Хэрэгүүд 2:24 - Библи

²⁴ Гэбэшье Бурхан Тэрэниие үхэлэй зоболонһоо аршалан амидыруулаа, үхэл Тэрэниие һабартаа барижа шадахагүй байгаа бшуу.

Шэнэ Хэлсээн

²⁴ Гэбэшье Бурхан тэрэниие үхэлэй зоболонһоо аршалан амидыруулаа, юундэб гэхэдэ, үхэл тэрэниие һабартаа барижа шадахагүй байгаа бшуу.

Хэрэгүүд 2:24 Referencias Cruzadas

Исай 10:7

Гэбэшье Ассири иихэеэ һананагүй, энээн тушаа бодоногүй, тэрэ олон үндэһэ яһатаниие хюдаха, һалгааха һанаатай.

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 26:19

Үхэһэн зомнай дахин амидырха! Хумхаа тооһон бологшод һэргэн бодожо, баяртай дуулалдаха. Газар дайдые шүүдэрэй һэргээдэгтэл, Эзэн нүгшэһэн зониие амидыруулха!

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Һошээ 13:14

Үхэлэй оронһоо таанадые Би абархагүйб, үхэлһөө мултаруулхагүйб. Ай, Үхэл, зоболонгуудшни хаанаб? Үхэл, хадхуураараа зониие хадхан алыш, бултыень усадхыш! Би энээн тушаа оройдоошье халаглахагүйб.

Матвей 27:63

– Ноён аа! Тэрэ мэхэшэнэй үшөө амиды байхадаа: «Гурбан үдэрһөө амидырхаб», – гэжэ хэлэһые һанабабди.

Иоанн 10:18

Минии ами наһые хэншье хороохогүй, харин Би Өөрөө ами наһаяа үгэхэб. Би ами наһаяа үгэхэ эрхэтэйб, Би ами наһаяа һөөргэнь абаха эрхэ засагтайб. Эсэгэмни Намда тиигэжэ захяа юм.

Иоанн 10:35

Хэдүүдтэ Бурхан Өөрынгөө үгэ хэлээб, тэдые Хуулитнай бурханууд гэжэ нэрлэнэ, тиихэдэ Нангин Бэшэг соо худал юумэн байха ёһогүй.

Иоанн 12:39

Юундэ тэдэ этигэжэ шадахагүйб гэжэ Исай ондоо газарта иигээд тайлбарилһан байна:

Иоанн 20:9

Теэд Иисүүс үхөөд амидырха гэжэ Нангин Бэшэг соо бэшээтэй байһан зүйлые тэдэ шабинарынь үшөөл ойлгонгүй байгаа.

Хэрэгүүд 1:16

– Аха дүүнэрни, аа! Искариодой Иудын хуби заяан тухай Арюун Һүлдын Давидаар уридшалан хэлүүлһэн Нангин Бэшэгэй мүрнүүд үнэн дээрээ бэелхэ ёһотой һэн. Иисүүсые бэдэрһэн зондо Иуда байһан газарыень заажа үгөө.

Хэрэгүүд 13:30

Гэбэшье Бурхан Тэрэниие амидыруулаа.

Хэрэгүүд 13:37

Харин Бурханай амидыруулһан Нэгэн шалзаран үмхирхэгүй.

Хэрэгүүд 17:31

юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ Тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө.

Хэрэгүүд 2:32

Бурхан Иисүүсые амидыруулаа, тиин бидэ булта энэ ушарай гэршэнэр болонобди.

Хэрэгүүд 3:15

Таанар Амидарал бүтээгшые алабат, харин Бурхан Тэрэниие амидыруулаа. Бидэ тэдэ үйлэ хэрэгүүдэй гэршэнэрбди.

Хэрэгүүд 3:26

Хүн бүхэнииетнай муу муухай хэрэгүүдһээ зайсуулжа, буян хэшэгтээ хүртөөхын тула Бурхан Зарасаяа амидыруулаад, Тэрэнээ анха түрүүн таанадта эльгээгээ юм.

Хэрэгүүд 4:10

Назаредэй Иисүүс Христоосой нэрэ алдараар энэ хүн мүнөө элүүр мэндэ болоод, урдатнай зогсоно гэжэ таанад булта, бүхы Израилиин зон мэдэжэ байгты. Таанар Иисүүс Христоосые хэрээһэндэ хадаат, харин Бурхан Тэрэниие амидыруулаа.

Хэрэгүүд 5:30

Таанадай модон хэрээһэндэ хадажа саазалһан Иисүүсые манай үбгэ эсэгэнэрэй Бурхан амидыруулаа.

Римэйхиндэ 10:9

Хэрбээ Иисүүсые Эзэн гэжэ айладхаад, Бурхан Тэрэниие амидыруулаа гэжэ зүрхэ сэдьхэлээрээ этигэжэ байбал, ши абарагдахаш.

Римэйхиндэ 14:9

Амиды ба үхэһэн хүнүүдэй Эзэн байхын тула Христоос үхөөд амидыраа.

Римэйхиндэ 4:24

Тэрэнь баһал манай Эзэн Иисүүс Христоосые амидыруулһан Бурханда һүзэглөөд, үнэн сэдьхэлтэнэй тоодо ороһон маанадта хабаатай.

Римэйхиндэ 6:4

Уһаар арюудхуулхадаа, бидэ Христоостой хамта үхөөд хүдөөлүүлэгдөөбди. Тиимэһээ Эсэгынь алдарта һүр хүсэнэй Христоосые амидыруулһандал адляар бидэшье ажамидаралай шэнэ зүргөөр ябахабди.

Римэйхиндэ 8:11

Иисүүсые үхэхэдэнь амидыруулһан Бурханай Һүлдын зосоотнай оршожо байхадань, Христоосые Амидыруулагша зосоотнай оршожо байһан Һүлдөөрөө таанадайшье үхэлтэ бэедэ ами үршөөхэл.

Римэйхиндэ 8:34

Тиихэдээ хэн тэдэниие зэмэлхэб? Үхөөд, тиигээд амидыраад, Бурханай баруун талада һууһан, маанадай түлөө гуйлта үргэжэ байһан Христоос Иисүүс тэдэниие гэмнэхэгүйл!

Коринфынхидтэ 1-дэхи 15:12

Христоос үхөөд амидыруулагдаа гэжэ номноходомнай заримантнай юундэ үхэһэн хүнүүд амидырхагүй гэнэб?

Коринфынхидтэ 1-дэхи 15:15

Харин үхэһэн хүнүүд амидырдаггүй һаа, бидэ Бурханай Христоосые амидыруулаагүй байхадань амидыруулаа гэжэ хэлэхэдээ, Бурхан тухай худалаар гэршэлһэн болонобди.

Коринфынхидтэ 1-дэхи 15:20

Зүгөөр Христоосой үхөөд амидыруулагдаһаниинь үнэн зүб юм. Үхөөд амидыруулагдаха зондо энэнь баталамжа юм.

Коринфынхидтэ 1-дэхи 15:4

Тэндэл уридшалан хэлэгдэһэнэй ёһоор Христоос хүдөөлүүлэгдөөд, гурбадахи үдэртөө амидыруулагдаа,

Коринфынхидтэ 1-дэхи 6:14

Бурхан Эзэниие амидыруулаа, тиин бидэнииешье һүр хүсөөрөө амидыруулха.

Коринфынхидтэ 2-дохи 4:14

Эзэн Иисүүсые амидыруулһан Бурхан Иисүүстэй хамта бидэниие амидыруулха, тиигээд та бидэниие Өөрынгөө урда байлгаха гэжэ бидэ мэдэнэбди.

Галадуудта 1:1

Нэгэ хүнэй гү, али хэдэн хүнүүдэй эрхэ мэдэлээр бэшэ, харин Иисүүс Христоосой, Тэрэниие амидыруулһан Эсэгэ Бурханай мэдэлээр шэлэгдээд, элшэнгээр табигдаһан Павелһаа,

Эфесэйхиндэ 1:20

Тэрэл хүсэ шадалаараа Бурхан Христоосой үхэхэдэнь амидыруулаад, дээдын огторгойдо баруун таладаа

Колоссынхидтэ 2:12

Таанад уһаар арюудхагдахадаа, Христоостой хамта үхөөт, тиихэдээл Тэрэниие амидыруулһан Бурханай хүсэндэ этигэжэ, Христоостой хамта амидыруулагдаат.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 2:14

Үхибүүдэй махабад бэе ба шуһанһаа бүридэһэн хадань Иисүүс Өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые Өөрынгөө үхэлөөр хүсэгүй болгохын тула,

Пётрой 1-дэхи хандалга 1:21

Тэрэнэйл аша туһаар таанад Бурханда этигэнэт. Бурхан Тэрэниие үхөөд байхадань амидыруулаа, алдаршуулаа, тиимэһээл таанад Бурханда һүзэглэнэт, найданат.

Гэршэлгэ 1:18

Би амидыб; үхөөд байһанаа мүнөө хэтэ мүнхэдөө амиды ябахаб; үхэлэй ба үхэлэй ороной түлхюурнүүдынь Намда бии.