Хэрэгүүд 18:5 - Библи

⁵ Сила Тимофей хоёрой Македониһоо ерэхэдэнь, Павел Һайн Мэдээсэл номнолгодо өөрыгөө бүрин зорюулжа, Иисүүс гээшэмнай Бурханай табисуурта гэжэ еврейнүүдтэ баталан гэршэлжэ байгаа.

Шэнэ Хэлсээн

⁵ Сила Тимофей хоёрой Македониһоо ерэхэдэнь, Павел Һайн Мэдээсэл номноходо өөрыгөө бүрин зорюулжа, Иисус гээшэмнай Бурханай табисуурта гэжэ еврейнүүдтэ баталан гэршэлжэ байгаа.

Хэрэгүүд 18:5 Referencias Cruzadas

Ерэмияа 20:9

Теэд минии: «Эзэн тухай бэшэ һануулхагүйб, Тэрэнэй нэрэһээ бэшэ айладхахагүйб» гэжэ хэлэхэдэ, зүрхэ сэдьхэлдэмни гал шатажа байһандал, яһаарни дамжан гараһандал болоно. Тэрэниие досоогоо барижа туршааб, теэд шаданагүйб.

Ерэмияа 6:11

Эзэмни, тэдэнэй урдаһаа Танай уур хилэнгээр би мүн лэ халинхайб, досоогоо энээниие багтаажа ядажа байнаб». Тиихэдэм Эзэн намда иигэжэ хэлээ: – Уур хилэнгыем үйлсэдэхи үхибүүд болон сугларһан залуушуул дээрэ адха. Үбгэд, һамгад баряанда абтаха, үндэр наһатай үбгэдшье баряанда туугдан абтахал.

Эзэкээл 3:14

Эзэн Бурханай асари ехэ һүр һүлдэ намайе өөдэнь үргэжэ, би энээндэнь дурагүйлхэн, досоогоо сухалдаа һэм.

Михей 3:8

Харин намда Эзэн хүсэ шадал болон һүр һүлдэ дүүрэн үршөөгөө. Тиимэһээ шударга ёһо, эрэ зоригтой би Яковай удамда гэм зэмэ үйлэдэһэн тухайнь, Израилиин улад зондо нүгэл тухайнь сэхэ хэлэхэб!

Лука 12:50

Үхэлдэ шунгуулаад гараха ёһотой хүм, тэрэнэйнгээ бэелүүлэгдэхые Би хүлеэжэ ядан, ехэтэ зобоноб!

Лука 16:28

Тэндэмни табан дүүмни үлэһэн юм: тэдэнииемни нам шэнги тамын газарта орохогүйень һэргылэг лэ», – гэбэ.

Иоанн 1:41

Андрей өөрынгөө аха Симониие бэдэржэ олоод: – Бидэ Бурханай табисууртые олообди, – гэбэ («Бурханай табисуурта» – грек хэлэн дээрэ «Христоос»).

Иоанн 10:24

Тэрэниие тойроод еврейнүүд сугларжа: – Та хэды болотор бидэнэй тэсэбэри туршаха һанаатайбта? Хэрбээ Та Бурханай табисуурта һаа, манда сэхэ хэлыт, – гэлдэбэ.

Иоанн 15:27

Мүн таанаршье Минии гэршэ болохот, ушарынь хэлэбэл, эгээл эхинһээ Намтай суг байгаа ха юмта.

Иоанн 3:28

Таанар өөһэдөө «Би Бурханай табисуурта бэшэб, би миин лэ Тэрээнһээ урда эльгээгдэһэн байнаб», – гэжэ минии хэлэһэнэй гэршэнэрта.

Хэрэгүүд 10:42

Үхэһэн ба амиды хүнүүдэй Зарга шүүгшэ, Бурханай табисуурта гэжэ Тэрээн тухай гэршэлхыемнай, хүнүүдтэ Һайн Мэдээсэл номнохыемнай Тэрэ бидэндэ захяа.

Хэрэгүүд 15:22

Тиигээд элшэнэр, бүлгэмэй хүтэлэгшэд һүзэглэгшэдтэйгөө хамта хэдэн хүниие өөһэдынгөө дундаһаа шэлэжэ абаад, Павел Барнааба хоёртой Антиох руу эльгээхэ гэжэ шиидэбэ. Тэдэ һүзэглэгшэдэй дундаһаа нэрэ хүндэтэй Баршаббаа гэжэ ара нэрэтэй Иудые, мүн Силые шэлэжэ абаад,

Хэрэгүүд 16:1

Павел Дээрбэ ошоод, удаань Листра хүрэжэ ерэбэ. Тэндэ Эзэндэ һүзэглэдэг еврей эхэтэй, грек эсэгэтэй Тимофей гэжэ нэгэ шаби ажаһуугаа.

Хэрэгүүд 16:12

Тэндэһээ Македониин нэгэ аймагай түб хотодо, римэй колониин Филипп хото хүрэжэ ерээбди. Энэ хотодо бидэ хэдэн үдэр хоноо һэмди.

Хэрэгүүд 16:9

Македониин эрэ урдань зогсожо: «Македони ерэжэ, манда туһалыт даа!» – гэһэн үзэгдэл Павел тэрэ һүниндөө хараба.

Хэрэгүүд 17:3

Бурханай табисууртын ехэ зоболон дабажа, һүүлдэнь амидырха ёһотой байһан тухай зондо айладхаба. «Энэ Иисүүс эгээл Бурханай заяаһан Абарагша мүн», – гэжэ тобшолол гаргаба.

Хэрэгүүд 18:28

Юуб гэхэдэ, тэрэ олон зоной дунда еврейнүүдтэй заргалдан, тэдэниие буруушаажа, Нангин Бэшэгһээ хэһэгүүдые хэрэглэн, Иисүүс гээшэмнай Бурханай табисуурта мүн гэжэ баталба.

Хэрэгүүд 2:36

Тиимэ ушарһаа таанадай саазалһан Иисүүсые Бурхан Өөрөө Эзэн болон Бурханай табисуурта болгожо табяа. Израилиин бүхы зон, энээниие хадуужа абагты.

Хэрэгүүд 20:21

Би еврейнүүдыешье, ондоо яһатанииешье нүгэл хэхэеэ болижо, Бурханда хандахыень, манай Эзэн Иисүүстэ этигэхыень гуйдаг бэлэйб.

Хэрэгүүд 20:23

Гэбэшье ямаршье хотодо хүрэжэ ерэхэдэмни, хаанашье байхадамни, намайе түрмэ зоболон хоёр хүлеэнэ гэжэ Арюун Һүлдэ хэлэдэг.

Хэрэгүүд 20:24

Харин би ами наһаяа оройдоошье хайрланагүйб. Бурханай үршөөл хайра тухай Һайн Мэдээсэл айладхажа бай гэжэ Эзэнэй намда даалгаһан үүргэ гүйсэдхэн, ябаха ёһотой замаараа ябажа түгэсхэбэлни һайн гээшэ.

Хэрэгүүд 4:20

Бидэ хараһан дуулаһан юумэн тухайгаа хөөрэнгүй байжа шадахагүйбди, – гэжэ харюусаба.

Хэрэгүүд 9:22

Гэбэшье Иисүүс гээшэмнай Бурханай табисуурта гэжэ Саул улам эршэтэйгээр баталан гэршэлжэ, Дамааскда ажаһуудаг еврейнүүдые мухардуулдаг һэн.

Коринфынхидтэ 2-дохи 1:19

Ушарынь юуб гэхэдэ, Силуан, Тимофей бидэ гурбанай таанадта номноһон Бурханай Хүбүүн Иисүүс Христоос «тиимэ» гэхэдээ, «үгы» гэһэн удхатайгаар хэлэдэггүй. Тэрэ Өөрөө Бурханай «тиимэ» мүн.

Коринфынхидтэ 2-дохи 11:9

Хамта байхадаа, мүнгөөр дуталдаха сагтаашье таанадта ашаан болодоггүй һэм. Македониһоо ерэһэн һүзэглэгшэд намда хэрэгтэй юумэ асаржа үгөө һэн. Урдань таанадые дарамталхагүй гэжэ оролдодог хэбээрээл саашадаашье байхаб.

Коринфынхидтэ 2-дохи 5:14

Маанадые Христоосой хайра дуран захирна, тиин хүн бүхэнэй түлөө нэгэ хүнэй үхэбэл, тэрэ үхэлыень хүн бүхэн хубаалсана гэжэ бидэ мэдэнэбди.

Филиппынхидтэ 1:23

Тэрэ хоёр зүг хоюулан намайе өөр тээшээ татана. Үхөөд, Христоостой суг байхые аргагүй ехээр хүсэнэб. Энэнь ушаргүй һайн шэлэлтэ юм.

Фессалоникиинхидтэ 1-дэхи 3:6

Мүнөө Тимофей бусажа ерээ, танай һүзэг ба дуран тухай һайн мэдээсэл асараа. Таанад бидэниие ходо һайнаар дурданат, таанадые харахаяа ехээр хүсэдэгтэмнайл адляар таанадшье бидэниие харахаяа ехэл хүсэнэт гэжэ тэрэ дуулгаа.

Пётрой 1-дэхи хандалга 5:12

Христоосой шударгы һүзэглэгшэ Силуанай туһаламжаар би таанадта энэ богонихон бэшэг бэшээб. Таанадые урмашуулха ба Бурханай буян хэшэгые дамжуулха зорилготойгоор бэшээб. Энэ буян хэшэгые хатуу баримталжа байгты.