Хэрэгүүд 20:7 - Библи

⁷ Субботын хойто үдэр бидэ бултадаа үдэшын хоол барихаяа суглараабди. Хойто үдэрынь ябахаяа түхеэржэ байһан дээрэһээ Павел шабинартайгаа удаан саг соо, һүниин тэн болотор хөөрэлдөө.

Шэнэ Хэлсээн

⁷ Гарагай нэгэндэ, воскресенидэ бидэ бултадаа үдэшын хоол барихаяа суглараа бэлэйбди. Хойто үдэрынь ябахаяа түхеэржэ байһан дээрэһээ Павел шабинартайгаа удаан саг соо, һүниин тэн болотор хөөрэлдөө һэн.

Хэрэгүүд 20:7 Referencias Cruzadas

Нэхэмьяа 8:3

Уһашанай үүдэнэй урдахи талмай дээрэ сугларһан ойлгохо шадалтай эрэшүүлэй, эхэнэрнүүдэй урда Эзраа үүр сайхаһаа эхилээд, үдэ болотор хуйламал бэшэг уншаба. Арад зон шэхээ табин шагнаба.

Нэхэмьяа 9:3

Тэдэнэр хоногой дүрбэнэй нэгэ хуби соо гэхэ гү, али найман саг соо хүл дээрээ байжа, өөрынгөө Эзэн Бурханай Хуули хуйламал бэшэгһээ уншаба. Үшөө найман саг соо тэдэнэр нүгэлөө наманшалжа, Эзэн Бурхандаа мүргэн зальбарбад.

Марк 16:9

Субботын хойто үдэрэй эртэ үглөөгүүр Иисүүс амидыраад, анха түрүүн Магдалай Марияда ерэбэ. Урдань Иисүүс тэрэ эхэнэр сооһоо долоон ада шүдхэрые намнажа гаргаһан байгаа.

Лука 22:19

Иисүүс зүһэм хилээмэ абаад, Бурханда баяр баясхалан хүргөөд, хилээмэеэ хухалаад, шабинартаа хубаажа үгэхэ зуураа: – Энэ танай түлөө үргэл болохо бэемни гээшэ. Намайе дурсан энээние эдижэ байгаарайгты, – гэжэ хэлэбэ.

Лука 24:35

Ээлжээндээ тэдэ хоёр харгыда ябахадань юунэй болоһон тухай, хилээмэ хухалжа үгэхэдэнь лэ Иисүүсые таниһан тухайгаа хөөрэбэ.

Иоанн 20:1

Субботын хойто үдэрэй эртэ үглөөгүүр, газаа харанхы байхада, Магдалай Мария агы нүхэндэ дүтэлэн ерэхэдээ, тэрэнэй амһарыень хаагаад байһан шулуунайнь хажуу тээшээ болгогдоод байхые обёорон хараба.

Иоанн 20:19

Тэрэл үдэрэйнгөө үдэшэ, ондоогоор хэлэхэдэ, гарагай нэгэнэй үдэшэ шабинарынь суглараад, еврейнүүдэй ахамадуудһаа айжа, үүдээ шэбхэдээд һууба. Тэрэ үедэнь Иисүүс орожо, тэдэнэй дунда зогсоод: – Амгалан тайбаниие таанадта айладханаб! – гэбэ.

Иоанн 20:26

Долоо хоноод, Иисүүсэй шабинарынь дахин сугларба, мүнөө тэдэнтэй хамта Фомашье байлсаа. Үүдэнь хаалтатай байгаа. Иисүүс орожо ерээд, тэдэнэй урда зогсон: – Таанарта амгалан тайбан! – гэбэ.

Хэрэгүүд 16:10

Энэ үзэгдэлэй һүүлдэ Бурхан бидэниие Һайн Мэдээсэл номнохыемнай дуудаба гэжэ тухайлан, тэрэ бэеэрээ Македони ошохоёо түхеэрбэбди.

Хэрэгүүд 2:42

Тэдэ зон элшэнэрэй һургаал шагнадаг, бэе бэетэйгээ һайнаар харилсадаг, хамта хоол баридаг, зальбардаг бэлэй.

Хэрэгүүд 2:46

Тэдэнэр үдэр бүри һанал нэгэдэн Һүмэдэ сугларжа, гэр бүхэндэ хамта хоол баридаг, баяр баясхалангаар дүүрэн, сэдьхэл тэнюун хоолоо барижа,

Хэрэгүүд 20:11

Бусажа дээшээ гараад, хилээмэ хухалжа эдеэд, Павел үүр сайтар номнобо. Тиигээд гаража ябаа һэн.

Хэрэгүүд 20:31

Тиимэһээ гурбан жэл соо үдэр һүнигүй нулимсаа дуһаан, таанадай хүн бүхэнииетнай һургажа байһыемни һанан, һэргэг байгты.

Хэрэгүүд 20:5

Тэдэнэр урдамнай орожо, бидэниие Троадада хүлеэжэ байгаа.

Хэрэгүүд 20:9

Ээвтих гэжэ залуу хүбүүн сонхын табсан дээрэ һууба. Павелай ехэ удаан номножо байхада тэрэ хүбүүн нойртоо диилдэжэ, гурбадахи дабхарай сонхоһоо унашаба. Шабинарайнь гүйжэ ошоходо, тэрэ үхэшэһэн байгаа.

Хэрэгүүд 28:23

Павелтай хэлсэжэ тогтооһон үдэр тэрэнэй байрада ехэ олон зон сугларба. Үглөөнһөө үдэшэ орой болотор Павел Бурханай хаан орон тухай номнобо. Иисүүс тухай хэлэһэн үгэнүүдэйнгөө үнэн зүб байһыень Моисейн Хуулиин ба лүндэншэдэй гэршэнүүдээр баталаа.

Коринфынхидтэ 1-дэхи 10:16

Бурханда баяр хүргэдэг, Тэрэнэй үхэлые дурасаһан аягаһаа уухадаа, бидэ Христоосой шуһанда хабаатай болонобди. Хилээмэ хухалаад эдихэдээ, бидэ Христоосой бэедэ хабаатай болонобди.

Коринфынхидтэ 1-дэхи 15:10

Гэхэтэй сасуу би Бурханай үршөөл хайраар мүнөөнэй нүхэсэлдэ байнаб, тиин тэрэ үршөөл хайрань дэмы үнгэрөөгүй. Би өөрынгөө хүсэ шадалаар бэшэ, харин досоомни ажаллажа байһан Бурханай үршөөл хайраар бусад элшэнэрһээ үлүү ехэ хүдэлжэ байгааб.

Коринфынхидтэ 1-дэхи 16:2

Воскресени бүхэндэ булта шадалайгаа зэргээр оролгоһоон мүнгэ гаргаад, тэрэнээ хадагалжа байг. Тиигэбэлтнай, ерэхэдэмни, алта мүнгэ суглуулха хэрэг гарахагүй.

Тимофейдэ 2-дохи 4:2

Бурханай үгэ номногты гэжэ захинаб. Хүнүүдэй дуулаха дуратай, дурагүйшье байбалнь, сухарингүй номнохо ёһотойш. Буруу хэһэн юумэнүүдыень заажа, нүгэлнүүдыень шүүмжэлэн элирүүлэ. Гэхэтэй сасуу тэрэ хүнүүдые урмашуулжа, тэсэбэритэйгээр һурга.

Гэршэлгэ 1:10

Эзэнэй үдэр би Арюун Һүлдын нүлөөдэ абтабаб – ара тээмни бүдүүн дуутай бүреэ шэнги юумэнэй хүнхинэтэр дуугархые дуулабаб.