Хэрэгүүд 17:32 - Библи

³² Үхэһэн хүнүүдые амидыруулһан тухай дуулахадаа, нэгэ зарим зон ташаганаса энеэлдэбэ, нүгөө зариманиинь: – Бидэ таниие үшөө дахин шагнуужамди, – гэлдэбэ.

Шэнэ Хэлсээн

³² Үхэһэн хүнүүдые амидыруулһан тухай дуулахадаа, нэгэ зарим зон ташаганаса энеэлдэбэ, нүгөө зариманиинь: – Бидэ шамайе үшөө дахин шагнуужамди, – гэлдэбэ.

Хэрэгүүд 17:32 Referencias Cruzadas

Эхин 19:14

Лоот ошожо, басагадтайнь гэрлэхэ заяатай хүбүүдтэ хэлэбэ: – Дары түргэн энэ хотоһоо гаража ошогты! Эзэн энэ хотые үгы хэхэнь! Теэд тэдэ Лоот шоглон наадаба гэжэ һанаба.

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Лука 14:18

Урилгатай хүнүүдынь булта хоорондоо хэлсэһэн юумэндэл, ерэхэ аргагүй байһандаа хүлисэл гуйжа: «Би газар худалдажа абаад, тэрэнээ ошожо хараагүйдэм аргагүй. Намайе хүлисэхыетнай гуйнаб», – гэжэ нэгэниинь захюулба.

Лука 22:63

Иисүүсые харууһалжа байһан хүнүүд Тэрэниие наада бариба, тиигээд сохибо.

Лука 23:11

Ирод сэрэгшэдтэеэ хамта Иисүүсые баһан доромжолоод, хаанай хубсаһа үмдэхүүлжэ, Пиладта һөөргэнь эльгээбэ.

Лука 23:36

Сэрэгшэдшье элдэбээр баһажа, уксус үгэхэ зуураа:

Хэрэгүүд 13:41

«Харагты даа, шоглон гасаалагшад, гайхалдагты, хосорогты! Таанадта дуулгаашье һаа, танай үнэншэхөөр бэшэ Агууехэ үйлэ хэрэг эдэ үдэрнүүдтэ Би бүтээхэмни».

Хэрэгүүд 17:18

Эпикур болон стоик һургаалай гүн ухаантанууд тэрээнтэй уулзажа: – Энэ дэмы шашагша юу хэлэхэ һанаатайб? – гэжэ нэгэ зариманиинь хэлэжэ байба. – Үгы, энэшни хариин бурхадууд тухай номноно ха, – гэжэ нүгөөдүүлынь хэлэбэ. Юундэ тиигэжэ хэлсээб гэхэдэ, Павел Иисүүс тухай, Тэрэнэй амидыралга тухай номноо.

Хэрэгүүд 17:31

юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ Тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө.

Хэрэгүүд 17:33

Тиихэдэнь Павел тэдэниие орхижо ошоо.

Хэрэгүүд 2:13

Харин нүгөөдүүлынь тэдэниие наада барин: – Ай, эдэ һогтоо байна! – гэлдэбэ.

Хэрэгүүд 24:25

Теэд Павелай үнэн зүб ажамидарха, бэеэ бариха тухай, ерээдүй зарга шүүбэри тухай хөөрэхэдэнь, Феликс айгаад: – Зай, иигээд мүнөөдэр болоо. Яба. Сүлөө саг гарабал, би шамайе дуудуужаб, – гэжэ хэлэбэ.

Хэрэгүүд 25:19

Харин тэдэ өөһэдынгөө шажанай талаар, Павелай амиды гэжэ баталан хэлэдэг Иисүүс гэдэг үхэһэн хүн тухай асуудалаар арсалдаа.

Хэрэгүүд 26:8

Үхэһэн зониие Бурхан амидыруулха аргагүй гэжэ таанар яахадаа һананабта?

Коринфынхидтэ 1-дэхи 1:23

Харин бидэ саазалуулагдаһан Христоос тухай, еврейнүүдэй дурые гутаадаг, бусад арадуудта, ямаршье удхагүй байдаг мэдээсэлые номнонобди.

Коринфынхидтэ 1-дэхи 15:12

Христоос үхөөд амидыруулагдаа гэжэ номноходомнай заримантнай юундэ үхэһэн хүнүүд амидырхагүй гэнэб?

Коринфынхидтэ 1-дэхи 4:10

Бидэ Христоосой түлөө тэнэг болообди, зүгөөр таанад Христоостой хамтаран сэсэн мэргэн болобот! Бидэ ахир һулабди, тиихэдэ таанад хүсэтэй болобот! Бидэнэй нэрые гутаагаа, харин таанад алдар солодо хүртэбэт!

Коринфынхидтэ 2-дохи 6:2

«Таарамжатай сагай ерэхэдэ, Би шамайе дуулаа хүм, абарха үдэрэй ерэхэдэ, Би шамда туһалаа хүм», – гэжэ Бурхан хэлээ. Эгээл тэрэ саг болзор болобо, шамайе абарха тэрэ үдэр ерэбэ.

Еврейнүүдтэ 11:36

Зарим хүнүүд доромжолуулаад, сохюулаад, баһа гэнжэндэ хүлюулээд, түрмэдэ һуугаа.

Еврейнүүдтэ 13:13

Бидэшье Тэрэниие угтан, хотоһоо гаража, доромжолуулгыень хубаалсаял.