Хэрэгүүд 20:28 - Библи

²⁸ Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Шэнэ Хэлсээн

²⁸ Нангин Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 20:28 Referencias Cruzadas

Псалманууд 74:2

Бидэ Танда магтаал үргэжэ байнамди, магтанамди, аманһаамнай Танай нэрэ унанагүй, Танай гайхамшагта хэрэгүүдые тунхагланабди.

Һургаал 10:21

Үнэн шударга хүнэй үгэ олон хүниие хамгаалдаг, мунхагууд ухаанай дутууһаа үхэдэг.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 63:11

Тиихэдэнь арад түмэниинь Моисей гэгшын ажаһууһан урданай саг һанажа, иигэжэ асуун байба: «Өөрын арад түмэниие удамаршатайнь хамта тэнгис далайһаа гаргагша Эзэн хаанаб? Удамаршадань Өөрын Арюун Һүлдэеэ үгэгшэ Эзэн хаанаб?

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Ерэмияа 13:20

Иерусалим, харыш! Хойто зүгһөө дайсад ерэжэ байна. Шамда даалгагдаһан улад зоншни, омогорходог хүнүүдшни хаанаб?

Ерэмияа 3:15

Тиигээд Намда үнэн сэхэ удамаршадые таанадта үгэхэб. Тэдэ таанарые ойлгон, ухаатай сэсэнээр хүтэлбэрилхэ.

Ерэмияа 31:10

Эзэн тунхаглана: Үндэһэ яһатад, Намайе шагнагты, алас холын эрьенүүдээр үгыем соносхогты. Би Израилиин арад түмэниие тараагаа һэм, теэд Бил тэдэниие суглуулхаб. Хонишоной хонин һүрэгөө хамгаалдаг мэтэ Би тэдэниие хамгаалхаб.

Эзэкээл 34:3

Һү, тоһыень эдеэд, нооһоорнь хубсалаад байнат. Эгээл тарган хонидые гарганат! Харин хонин һүрэг тэжээхэ, хооллуулха тушаа һанаагаа табинагүйт.

Эзэкээл 34:31

Таанад хонидни, Би танай Бурхамби, таанад тушаа хододоо һанаагаа зобоноб.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Михей 7:14

Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Захарияа 11:4

Эзэн Бурхамни иигэжэ айладхана: – Нядалагдаха үйлэ руунь һүрэг малаа харюулагты.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Матвей 2:6

«Иудейн орон дайдын Бэтлэһээм хото, ши Иудын мэдэлэй бусад шухала хотонуудһаа юугээрээшье дутанагүйш, юундэб гэхэдэ, Минии Израилиин арад зониие хүтэлхэ ехэ ударидагша шамһаа мүндэлэн гараха».

Марк 13:9

Таанад өөһэдөө һэргэг байха ёһотойт. Таанадые зарга шүүбэриин газарта абаашажа тушааха, мүргэлэй гэр соо сохихо. Минии түлөө таанад захирагшадай, хаашуулай урда зогсоод, һүзэг тухайгаа хэлэхэт.

Лука 12:32

Шабинарни, багахан һүрэг таанар, бү айгты! Эсэгэтнай танда Бурханай хаан орониие дуратайгаар үршөөхэ бшуу.

Лука 21:34

Хүлеэгээгүй байтартнай занга мэтээр тэрэ сагай гэнтэ дээрэтнай буужа таанадые барихагүйн тула үзэмэй дараһан архида шунангүй, хубиингаа хэрэгтэ дашуурангүй, бэеэ эртэнһээ бэлдэжэ байгаарайгты.

Хэрэгүүд 13:2

Нэгэтэ тэдэнэй Эзэндэ алба хэжэ, масаглажа байхада Арюун Һүлдэ тэдээндэ: – Ямар үүргэ даалган Барнааба Саул хоёрые дуудаа һэнби, тэрэ хэрэгыемни бүтээхыень тэдэ хоёрые Намда табигты, – гэжэ хэлэбэ.

Хэрэгүүд 14:23

Павел Барнааба хоёр һүзэглэгшэдэй бүлгэм бүхэндэ хүтэлэгшэдые томилжо, масаглаад, зальбараад, этигэһэн Эзэндэнь тэдэ һүзэглэгшэдые даалгаба.

Хэрэгүүд 20:17

Милет хотодо байхадаа, Павел Эфесэй бүлгэмэй хүтэлэгшэдэй хойноһоо хүнүүдые Эфес руу эльгээбэ ха.

Хэрэгүүд 20:29

Минии ябаһан хойно таанадта хэрзэгы шононууд ерэжэ, һүрэгыетнай хайрлахагүй гэжэ би мэдэнэб.

Римэйхиндэ 16:16

Бэе бэеэ таалажа амаршалаарайгты. Христоосой һүзэглэгшэдэй бүхы бүлгэмүүд таанадта мэндэеэ дамжуулна.

Коринфынхидтэ 1-дэхи 10:32

Иудейнүүдтэшье, бусад арадай зондошье, Бурханай һүзэглэгшэдэй бүлгэмдэшье ямаршье гомдохол түрүүлэнгүй ажамидарагты.

Коринфынхидтэ 1-дэхи 11:22

Таанад эдижэ, уужа байхаар гэргүй юм гүт? Али таанад Бурханай һүзэглэгшэдэй бүлгэмые тоонгүй, дуталдаһан зониие доромжолно гүт? Энээн тухай юу гэхыемни хүлеэнэбта? Таанадые магтаха ёһотой гүб? Үгы даа, энээнэй түлөө магтахагүйб!

Коринфынхидтэ 1-дэхи 15:9

Элшэнэрэй эгээн «багань» гээшэб, элшэн гэжэ нэрлэгдэхэшье эрхэгүй байгааб, юундэб гэхэдэ, би һүзэглэгшэдэй бүлгэмые хашан мүрдэдэг һэмби.

Коринфынхидтэ 1-дэхи 6:20

Бурхан таанадые үнэтэй сэнгээр худалдажа абаа. Тиимэһээ бэеэрээ Бурханиие алдаршуулжа байгты.

Галадуудта 1:13

Урдань иудейн ёһо гуримые бодотоор сахин ажамидаржа ябаһан тухаймни таанад дуулаа ёһотойт. Би Христоосто һүзэглэдэг зониие гайтайгаар хашан мүрдэдэг, һандарган хосороодог һэм.

Эфесэйхиндэ 1:14

Бурханай Өөрынгөө хүнүүдтэ найдуулһан бүхэниие маанадай абаха тухай тэрэ Һүлдэнь батална, тиин Бурханай Өөрынгөө хүнүүдые бодото сүлөөтэй болгохо тухай баһа батална. Бидэ Тэрэнэй алдар солые дуудаха бахархалынь байял!

Эфесэйхиндэ 1:7

Тэрэ агууехэ буян хэшэгтээ маанадые элбэг дэлбэгээр хүртөөгөө. Тэрэнэйнь ашаар бидэ Хүбүүнтэйнь нэгэдээд, шуһанайнь сэнгээр сүлөөтэй боложо, нүгэлнүүдээ хүлисүүлээбди. Тэрэ сэсэн ухаагаараа, оюун мэдэлээрээ

Эфесэйхиндэ 4:11

Тэрэл хүнүүдые абьяас бэлигтээ хүртөөбэ, хэһэг зониие элшэнэр болгожо табиба, үшөө хэһэг зониие лүндэншэд болгожо табиба, зарим зониие Һайн Мэдээсэл номнохыень табиба, бусадые һүзэглэгшэдэй хүтэлэгшэдөөр, багшанараар томилбо.

Филиппынхидтэ 1:1

Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисүүс Христоосой зарасанар болохо Павел Тимофей хоёр бэшэнэ.

Колоссынхидтэ 1:14

Тэрэ Хүбүүниинь бидэнэй нүгэлнүүдые хүлисөөд, бидэниие эрхэ сүлөөтэй болгоо.

Колоссынхидтэ 4:17

«Эзэнэй даалгаһан ажалые бүтээгээрэй», – гэжэ Архипда хэлээрэйт.

Тимофейдэ 1-дэхи 3:1

Һүзэглэгшэдэй бүлгэмэй хүтэлэгшэ болохые һанаһан хүн дэмбэрэлтэ һайхан хэрэг һанаашалаа гэдэгынь үнэн гээшэ.

Тимофейдэ 1-дэхи 3:2

Гэхэтэй сасуу һүзэглэгшэдэй бүлгэмэй хүтэлэгшэ ямаршье гэмгүй, гансал һамгатай, ухаансар, бэеэ баридаг, ехэ томоотой, аяншадые угтажа абадаг, хүнүүдые һургаха абьяастай,

Тимофейдэ 1-дэхи 3:5

Гэр бүлэдөө һанаагаа табидаггүй хүн яажа Бурханай һүзэглэгшэдэй бүлгэмые анхаржа шадахаб.

Тимофейдэ 1-дэхи 4:14

Бүлгэмэй хүтэлэгшэдэй уридшалан хэлээд, дээрэшни гараа табихадань, шамда абьяас бэлиг үгтөө. Тэрэ абьяас бэлигээ хэрэглэжэ байгаарай.

Тимофейдэ 1-дэхи 4:16

Ажабайдалдаа, һургажа байһан юумэндээ анхаралаа хандуула. Тиигэжэ байбал, ши өөрыгөөшье, өөрынгөө шагнагшадыешье абархаш.

Тимофейдэ 1-дэхи 5:17

Һайн хэрэг бүтээжэ байгаа хүтэлэгшэд, аргагүй оролдосотойгоор номножо, һургажа байһан хүнүүд дабхар шагнал абаха эрхэтэй.

Тидтэ 1:7

Ушарынь юуб гэхэдэ, һүзэглэгшэдэй бүлгэмэй хүтэлэгшэ Бурханда алба хэдэг, Тэрэнэй эрхилэгшэ ушарһаа ямаршье гэмгүй байха зэргэтэй. Тэрэ омог бардам зан гаргадаггүй, уур сухалаа хүрэдэггүй, архидадаггүй, дошхордоггүй, алта мүнгэндэ шуналгүй,

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 12:15

Хэн нэгэнэй Бурханай үршөөл хайраһаа хаһагдан үлэшэхэгүйень ойлгожо байгты. Хэн нэгэнэй хорото ургамалдал адли гэм хүргэжэ, олон хүнүүдые бузарлажа байхагүйень обёоржо байгты.

Еврейнүүдтэ 13:17

Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.

Пётрой 1-дэхи хандалга 2:25

Таанад төөриһэн хонид мэтэ адуулагшагүй ябаат, мүнөө Адуулагшадаа, харууһалагшадаа таанад бусажа ерээт.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Иоаннай 1-дэхи хандалга 1:7

Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.