ номнобо.

Лука 1:16

Израилиин олон зониие өөһэдынь Бурхан болохо Эзэндэ һөөргэнь бусаажа хандуулха.

Лука 13:3

Тиимэ бэшэ даа! Харин таанад Бурханда хандан, эрид хубилаагүй һаа, бултадаа тэдээн шэнгеэр хосорхот гэжэ мэдэгты!

Лука 13:5

Тиимэ бэшэ даа! Теэд хэрбээ таанад Бурханда хандан, эрид хубилаагүй һаа, булта эгээл тиигэжэ хосорхот!

Лука 15:10

Эгээл энээн шэнги нэгэшье хүнэй Бурханда хандабал, Бурханай Эльгээмэлнүүд баярлаха юм.

Лука 15:7

Тэрээн шэнги нүгэл хээгүй ерэ юһэн сэхэ сэбэр ябадалтан тушаа бэшэ, харин нүгэл хэгшэ нэгэ хүнэй Бурханда хандан, эрид хубилхые харахадаа, тэнгэридэ баяр баясхалан болохол гэжэ таанарта үнэниие хэлэнэб.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 15:19

Тиимэһээ Бурханда хандажа байһан еврей-бэшэ хүниие бидэ хорихо, зобоохо ёһогүйбди гэжэ тоолоноб.

Хэрэгүүд 17:30

Бурханиие мэдээгүй сагта Бурхан эдэ бүгэдые хүнүүдтэ хүлисэдэг байгаа. Харин мүнөө хаа хаанагүй ажаһуудаг зониие нүгэл үйлэдэхэеэ болихыень Бурхан захирна,

Хэрэгүүд 2:38

– Нүгэл хэхэеэ болигты. Нүгэлыетнай Бурханай хүлисэхын тула хүн бүхэн Иисүүс Христоосой нэрэ алдараар уһаар арюудхуулаг. Тиихэдээ таанад Бурханай үршөөһэн Арюун Һүлдэдэ хүртэхэт.

Хэрэгүүд 20:21

Би еврейнүүдыешье, ондоо яһатанииешье нүгэл хэхэеэ болижо, Бурханда хандахыень, манай Эзэн Иисүүстэ этигэхыень гуйдаг бэлэйб.

Хэрэгүүд 26:17

Би шамайе еврейнүүдһээ, мүн бусад арадуудһаа абархаб. Мүнөө тэдэнэй нюдыень нээжэ, харанхы мунхагһаа гэрэл туяада шэглүүлхыншни тула, сатанагай эрхэ мэдэлһээ Бурханай эрхэ мэдэлдэ оруулхыншни тула, мүн Намда этигэн тэдэнэй нүгэл шэбэлээ хүлисүүлжэ, Бурханай арад зоной дунда өөрынгөө һуури эзэлхынь тула Би шамайе тэдэндэ эльгээнэб».

Хэрэгүүд 26:19

Агрииппа хаан, энээнһээ боложо би тэнгэридэ үзэгдэһые буруушаангүй,

Хэрэгүүд 3:19

Нүгэл шэбэлээ Бурханаар хүлисүүлхэ гэбэл, таанад нүгэл хэхэеэ болижо, Бурханда хандагты.

Хэрэгүүд 9:15

Гэбэшье Эзэн Ананияда: – Ошо! Би тэрэниие Намда алба хэхээр шэлэжэ абааб. Тэрэ Минии нэрэ алдар тухай бүхы арадуудта, хаашуулда, Израилиин зондо дуулгаха.

Хэрэгүүд 9:35

Энэ бүхэниие хараһан Лидда ба Шароон хотонуудай зон Эзэндэ этигэбэ ха.

Римэйхиндэ 2:4

Али таанад Бурханай агууехэ үршөөл хайра, хүлисэл, тэсэбэри тооногүй аалта? Таанадые Өөртөө хандуулхын тула Бурхан танда үршөөл хайратай байна гэжэ мэдэнэгүй аалта?

Коринфынхидтэ 2-дохи 3:16

Зүгөөр тэрэ хушалта хүнэй Эзэндэ хандаһан лэ сагтань абтажа хаягдадаг.

Коринфынхидтэ 2-дохи 7:10

Бурханай ашаглаһан уйдхар зүрхэ сэдьхэлые хубилган абаралгада хүтэлдэг, тиин энээн тухай халаглахын хэрэггүй. Харин юрын уйдхар үхэл асардаг юм.

Эфесэйхиндэ 4:17

Дэмы хооһон бодолтой, оюун ухааниинь балартаһан ондоо яһатанда адли бэеэ абажа ябахаяа болигты гэжэ би таанадые Эзэнэй нэрээр гуйнаб. Сэдьхэл зүрхэниинь шулуундал адли шэрүүн байжа, Бурханиие мэдэрхэ гэжэ огто хүсэхэгүй байһан дээрэһээ тэдэнэр Бурханай хайрлажа байһан амидаралһаа хасагдаба.

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Гэршэлгэ 16:11

Тиин үбшэн зоболон, яра шарха асарһанайнь түлөө тэдэнэр Тэнгэриин Бурханиие хараалай муугаар хараажа байгаа. Теэд тэдэ хүнүүд гэм хэхэеэ болёогүй.

Гэршэлгэ 2:21

Нүгэл шэбэл үйлэдэхэеэ болихынь тула тэрэ эхэнэртэ саг гаргажа үгөөб, теэд нүгэл шэбэлээ тэрэ орхихо дурагүй байна.

Гэршэлгэ 2:5

Хаанаһаа бууһанаа һанажа, нүгэл хэхэеэ болиит, анханайнгаа хэрэгүүдые бүтээгыт. Нүгэл хэхэеэ болёогүй һаатнай, ерээд, танай дэнгые абаад ябашахаб.

Гэршэлгэ 3:3

Таанад юу абаа, юу дуулаа һэмта, тэрэнээ сахин хадагалжа байгты, нүгэл хэхэеэ болигты! Хэрбээ һэргэлэн байгаагүй һаатнай, Би таанадта хулгайшан шэнгеэр гэнтэ ерэхэб, хэдыдэ ерэһыемни мэдэхэгүйт.