Хэрэгүүд 17:31 - Библи

³¹ юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ Тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө.

Шэнэ Хэлсээн

³¹ юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө ха юм.

Хэрэгүүд 17:31 Referencias Cruzadas

Псалманууд 9:8

Эзэн хэтэ мүнхэдөө хааншалан байха. Зарга шүүбэри ябуулхын тула Тэрэ шэрээгээ дэлгээ.

Псалманууд 98:9

Эзэн Бурханииемнай үргэмжэлэгты! Нангин хада дээрэнь һүгэдэн мүргэгты! Юуб гэбэл, Эзэн Бурхамнай арюун нангин юм.

Матвей 10:15

Зарга шүүбэриин Үдэрэй болоходо тэрэ хотын зониие Бурхан Содом, Гоморро хотынхидһоо бүри үлүү аймшагтай хэһээлтэдэ хүртөөхэ гэжэ таанарта үнэниие хэлэнэб.

Матвей 24:14

Бурханай хаан түрэ тухай Һайн мэдээсэлэй бүхы газар дэлхэйгээр, бүхы арадуудта гэршэлэгдэн номногдоһон хойно эсэс болохо.

Лука 22:22

Хүн түрэлхитэнэй Хүбүүн уридшалан заяагдаһан ёһоор ами наһаа үгэхэнь, зүгөөр Тэрэниие барижа үгэһэн хүн аймшагтай гай зоболон амсаха.

Иоанн 12:48

Намайе буруушааһан, Минии үгэ дуулаха дурагүй хүндэ заргаша бии, тэрэ хүниие Минии хэлэһэн үгэ һүүлшын Үдэртэ буруушаан гэмнэхэ!

Иоанн 16:10

Харуулха үнэн зүбынь Минии талада юм, ушарынь хэлэбэл, Би һөөргөө Эсэгэдээ бусахамни, тиин таанар Намайе ондоо харахагүйт.

Иоанн 5:27

Зарга шүүбэри хэхэ эрхэ засагые Эсэгэнь Хүбүүндээ үгөө, ушарынь гэбэл, Хүбүүниинь Хүн түрэлхитэнэй Хүбүүн мүн.

Хэрэгүүд 17:18

Эпикур болон стоик һургаалай гүн ухаантанууд тэрээнтэй уулзажа: – Энэ дэмы шашагша юу хэлэхэ һанаатайб? – гэжэ нэгэ зариманиинь хэлэжэ байба. – Үгы, энэшни хариин бурхадууд тухай номноно ха, – гэжэ нүгөөдүүлынь хэлэбэ. Юундэ тиигэжэ хэлсээб гэхэдэ, Павел Иисүүс тухай, Тэрэнэй амидыралга тухай номноо.

Хэрэгүүд 17:32

Үхэһэн хүнүүдые амидыруулһан тухай дуулахадаа, нэгэ зарим зон ташаганаса энеэлдэбэ, нүгөө зариманиинь: – Бидэ таниие үшөө дахин шагнуужамди, – гэлдэбэ.

Хэрэгүүд 17:6

Тэдэ хоёрые оложо ядахадаа, тэдэнэр Ясоониие, баһа хэдэн һүзэглэгшэдые хотын захирагшадта шэрэжэ абаашаад: – Эдэ түби дэлхэйе үймүүлһэн зон, мүнөө манай хотодо ерээд байна, – гэжэ хашхаралдаба.

Хэрэгүүд 2:32

Бурхан Иисүүсые амидыруулаа, тиин бидэ булта энэ ушарай гэршэнэр болонобди.

Хэрэгүүд 4:10

Назаредэй Иисүүс Христоосой нэрэ алдараар энэ хүн мүнөө элүүр мэндэ болоод, урдатнай зогсоно гэжэ таанад булта, бүхы Израилиин зон мэдэжэ байгты. Таанар Иисүүс Христоосые хэрээһэндэ хадаат, харин Бурхан Тэрэниие амидыруулаа.

Римэйхиндэ 2:16

Тон энээндэл адляар номноһон Һайн Мэдээсэлэймни ёһоор тэрэ Үдэр Иисүүс Христоосой ашаар бүхы хүнүүдэй нюуса бодолгонуудыень Бурхан гэмнэн шүүхэ.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Коринфынхидтэ 2-дохи 5:10

Газар дэлхэй дээрэ ябахадаа муу, һайн юумэ хэһэнэйнгээ түлөө шүүлгэхын тула бидэ булта Христоосой зарга шүүбэридэ орохо ёһотойбди.

Тимофейдэ 2-дохи 4:1

Иисүүс Христоос хаан ороноо захирхаяа ерэхэдээ, үхэһэн ба амиды хүнүүдые бултыень шүүхэ. Тиимэһээ Бурханай, Христоосой урда

Пётрой 2-дохи хандалга 3:7

Харин мүнөө оршожо байһан огторгой дэлхэй хоёр галда һүнөөлгэхын тула тэрэл Бурханай үгөөр хадагалагдана. Тэдэнэр Бурханиие буруушааһан хүнүүдэй шүүбэрилүүлжэ хосорхо Зарга шүүбэриин үдэрэй ерэтэр хадагалагдажа байха.